شاعر الاسبوع .. الامير .. بدر بن عبدالمحسن ..

بين الحنايا 00 ذيب

مكسوره انيابه

شقق عواه القلب

تحت الجفن شوكه 00 تسهرني كتابه 00

وهذا الزمان الصعب

لو غاب 00 في غيابه

قمر الحزن بيغيب

بيني وبين الآه

اني اطلق ضلوعي

تركض في هاالشارع

بيني وبين الدمع

اني أسأل خضوعي

ليه الشجر فارع

بيني وبين الناس

آكل الم جوعي

وما بيعهم إحساس

يبكي ورى الألواح

ناي للحزن مجروح

يا اللي نبي فراقه

ويا اللي تبينا نروح

ليه تقفل الابوب

حنا سكنا دروب

وما للألم سارق

ونعاتب الاحباب

وما بينهم محبوب

نلقاه 00 ونفارق

اصبر معي 00 لاباس

روزنامه في صدري

ويمضي العمر انفاس

هيه ياغصنٍ تمايل بالدلال=ماتخاف الكسر لاهبّ الهبووب
وماتخاف الله وتسعى بالعدال=أنصف من لحاظ عينيك القلوب
لامتى ذبح العرب عندك حلال=تابت العالم متى عينك تتوب
مير قلبي يالغضي بيعه محال=ماأقدر أعطي لو تبي مني ذنوب
أشهد إنك بالحلى فقت الخيال=وعيب حسنك كان في حسنك عيوب
شارقه في طلعتك شمس الجمال=وجامعٍ في ضحكتك كل امحبوب
الخمل فيني أنا مابك خمال=مشملٍ نوّك .. وأنا نوّي جنووب

لا شــاريٍ عــقـدِ ولا مـهـدي سـوار
لا تلحـقي نفـسك همـوم وحـسـايف

تريّثي يـا قــرة الـعـين مــقــدار
ما تشرب عـروق القصيـد الوصـايف

لا من قـدحت الشـعـر وشـبـيـت لك نار
نارٍِ على روس الـهضـاب الـنـوايف

يطرب لهــا السـاري ويسـري بها الطار
وتزهر بهـا عـقب المحول الشـفايف

باهديك أنا عمرٍ ولاكل الأعمار
يـفنى القلم قبــله وتفنى الصـحـايف

قـصيــدةٍ تـولـد ورى بـاب وجــدار
ســر الضلوع المرهفــات النحـايف

وإلى أصـبحت طارت على متن الأسـفـار
وغنت بهـا قـبل النفــود الصـحايف

غـيبي وشـيـبي وإتركي كل مـا صـار
يبقى جـمـالك في قـصـيـدي طرايف

وخـلي الكواكب من سـنا نـورك تغــار
ولا تلـحقي نفـسك همـوم وحـسـايف

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور
.
.

ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..
.
.

لا تعاتب .. ما اقدر أتحمل عتابك ..
قلبي ذايب .. وانت تشكي لي عذابك ..
بس لو تسأل عيوني .. راح تبين لك شجوني ..
لو أغير يوم حياتي .. عن هواكم ما تغير ..
إنت أغلى ذكرياتي .. انت غيرك ما اتخير ..
بس لو تسأل عيوني .. راح تبين لك شجوني ..
لا تعاتب .. لا تعاتب ..
نور حياتي في رضاك .. والسعاده كلمه منك ..
شوف هنايا في هواك .. لما نلتوا بحسن ظنك ..
بس لو تسأل عيوني .. راح تبين لك شجوني ..
لا تعاتب لا تعاتب ..

من عيوني .. يا حبيبي
من عيوني .. اطلب والبي لك
من عيوني ..اتبسم انا اجيلك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
من عيوني ..
اجيب الليل اجيبه
من عيوني ..
قبل ميعاده ..
من عيوني ..
انا والشوق وطيفك
نرسم ابعاده
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
لو بيدي ..
القى مفتاح السعاده..
كل لحظة ..
كنت حبيتك زيادة ..
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك

ما بقالي قـلب يشفع لك خطيّه
ذوبـته اجروح صدّك والخطايا

صاحبي بالله ... لا تعـتب عليّه
العَـتـب ما عاد تاسَعه الحنايا

كلّ جرحٍٍ فات لي منك هديّه
وش بلاك اتخاف من ردّ الهدايا

الله أكبر ... كيف مالك مقـدريّه
وكل ما تحمله من هـمّي بقايا

لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا

وان غَدى للحب في قلبك شظيه
وش يقـول اللي غدى قلبه شظايا

إلى من .. يهمها أمرى .. إلى من ..
رجاءً .. إلى متى صبري .. رجاءً
أنا لن .. اشتكي .. همي لغيرك ..
ياروحي .. اشتكي روحي على من ..
رساله .. حبرها .. دمي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ..
عن الشمس .. ومتى تشرق مساءً
أحبك .. يالصحاري اللي ..
فـ هجيرك .. احترق كلي .. وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعاً ..

قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..