ماهو بكفو الوقت حبك يمحيه !!!!؟صوتيه لابن فطيس

zSHARE - ______ __________ _________01_.mp3





^
^
للاستمــــــــــــاع

و
التحميل


قصيدهـ اعجبتني اتمنى تنال اعجابكم





((ماهوب كفو الوقت حبك يمحّيه
ياللي تخاف صروف الايام تمحاه





ارتاح دام ان المواصل يقويه
انت . انت وانا . انا وقلبي هو إياه





حتى ولو بتغيب ذكراك تكفيه
ياواحدٍ تكفي عن الناس ذكراه





حُبك على رملة خفوقي مواطيه
ورياح عذلي عَنك ماتمسح خطاه





واللي يعذل القلب عن درب غاليه
( يالله عسى اللي يبلا المواليف يبلاه )







اخفيه يابلفيت والحال يبديه
ادناة واحد ينظر الحال يقراه





اخفيه فيه ومعتنيٍ به وحاميه
عن كل عينٍ ودها تنزل حماه





قلبٍ يحبك والهوى الذرب ماليِه
كانك مكذبني بعينك تحلاه





شرط . ان تشوفك فيه منت بحواليه
ويمكن تشوف ديار واماكن رعاه





وشوف به تمثال والوقت هاريه
وبتشوف زرعٍ ميتٍ واقفٍ ماه





وبتشوف جرحٍ فيه سكين راعيه
راح ونسى السكين والجرح ينخاه





وبتشوف حصنٍ عجّ الاقدار سافيّه
وبتشوف باقي بيت . راعيه خلاه





لاتنزعج . هذا خفوقي وباقيه
ولاتضايق من تصّدع زواياه





قَد زلزله فرقا وهزة عراويه
والله ستر والحظ عانه وعافاه





كانه صلح لك واعجبك . زيد تبينه
ابنه وجهزّ للمقابيل مبناه





ابغيك بس من المفارق تداريه
وازهل من ايداري شعورك ويدراه





وحلل وحرّم فيه . ياأبرك بلاويه
وحله وراع ارضاي ورضاك وارضاه





جعلك بعد بعض الوجيه . امحق وجيه
ناسٍ مراتعها الرفيق بتقفاه





انواع . واخطر نوع مانيب ناسيه
نوعٍ على تفريق الاثنين مسعاه





تلقاه دوم . وكل يومٍ تلاقيه
واذا بغيت الصدق ماعاد تلاقه





وإلا انت . ردك كُل مادعيك لبيه
انشهدٍ منتوا بفي عيني اشباه





منت بمعى العالم . ولا تقولي ليه
انت ادرى مني وفي جوابي وفي احواه





كذيه ومن الله يازين وإليه
واغلى طروش القلب ودواه من داه





الحلم ياتيني بزولك واراعيه
وفي كل حلم اقوم قبل اتحفاه





واعشق سميك في البزارين وادعيه
واقبل خطاه الا اخطى واتلقاه





واسمك يروعني اذا مرّ طاريه
واحب ملقوفٍ يسولف وطراه





وامرّ بيتك من بعيدٍ ولا اجيه
وانا لو انه في يدي ماتعداه





حتى تواير موتري تلتفت فيه
تبغي تلفّ ويستحي العقل والجاه





وصلك يخيط الصدر والبعد يفريه
ويابري حالي كان صديت برياه





ويلي على ادري حبنا ويش تاليه
وويلي على ادري وش ورى الغيب ويلاه





عشان اشوف اذا محبتك ترفيه
والله لاقفي عنك . استغفر الله))


مماراق لي

ماهوب كفو الوقت حبك يمحّيه
ياللي تخاف صروف الايام تمحاه





ارتاح دام ان المواصل يقويه
انت . انت وانا . انا وقلبي هو إياه


ياهوووووووووووه كلها من اولها الى اخره روووعه
صح لسان ابن افطيس
يسعدك ربي

الأروع مرورك ملووووكه

ما شاء الله على هالنقل الجميل والذوق الأروع كلمات كلها روعه

لا حرمنا ذوقك الرفيع خيوه

روووووووووووووووووعه هالابيات والاروع نقلك ياعازف
صح لسان ابن فطيس شااعر وكفووو وبصراحه متميز له قصائد تفوق الوصف
تسلم اخوي ع النقل المتميز،،،اسعدك المولى بكل خير،ودمت بحفظه

اخوي عازف الايقاع

سلمت ودمت اختيار راقي لشاعر سلمت اناملك

وصح لسان بن فطيس


ولك مني اجمل تحيه

موووج

شموع الغربيه

خلف الجابري /

حياكم الله ومشكورين على مروركم الكريم

عشان اشوف اذا محبتك ترفيه
والله لاقفي عنك . استغفر الله

تسلم والله عازف ويعطيك العافية

ابيات ذوق ومعنى ..

صح لسان الشاعر ..

حي الله أبو خالد

ومشكور على مرورك وتشريفك

بن فطيس مبدع في القصائد الغزلية شاعر رائع بمعنى الكلمة مشكور على الاختيار الرائع واللة يعطيك الف عافية