هب البرادوقربت نقلت الطير

هـبّ الـبراد وقـرّبـت نـقـلت الـطـيــر

والـظـاهــر انـك عـايــفٍ لـلـصقــاره

اثرك نويـت الـعرس ياسـالـم الـزيــر

واثـثـت لـك شـقــه بـذيــك الـعـمــاره

العام وانت تنقل على الكف لك طيـر

طـيـر الـســعـد بـارود عينـه شــراره

أصـيـل مـاهـو من التفاريخ والـجيـر

وافـي الـقـطــوع وزايــدٍ فـالـغــتــاره

لاكـنّ ضـربه في خـريش المـعـاشـيـر

ســهــمٍ رمــاه بــواردي فـي مـهــاره

والـيـوم تتسـوق الـى حــزّة عصـيــر

ومـن الصباح تقـول مـاسـك خـفــاره

تشري اثـاث البيت مـن دون تـأخيــر

ومن الـغـضـب كـبـدك عـليها حـراره

وعقب البراقع صرت تشري التنانير

وبـدلـت أرقــام الـحــجــول بـســواره

امــا أنــا فـلا حـسـبــت الـمشــاويـــر

انـصــا مـحـلّ الصيـد واصـلّ ديــاره

لاجـا مـعـي نـقـوة رجــال مـنـاعـيــر

الـكــل منـهـم مـاحــسـب لـلـخـســاره

واقنص معي سلمان عوق المدابيـر

اللي يــردّ الـعاصـيـه عــن مــســـاره

كـم مـرةٍ طـلـعــه عليهـن مـخـامـيــر

والخـرب من ضربه يـذوق المـراره

مدبـغ وصـيـاده ســواة الـشـناكـيــر

متمـكـنـن بـالـبــرق فـنّ وشــطـــاره

عــزّ الله ان فـعـلـه يفوق التصاوير

تـقـــول طـيــارٍ عـلـى راس غـــاره

يـامـا تـجـمّـلّ في لـيـالي المعابـيــر

انـا اشـهــد انـه فـارطٍ فـي طـيــاره

وختامهـا ياذيب تصبح على خـيـر

وصلو على المختـار سر وجهاره

..... وسلامتكم .....

جعلك سالمه وغانمه طلعتي حقت صقوووور لاتنسين مري علينا
عزالله ان هب البراد ذا الايام واحلالاه يالقنص

اختي سحــــــــــــــــــــــــر قصيده رائعه ومن شاعر كفوو

سلمتي ولاهنتي ودمتي لنا بخير

تحياتي لك

صح السانك سحر قصيده رغم سرعت قراتي لها
الانهاتبدوجميله ننتضر جديدك بشوق تحياتي وتقديري

صح لسان الشاعر

ويسلم ذوقك يا سحر .

كلمات جدا رائعة ومعبرة ,,

مشكورين على مروركم العطر الله لايهينكم

ابيات روعه تسلمي على انقل
اما الايام هذه فلم يهب البراد انما زاد الحر زاد
والله المستعان

ايه ياخيه وين نلاقي البراد جونا يفسخ اللحم عن العظم ،
ربك يجيب الخير والمطر ،،الله كريم
خيتي سحر منقول رائع جدا هيضتينا للمكشات بس ين الديره
كلمات رائعه ابدع واجاد قائلها صح لسانه واعتلا شانه
وسلمتي يالغلا وسلمت يمينك على النقل
دمت مبدعه باختيارك كما عهدناك
اسعدك المولى بكل خير سحر

بسم الله الرحمن الرحيم

سحر

السلام عليكم ورحمة الله وبركاته

يعطيك العافيه
والف شكر على روعة اختيارك
بارك الله فيك وفي جهووووووووووودك

تقديري واحترامي

اخوك
حسام الشعر