ثنبت رجلي عن الروحات والجيـــــه *** عندي قناعه وغيري ناس قنعانه
ما فاتني من المشاريع التجاريــــه *** عنها يعوضني المصــحف وقرآنه
بدخل رياض المساجد وارفع يديــه *** واطلب شفاعة جليل الملك سبحانه
وقول يالله تغفر لنا السيــــــــــــــه *** تغفر لعين على ما فات ندمــــانه
خمسين عام مضت للعمر وشويـــــه *** اتبع هوى القلب تبع العبد عمــانه
ولحقتني الشمس قدام آصل الفيـــه *** وصبرت صبر تعدى فوق حدانــــــه
عيني على النظرة العليا نحاويــــه *** والرجل ما ني معودها على الهانه
لا صار مالي على الماء دلو ورعيـه *** جذبت حبلي لو ان الكبد عطشانـــه
والعالم اللي صداقتها صنا عيــــــه *** ضحاكة السن والغأيات تعبانــــــه
اخترت عنهم بلا قيع خلاويــــــــــه *** الذيب فيها يجر الصـوت لاخوانــــه
امشي بها كل صبح وكل عصريــه *** واشوف نبت الربيع ونشر بدوانــــه
كثر التجاريب مدرسة خصوصيــــه *** تعلم الرجل صدقـانه وعدوانــــــــه
وقت الرخا كم صديق مخلص ليـــه *** ومسجل رقم جواله وعنوانــــــــــه
وقت العوافي بأساليب سياسيـــه *** وليا بدالـــي لزوم صك بيبانـــــــه
لا بوه لا بو صداقته الخداعيـــــــه *** فرقاه طب الفؤاد وساس برهانــه
صديقي اللي الى احتجته فزع ليه *** وليا بداله لزوم قمت في شانـــــــه
والفت نظر للنشامى والمعذريــــه *** الهرج ما ينحصى زوده ونقصانـه

صح لسان من قالها لو عرفته لشكرته عليها

بسم الله الرحمن الرحيم

ابو ماجد

السلام عليكم ورحمة الله وبركاته

صح الله الساااااااااااااااان شاعرها

وبيض الله وجهك على ما قدمت

اخووووووك

حسام الشعر

كلام من ذهب .... نعم هذا هو الشعر والا فلا...
سلمت يمينك وصح لسان قايلهاااااااااااااااااااااا..

ابو مااجد

اشهد بالله شهادة حق

ان هذا الشعر والا فلا

قصيدة تكتب بماء الذهب

رااااقيه

وجزله من جزل

زدنا ولا تحرمنا اخي الحبيب

فكم نحن عطشى لمثل هذه الروااائع

لك مني اخي الحبيب

كل الحب

اي والله صح لسانه وسلمت يا بوماجد لأتحفنا بهذه الرائعه
تحمل الكثير من الحكمه والزهد بجزالة مفردات وقوة معاني
صح لسانه الف
اقبل تحياتي يا بوماجد ......لاحرمنا الله تواجدك

صح لسان الشاعر

وسلمت اناملك

منقول راااااااااااائع واختيار اروع

بارك الله فيك

..