على طاري الشوق

على طاري الشوق..ترى في كل لحظه لـك أشتاقك ،،،
ذكرتك لين شوقي ... نساني في محطاتك

وش اشتاق دامك المرسى وانا العايش على ذكراك ،،،
حرام الموت في لحظة غيابك عن مناجاتك

تعال وغطني بجفنك، وانا جفني يصير غطاك ،،،
بفرش لك خفوقي والضلوع العوج مركاتك

ابدله عن جميع الخلق واسكن داخلك وابقاك ،،،
اصير اقرب من حروف الكلام لطاهر شفاتك

اتوهك واستدلك ثم اتوهك داخلك والقاك ،،،
ابسكن خافقك حتى اصير بداخلك ذاتك

ابشرب من عروقك لين تروى رغبتي بدماك ،،،
ابسقيك الوريد ودم جوفي واكسب رضاتك’’

بهيم بغربتك ليل ومتاهات وسفر وافلاك ،،،
ابسهر فيك واسمر مع دجى ليلك ونجماتك

بزورك في دجى ليل السامر غايتي لقياك ،،،
بضمك ثم اتوه الليل كله عن نهاياتك

ابغرق في بحر سود العيون وبشربك وارواك ،،،
واتركك في خفوقي حلم يطوي بي مسافاتك

ابي تكره غيابك يوم تذكر مبعدات خطاك ،،،
ابي تشتاقني بين انتهاض الرمش وغضاتك

اغني لك، ابي اسمع صدى صوت الغنى جواك ،،،
وتغني لي، تبي تسمع صدى صوتك وكلماتك

ابيك تعيشني وأخذ الخفوق وماحوى يفداك ،،،
وابي قلبك لي الملفى وبستوطن مساحاتك

ابي بيض النوايا هي نصيبي في حدود حماك ،،،
وانا بفتح لك ابواب المدينه وانت وسواتك

خذ بثارك من غيابك ،،، وانا باخذ بثار بطاك ،،،
ابقتل فيك كل غياب واحيي فيك جياتك

انا محتاج لك ماعاد حيلي يالجفا يقواك ،،،
تعال وضمني واترك حديث التيه لمرآتك

وعد مني ليا ضمت يميني يالغلا يمناك ،،،
نذر لنسى معك مافات من عمري ومافاتك

وبرجع من جديد اشتاق واشتاق لاذكرتك واشتاق ،،،
وبظل اشتاق واعيد واشتاق الين انسيك اصحابك...


مما راق لي

	المشاركة الأصلية كتبت بواسطة شموخ إمرآه

	بهيم بغربتك ليل ومتاهات وسفر وافلاك ،،، ابسهر فيك واسمر مع دجى ليلك ونجماتك بزورك في دجى ليل السامر غايتي لقياك ،،، بضمك ثم اتوه الليل كله عن نهاياتك ابغرق في بحر سود العيون وبشربك وارواك ،،، واتركك في خفوقي حلم يطوي بي مسافاتك ابي تكره غيابك يوم تذكر مبعدات خطاك ،،، ابي تشتاقني بين انتهاض الرمش وغضاتك

الشامخه شموخ إمرآه..

انتي رائعه جعل تسلم ذا الأنامل ويسلمو ذا الذوق .

بالله سلميلي عليك واجد

	المشاركة الأصلية كتبت بواسطة خلف الجابري

	الشامخه شموخ إمرآه.. انتي رائعه جعل تسلم ذا الأنامل ويسلمو ذا الذوق . بالله سلميلي عليك واجد

تسلم اخوي

شاكره لك مرورك

مغرم حب
شاكره لك مرورك

منقوووول رائع
يسعدك ربي وكلك ذووق

وعد مني ليا ضمت يميني يالغلا يمناك ،،،
نذر لنسى معك مافات من عمري ومافاتك

وبرجع من جديد اشتاق واشتاق لاذكرتك واشتاق ،،،
وبظل اشتاق واعيد واشتاق الين انسيك اصحابك...


راااااااااااااائعه راااااااااااااائعه ياشموووووخ
فديتك على هالطرح الراااقي ...

ابغرق في بحر سود العيون وبشربك وارواك ،،،
واتركك في خفوقي حلم يطوي بي مسافاتك

الله عليك شموخ

يسلم ذوقك

ابيات جدا رائعة كروعة اختيارك .

بسم الله الرحمن الرحيم

شموخ امرأه


السلام عليكم ورحمة الله وبركاته




الله الله
الله الله


اختيار راقي وذوووووووووووق عالي

بارك الله فيك وفي جهودك
والله يعطيك الصحه والعافيه




اخوك
الحســـــــــام