صدقني مافي شيء بهالكون يسوى دمعة من عيونك(يوجد تصميم)

السلام عليكم .......... كيف حالكم شباب...........؟؟؟

هذا الموضوع الي قلت راح اتكلم عنه وصراحة هو من زمان يقرقع في قلبي|13| الي يتكلم عن غلاة الدموع...

طبعاً في البداية في دموع فرح وفي دموعك حزن والله سجعل دموعنا دموع فرح والسامع يقول آمين راح اتكلم عن دموع الحزن لأنه أهم وأكثر..

طيب احنا بعض الساعات نشوف انسان يبكي ودموعه تذرف يمكن بعض الاشخاص مانهتم له خله يبكي لمن يشبع لكن بعض الاشخاص لا نستغرب دموعه لكن حتى اصدقائنا اذا بكوا او حبايبنا نحزن لأجلهم لكن الأغلب ان احنا مانحس بالي هم يحسون فيه ........

فانتبه لمن تشوف انسان يبكي لاتقلل من هالشيء وتقول عادي ،عادي اذا كان الي يبكي طفل...

فالدموع اذا شفتها لازم تترجمها على طول الى سؤال في بالك وهو شنهو سبب هذه الدموع...؟

الدموع هذه ماخرجت الا بسبب قلب يحترق من الداخل قلب عليه جبل من الهموم فلا تستخف بأي دمعة لأن هذه الدمعة الي تنزل ممكن تغلق عليك الدنيا كلها وتظلمها في وجهك....والدليل.

انك بعض الساعات تكون غافل عن همومك واحزان وتنسى المستقبل لأنك كنت تحاتيه وتنسى الي اظلمك وتبتسم لكن>>>>>> مجرد ماتبكي بسبب شيء ضايقك على طول شريط ذكرياتك يرجع حق كل يوم اسود من قبل ويخليك تفكر في المستقبل وتحاتيه فيصير قلبك المسكين مكون ثلاث طبقات.....

حزن على ماضي
وهم الحاضر
وهم المستقبل

تتراكم هالهموم كلها على قلبك بسبب دموع نزلت منك طبعاً كل طبقة من هذول فيها جروح كثيرة فراق حبيب جفوة صديق موت حبايب ظلم قسوة اقارب خسارة مشروع وبلاوي........

لكن ماتلاحظ أن دموعك غاليةالمفروض مو اي وقت تنزل ولا أي واحد يشوفها فتخيل نفسك انك في صراع مع الدنيا وهي تبغى تنزل دموعك علشان تركع لها وتستجيب حق رغباتها وانت تحاول ان دموعك هذه ماتنزل لها ماتنزل الا حق الي يستاهلها فحاول انك تحافظ عليها وتغلب دنياك لأن لمن تتكون عليك هالطبقات الي تكلمنا عنها ماراح تقدر تعمل اي شيء لا للدينك ولا دنياك واذا ماعندك حبيب تفضفض له لو صديق فقل على الدنيا السلام واذا ماتعرف ربك فالموت ارحم لك.........

فلمن تنزل دمعة من عيون حبيبك او صديقك اعرف ان هالشيء الي نزل غالي ومانزل الا بسبب قلب يحترق فخل هالشيء لغة لك تكسب ابها الي تحب وتبغى.........

وصدقني صاحب الدمعة اذا شافك معاه وصرت سبب في انك مسحت دمعته راح تملك قلبة بشكل خيالي لأنه بعض الاحيان مايقدر يشكي يحس ان الهموم خانقته وكأنه وسط غرفة مافيها هواء مخنوق يحتاج من يجي بكل حب وحنان يحفر في هالغرفة علشان يدخل له هواء يتنفسه فأنت لمن تفتح قلب وتحسسه أنك حاس فيه راح تكون له متنفس ويمكن يشوف الحياة كلها بعيونك وبيدك الي امسحت دمعته..........

قبل لاتشوفون التصميم احب اقول ان لو هذه اللعات موجودة بين الزوجين او الاصدقاء كان شفتوا الحياة حلوة وكل واحد يحس ان جنته معها وطريق في هالدنيا سهل بدون اي عوائق..........

فاعطي مليون حساب لدموعك ودموع غيرك

هلا اخوي بلسم الغربة والاحزان
موضوع جميل وتصميم اروع
الدموع لغة من فقد القدرة على التعبير بلغات البشر
ولكن ليست كل الدموع حقيقية
فلاننسى دموع التماسيح
تحياتي
لولوة

الدموع والهموم والاحزان شي لابد منه مهما حاولنا التهرب او التناسي

لكن هذه الدنيا الله المستعان

تصميم رائع أخوي بسلم الاحزان

يسلموا والف شكر على الرد