قريت الحرف بعد الحرف ..

هلا بالحرف وراع الحرف هلا باسلوبه الراقي
هلا باللي احاسيسه على الجــــوال يــــــرويها


قريت الحرف بعد الحرف عجــزت اكمّل الباقي
عجــزت افهم مطـاليـب ٍ تــــدور بفكر راعيها


احــاول يوم اراسلها أبـيّـن لــوعة اشـــواقي
احــاول اكــتب الكـلمة لـها باجــــمل معانيها


شبكني في محابـيله وقمت ابحث عن اوراقي
ورجـعت بلهفـتي اذكر قصـــايد كـنت ناسيها


حلاة الصوت يرهبني على الأسماع دفــــاقي
اردد يــوم كــــنا وكـان مع نفــسي واسلّيها


اعيد الحرف واتلعثم واكرر كلمة الحـــــاقي
اذا كان الغلـط حاصل اقـــول بالله وش فيها


انا ودي اصارحها عشان اشرح من اعماقي
انا محتار في أمـــري شعوري كيف اخبـيها

===================
==========
====

من دفاتري القديمة وقد لا ترقى لأذواقكم لكن اعتبروها مشاركة
وطبعا سبق وأن نشرتها في أحد المنتديات ولكن باسم آخر .

الله اكبر عليك ياشيخ الوئام
وين هاذا مستخبي يابو خالد 0يازين القديم من قلب تكتب احروفه واكيد انه يستاهل واكثر مثل تلك الدرر حرام عليك تخفيها
عطنا من القديم 0قديمك نديمك 0
هلا بالحرف وراع الحرف هلا باسلوبه الراقي
هلا باللي احاسيسه على الجــــوال يــــــرويها

======================================
واقول لك
تريث وارجع الماضي وهات ان كان له باقي 0000
ترى مثلك يجيب العلم الصافي من نواديها
اقدم اوراقي لكم واطالب تقبل الحاقي 0000
في دورة حب من دورات العشق اللي تسويها
الف تحيه لك يا ابو خالد 0الحب القديم مشكله
د0 ساري الرياض

	من دفاتري القديمة

ياااخوي لو من دفاترك القديمة
بس عاد ياليت شيء من دفاترك الجديدة عشان بس نقارن بين الأمس واليوم


مبدع ياابو خالد

وابداعك يتجدد وقديمك جديد

ووالله اننا في شوق لفيض مشاعرك


وووو


الى متى وانت متخبي ورى الشاشة






سلمت يداك

...

:

:
ماشاء الله

وش هالزين

صح لسانك ياشيخنا

الله يخليلنا اوراقك

ونبي نشوف من الاوراق الجديده مثل ماقال وافي نبي نقارن

مــاشـــاء اللــه عليك يا شــيــخــنــا أبو خــالــد
صــح الله لســانــك وأعـتـلـى قــدرك وشــانـك وبيض الله وجهـك على هــذه القصيــده الجميله في مضمونها وكلماتها والجــزله في معانيها وحروفها الـذهـبـيـه
وسبـك وحـبـك وسـلـمـت يمينك ومـن المـعــروف أن الشعــر القـديم أفضـل وأجـزل من الشعــر الحـديـث في كـل شــــي حـفـظــك اللـه ورعـــاك أسـتــاذي


يـا مـا شـــاء اللــه يـا أبــو خــالـــد عـســى يـمـيـنـك مـا تـنـعــاقــي ===== عـسـى تـسـلـم يـمـيـنـك واللـه مـن الـعـوق يـحـمـيـهـا

وصـــح اللـه لـســانــك جــزل شـــعــرك يــرض الأ ذواقــــي ===== تــفـنـن فـي الـقـصــيـد اللـي جـمـيـع الـنـاس يـرضـيـهـا

عـطــاك اللــه مـن الـحـكـمـه وزادك طــيــب الأ خـــلاقــي ===== لـيـا حــب اللــه عــبــاده يـوفـقـهـا ويـهـــديــهـا

	المشاركة الأصلية كتبت بواسطة د.ساري الرياض

	الله اكبر عليك ياشيخ الوئام وين هاذا مستخبي يابو خالد 0يازين القديم من قلب تكتب احروفه واكيد انه يستاهل واكثر مثل تلك الدرر حرام عليك تخفيها عطنا من القديم 0قديمك نديمك 0 هلا بالحرف وراع الحرف هلا باسلوبه الراقي هلا باللي احاسيسه على الجــــوال يــــــرويها ====================================== واقول لك تريث وارجع الماضي وهات ان كان له باقي 0000 ترى مثلك يجيب العلم الصافي من نواديها اقدم اوراقي لكم واطالب تقبل الحاقي 0000 في دورة حب من دورات العشق اللي تسويها الف تحيه لك يا ابو خالد 0الحب القديم مشكله د0 ساري الرياض

مرحبتين اخوي ساري

وتسلم يالغالي على مشاعرك النبيلة وحضورك المميّز

وتبقى كلماتك وسام شرف

والأجمل من ذلك هذا الرد الجميل بهذه الحروف الرائعة

وما اقول الا صح لسانك ملايييييييين ..

ودمت بألف خير ..

	المشاركة الأصلية كتبت بواسطة wafei

	ياااخوي لو من دفاترك القديمة بس عاد ياليت شيء من دفاترك الجديدة عشان بس نقارن بين الأمس واليوم مبدع ياابو خالد وابداعك يتجدد وقديمك جديد ووالله اننا في شوق لفيض مشاعرك وووو الى متى وانت متخبي ورى الشاشة سلمت يداك ...

أهلين وسهلين وافي

مشاعرك وتواجدك وإطرائك تجعل القديم جديد

ايه انت ما ذبحك الا اللي وراء الشاشة خلاص باح والبقية فيك أيها البخيل شعرياً

ربنا يجعل جميع أيامك فرح وسعادة

ودمت بالسعادة والسرور ..

	المشاركة الأصلية كتبت بواسطة الراقيــة

	: : ماشاء الله وش هالزين صح لسانك ياشيخنا الله يخليلنا اوراقك ونبي نشوف من الاوراق الجديده مثل ماقال وافي نبي نقارن

الراقية هنا يا مرحبا يا مرحبا وزارتنا البركة

الزين والله هي إطلالتك ولطف مشاعرك

وصح بدنك يالغالية .

عاد الأوراق الجديدة تحتاج الى موقف ومناسبة بعيداً عن الخيال

لك ِ من اخيك أجمل تحياته ..

	المشاركة الأصلية كتبت بواسطة فتى الجميزه

	مــاشـــاء اللــه عليك يا شــيــخــنــا أبو خــالــد صــح الله لســانــك وأعـتـلـى قــدرك وشــانـك وبيض الله وجهـك على هــذه القصيــده الجميله في مضمونها وكلماتها والجــزله في معانيها وحروفها الـذهـبـيـه وسبـك وحـبـك وسـلـمـت يمينك ومـن المـعــروف أن الشعــر القـديم أفضـل وأجـزل من الشعــر الحـديـث في كـل شــــي حـفـظــك اللـه ورعـــاك أسـتــاذي مرحبتين بشارعنا القدير فتى الجميزة والله يابن الحلال ما خليت لي شيء اقوله أحرجتني بلطف ثنائك وهذا شرف من استاذ لتلميذه يـا مـا شـــاء اللــه يـا أبــو خــالـــد عـســى يـمـيـنـك مـا تـنـعــاقــي ===== عـسـى تـسـلـم يـمـيـنـك واللـه مـن الـعـوق يـحـمـيـهـا وصـــح اللـه لـســانــك جــزل شـــعــرك يــرض الأ ذواقــــي ===== تــفـنـن فـي الـقـصــيـد اللـي جـمـيـع الـنـاس يـرضـيـهـا عـطــاك اللــه مـن الـحـكـمـه وزادك طــيــب الأ خـــلاقــي ===== لـيـا حــب اللــه عــبــاده يـوفـقـهـا ويـهـــديــهـا

ما شاء الله عليك انت جعل يمناك تسلم ويحميك ربي

أبدعت والإبداع من عادة المبدعين

وما قصرت على هذه الأبيات الذهبية

وصح لسانك وتسلم لنا هذه القريحة الشعرية الفذة .

دمت لأخيك بكل الود ..

ماشاء الله تبارك الله
ونحن قرانا الابداع ورى الابداع وعجزنا بالرد نوفيه
قديمك جديد شاعرنا ،ونطمع بجديد قريحتك..
عندما تكتب تبهرنا الشاعرية ويأسرنا نظمك
لك اسلوب متفرد بالنظم،قوة سبك وحبك
وجزالة ..
صح لسانك مدد مدد،دمت مبدعاً
ودمت بكل خير وسعادة..