واحد محشش جاه خويه و تحداه ...
قال له أبيك تحول الكلب إلى لبوه !! >> يبي يعقده
قال المحشش : بسيطة ..
إذا قالك واحد : ياكلب !! وش معناته؟؟
قال خويه : شتيمه .
قال المحشش تمام عليك .. وش جمع شتيمة ؟؟
قال خويه : شتايم
قال المحشش : شيل الشين وش تصير ؟
قال خويه : تايم
قال المحشش : وش معنى كلمة تايم بالانقليزي؟
قال خويه : وقت !!
قال المحشش : تمام وش يقول المثل " الوقت من ........ ؟"
قال : ذهب !!
قال المحشش: برافو و الذهب بالانقليزي ؟
قال خويه : قولد !!
قال المحشش : شيل الدال وش تصير ؟؟
قال خويه : قول !!
قال المحشش : تمام عليك وشو اللي يدخل قول ؟؟
قال : كورة !!
قال المحشش : شيل التاء الاخيرة وجب دولة. اسيوية تبدأ بالباقي ؟
قال خويه : امممم ... كوريا !!
قال المحشش ممتاز منتب سهل .. جب لي دولة عربية على نفس الوزن ؟
قال خويه : سوريا !!
قال المحشش : منهو رئيس سوريا ؟
قال خويه : بشار الأسد !!
قال المحشش : وش اسم مرة الأسد ؟
قال خويه : لبوة
قال المحشش : شفت و شلون العملية سهله
فعلاً ياملكة الخبال..اقصد ملكة التحاسيس..
المحشش بطبعه انسان فاهم وواعي وعقليه منقحه استطاع الربط واللصق بعد القص ان يوصل المعلومة بطريقة متسلسلة مترابطة بعيده عن التعقيد السكيلوجي الذي يجعلك تدورين حول دائرة اللامنطقية دون الوصول لنقطة النهائية وبالتالي تتقوقعين في قوقعة الذات المنفصلة عن الواقع البيولوجي والي في امه خير يجي يسالني وش قاعده اقول علشان اقوم اتعبث به لاني ماادري وش قاعده اقول!!!!!
بس كبير يامحشش عرف يحجرله وان كان بامكانه يختصر الهرجة ويجيب مساحه ويمسح كلمة كلب ويكتب لبوة وانتهينا
.
يسعد هالخشة يالتوليب..