لحدن يحاكيني .. ترى الخاطر أقصاااه

لحدن ٍ يحاكيني ترى الخاطر اقصاه
.................... والدمع ..يا قلب العنا مايطيبك


حتى لو ابكي وش ورى دمعي و ماه ؟
.................... ويلي على ادري ويش قلبي يبي بك


تطري علي والقلب ماجاه كفاه
.................... غايب لكن غيبتك ما تغيبك


خذيت تلفوني القديم اتقراه
.................... الين فاحت شاشته ريح طيبك


رقمك مسجاتك وصوتك وطرياه
.................... كن الطيوف اقبال عيني تجيبك


لا ابوك يالتلفون ماتسمع الآآآآه
.................... في ذمتي انك صدق ضيعتني بك


متعومسْ الخاطر وياقلب ويلاه
.................... ماقد ذبحني الا سكوتك و طيبك


ولا انت! يا لاهي ولا ادري ويش الهاه
.................... طف ِ بوصالك مابقى من لهيبك


ياحبك لقطع المواصيل حباه
.................... قطعت قلبي منك لا قطع صيبك


وسويت فيّ اللي سواتك ماسواه
.................... واتحملك مهما جرى و ارتضي بك


ياذابحي ياصبر ذا القلب صبراه
.................... ذبحته بكفك وهو ملتجي بك


اتروح..؟ روح و دربك الله يرعاه
.................... لو ابغى اجيبك اعرف شلون اجيبك


در في ثرى الدنيا و مثلي ما تلقاه
.................... تبــــــــطي عظم ماشفت زولن يذيبك


حظ الهوا اللي تعيش به بس حظاه
.................... لانه الوحيد اللي قدر يختلي بك


ادرى عليك من الهوا و اتحاشاه
.................... واورف بك و اهيم بك و اعتني بك


لانك سحاوي و السحى يكسر اجباه
.................... وشلون ماتبغي الهوا يستحي بك


عيبي احبك لو غرامك معاناه
.................... وانت الغياب الي بلا عذر عيبك


اضيق من جفواك و اجرها اااه
.................... اخاف من غدر الزمان يغدي بك


لو انك تدري خاطري عقبك ايش جاه
.................... يمكن تنوح الليل و اتطر جيبك!


اشره على الحب الي عطيتك اياه
.................... ملعون حظ ٍ حط ْحبي نصيبك


هملتني بين الامل و المحاتاه
.................... مدري عدوك صرت ولا حبيبك ! }



للشاعر / حمد البريدي

.
مدري عدووك صرت ولا حبيبك!!!!

احيييك واحيي ذوقك يارحيـل

سلم اناملك وسلمتي كلك

ياحبك لقطع المواصيل حباه ـــــ قطعت قلبي منك لاقطع صيبك
الاخت الكريمه رحيل مشكوره على ذوقك وحسن أختيارك
تحياتي لشخصك الكريم وسلمت يمناك وفكرك وذوقك وكلك ذوق
وتقبلي مروررررررري المتواضع ودمتي بصحه وسعاده

أختي رحيل
صح لسانك وصح لسان قائلها،
متميزة كعادتك في اختياراتك الجميلة والتي تحكي واقع الحال،
حقيقة، استمتعت بهذه القصيدة الجميلة، فلكي كل شكري وتقديري.

الله يسعدك ويديم عليك الصحة.

يسلم ذووقك واختيارك رحيل اعجبتني كلماتها

راائعه كروعة حضورك

رووووووووووعه يارحيل
دخلنا معها جوو
ابدعتي يالغلا في الانتقاء
ذوووق من منبع الذوووق ياذووق
ربي يسعد ايامك ولياليك

خلف الجابري
فتى الجميزه
عبدالله 12
غلا
شموع الغربية

أسعدني كثير مروركم
ألف شكر وعسى ربي يسلمكم من كل شر
أهلا بنوركم دائما
دمتكم بسعادة و راحة بااااااااال

كل الاحترام لكم