هذي حكاية غربتي.؟!!

دونك حياتي لغز لي فسريها
من رحلة الغربة الى وقت الأتعاب .؟!!

مليت أجامل فرحتي وأحتريها .؟
في مفترق درب الأماني والأحباب

ما قلت لك روحي كذا وأعذريها.!
مغروس فيها من نياب الألم ناب

ان كان نفسك غالية تشعريها .!!
أغليت نفسي كثر ماناظري شاب

لكن مواقف دنيتي وأذكريها .؟
كم ضاع حقٍ خاطري منه ماطاب

تبيع عيني دمعتي وأشتريها
ماهو ترف حزني ولدموعي أسباب!!

(هذي حكاية غربتي مرريها .....
أن كان ماودك تعرفين الأغراب !! )

وان كان ودك تسمعين أمريها ....
روحي وتفتح لك من الماضي كتاب

لقيت نفسي في سجن أسريها .!
متروس حزن وهم وسهوم وحراب

تعب ألم أرهاق كبت أحتريها !!
كأن الزمن فراغ في ساعتي ذاب

حتى الليالي رغبتي تفتريها ...
من غفوة الألام لحدود الأهداب

وان قلت للخطوة معي قزّريها .!!
طاحت من الخطوة مسافات وركاب

بالإختصار أن مافهمت أعذريها
روحٍ رحل عنه الفرح وأغلق الباب

رائع انت ورائعه هي قصيدتك ايها الشاعر المبدع
بورك في يراعك اخي الكريم ~

صح لسااانك آستااذي مبدع ككعادتك وماهي بغريبة عليك ..

...............

...

ياغربتي ياغربتي
ياغربتي وانتي معايه !


كل عام وانت بخير ياعتيبي
وكل عام وجرحك بخير
وياعساها غربة ماتطول
امممممم
مع انها كل ماطالت كل ماستمتعنا بما تنثره من مشاعر واحاسيس


لاتفهمنا غلط
لسنا كالراقصون على الجراح
هههههههه



ابدعت ياعتيبي

وكما هو الابداع المعهود منك


...

صـــح لسانك يا ابو عابد وبيض الله وجهك هيل عــد السيل على هالقصيده الجديده وكل عام وأنت طيب وبخير يا وجه الخير
قصيده جميله وجزيله تعبر عن تصورات الشاعر عبد الله العتيبي شاعر قدير ومتمكن دمت وسلمت أستاذي الكريم
ولك شكري وتقديري

مبدع مبدع مليون ولايسدون
جزل وذي عوايدك ياراعيها
كثيراً مااجد ضالتي بين سطوورك
وأعيد القراءة مرات ومرات
صح لسانك مدد مدد
أعجبتني القصيدة بالرغم من كلمات الألم التي حوتها
لكني أرى أن بعض الألم قد يكون موضع جمال...
دمت استاذي ،ودام فكرك وابداعك

..
ارحب يالعتيبي.

وكعادتك شاعر رااائعه ومبدع..

لاحرمنا كرمك وعطاك الثمين..

قصيدك مهما قريته ماامله يعجبني يطربني وكلك على بعضك طرب وابدااع.

لاحرمت ذا الحضور المميز .وصح لسااانك يابعدي