يامسندي لا جيت جمع الشوامين

احبتي اسعد الله ايامكم بطاعته
ابيات من متطفل على الشعر او شويعر بالمعنى الحقيقي
لمقام من تحار في مدحهم الحروف وتستعصي القوافي واعلم اني كمستبضع التمر الى هجرتقبلوها وليتقبلوها قبلكم يزينها حبي لكم ولهم

يامسندي لا جيت جمع الشوامين =اهل الوفاء والطيب بلغ سلامي
نعم الرجال المكرمين المسمين=اللي لهم مجد ٍ تليد ومقامي
متوارثين المجد بالطيب راهين = منزالهم بالمجد راس السنامي
اهل الفعول النادرات الميامين =تقديرهم حق ٍ عليه لزامي
ربع ٍ لهم عندي معزه وتثمين = كبيرهم واللي بسن الفطامي
من شان خاطرهم لفينا ملبين= دعوة فرح ربع ٍ علينا حشامي
جينا وفا واخلاص جينا مهنيين .=راعي الوفاء والطيب نسل الكرامي
اخص ابو مرزوق سقم المعادين = غوث الضعيف اللي من الوقت ضامي
حلال قالات النشب راعي الدين =اللي بطيبه حايز اعلى وسامي
راعي هلا بالضيف ريف القريبين = ترفع له البيضاء على كل زامي
وأن شان نطق مرجحين الموازين= واهل العقول اللي عليها عسامي
يردهم لو كان ماهم براضين =في حكمته والا بكسر العظامي
خليف بن عاتق (سعوط المجانين )= اللي بمثله يفخرن الاسامي
لو نكتب بشرواه والله دواوين= يقصر عن وصوفه لك الله كلامي
وصلاة ربي عد من جوه ساعين= على النبي ازكى صلاة وسلامي

...............

...


الله الله الله

رااائعه من راائع

ابداع من مبدع


صح لسانك ياحسن
كفيت ووفيت وبيض الله وجهك
والنعم والسبعة انعام فيكم وبربعكم الشوامين
وماعليكم زود يابعدي
وترى اول ماقرأتها كان معاي على الخط احد المعنيين
ويسلم عليكم ويقول لكم والنعم فيكم وانتم اهل القصيد وانتم من تستحقون القصيدة
قلت له ماقلت الا الصحيح لكن ماتكفي



ابدعت ياحسن
وكما هو الابداع المعهود منك


سلمت يداك


كلك ذوق


...

لـو نكتـب بشـرواه والله دواويـن ... يقصر عن وصوفه لـك الله كلامـي
وصلاة ربي عد مـن جـوه ساعيـن ... على النبي ازكـى صـلاة وسلامـي

اللهم صل وسلم على رسول الله
صح لسانك أخوي حسن
ونعم فيك وفيهم
ماشاء الله عليك ابدعت

لاتحرمنا قوافيك

..
ارحبببببببب ياحسن يامحمدي


اشهد انها جزله من جزل وتنصا جزلين

والنعم فييك وفييهم يابعدي هم يستاهلون وانت تقدر

وانت ممن يعرف الرجال ويقيمهم وشخصك وقبيلتك تفرض احترامها

شااعر ياحسن ومتمكن ولك باع طوييل ولايجيد هذه الجزله الا شااااااااعر

صح الله لسااانك ياامبدع

سجل اعجااابي وتقبل مروري

عليه أفضل الصلاة والسلام..
والنعم وسبعة انعام فيك وفيهم
شاعر متمكن لايختلف على شاعريته وجزالته احد
صح لسااانك مدد،وبيض الله وجهك
هكذا الشعر وإلا فلا ..
دمت بكل خير وسعادة

الله الله عليــــــــك ياحســــــــن المحمدي
صح لسااانك وسلم روحـــــــــــك وبوحـك
قصيده جزله وأبدااع في أبدااع من لدن مبدع ونعم بك وبربعـــــــــك المحاميد
ونعم بقبيلة الشوامين ويستاهلون أكثر وقد أجدت وأبدعت.........ووفيت وكفيت
وبيض الله وجهك على هذه القصيده الراائعه والتي تعتبر من روائع الشاعر حسن.
أستاذي سجل أعجابي وأجلالي لشخصك الكريم.
وتقبل مروري وسروري..

وأن شــــــــان نــــطــــق مــرجــحــيـــن الـــمـــوازيـــن 000واهـــــــل الــعــقـــول الـــلــــي عــلــيــهــا عــســـامـــي
يــــــردهــــــم لــــــــــــو كـــــــــــــان مــــــاهـــــــم بــــراضــــيـــــن 0000فـــــــــــي حــكـــمـــتـــه والا بـــكــــســــر الـــعـــظـــامـــي

الاستاذ حسن المحمدي
مابعده بعد حبك وسبك وخرز وطرز تصوير حقيقي وايضاح حقائق واحتفاليه جماليه باناس لهم التقدير ويستاهلون ما قيل عنهم لاشك انهم اهل لذلك وتقول عن نفسك شويعر اذا انت تقول ذلك فما عسى ان اكون0 اكيد متطفل على الشعر 0تحت الصفر 0ياحسن صح لسانك والف تسلم رائع رائع تقبل مروري وتحياتي اليك
د0 ساري الرياض

الاخ العزيز حسن المحمدي مانت شويعر الاشاعر ونبي من جديدك وصح لسانك مدد بلاعدد ويستاهلون المدح

لكل من عطر متصفحي بمروره

تعجز كلماتي عن شكركم

كعجزها عن إيفاء الشوامين حقهم

لكم مني أحبتي

كل الحب