يسب السعودية

قصيدة الشاعر رشيد الزلامي

وهذه قصيدة للشاعر رشيد الزلامي العتيبي وهو في الجيش الكويتي في مصر بعد ما حصل على شخص يسب السعودية لما سمعه المذكور قال هذه الأبيات :

هبت وضبت واســـتمرت شبوبه
وما ضاع من هم العرب راح صويه
باليوم والســــاعه همومه تلويه
صب القلـــيب اللي تدالج غروبه
يصبر لما يســـمع وينفخ ذرويه
لي ما قفٍ كل الجمــيع شهدو به
وارخصت روحي دون داري جلويه
صبرت من شان الوطن للــعقوبه
لعلم المسجون ما هي ذنــــوبه
ينسى الوطن خسروا هله يوم جو به
غطـــــيس قلب لذة النوم دويه
ما ذقت حلو النوم يوم اهــتنوا به
من حر ما به قام ينهش جـــنوبه
ريح الديار الطاهره هـــــبوبه
اخير من ريح البحر والرطـــوبه
دلت هما ليله وهبت انصــــويه
نجد العزيزه وغرب نجد وجــنوبه
يا منبع الإسلام دار الــــعروبه
وعلى مقلبت المذاهب عــــقوبه
ولا شق فيها طالب الحـــق ثوبه

الله من قلب به النار تشــــتب
قلبٍ غدى للهم ما رد ومشــرب
همٍ على ربع وهمٍ على شـــبِ
والله من عيرنٍ تصب العبر صب
يا عبيد انا ما نيب ضبٍ ولد ضب
انا عتـــــيبي عريبٍ معرب
من سب داري قـلتله كب ثم كب
لو أتعبن سبابها واتـــــعذب
والسجن ما هو عيب شئ مجرب
يلومني خبلٍ إلا ما تــــغرب
فوده مع الضفران صفر مـكعب
وانا على كل الجنوب اتقلـــب
واقنب قنيب الذيب في راس مرقب
يحيني الغربي عـــصير إلاهب
ريحة هواها مكسبي يومنــكسب
عسى السحاب اللي من العصر ينص
يصقى وطن راعي العقال المقصب
ياديرتي ما تقبل الشتم والـــسب
يفوز مذهبها على كل مذهـــب
يحكم بشرع الله والـسيف الأرقب


أخوكم بلووووووووو

الاخ بلووووووووووووو

اختيار رائع
انا قريتها قبل كذا بس والله رجعت اقراها اكثر من مره
فعلا للاسف الشديد الاحظ ان اغلب الناس يسبون السعوديه والسعوديين
وما ادرى ليه كل هذا الكره
واشعر بسعاده عندما اقرأ هذه القصيده واجد رد الزلامى فيها وحميته لوطنه
وياليت كل السعوديين مثل الزلامى
وعلى فكره احب دايم اردد بيتين من قصيده للامير خالد الفيصل يقول فيها

ارفع راسك انت سعودى
============ غيرك ينقص وانت تزودى

ولا هانت دول الخليج انا اتكلم عن الدول العربيه الاخرى

لك تحياتى