هذه قصتي مع اغرب وردة في الاحساء ((صورة))

السلام عليكم....

يمكن لي سنة تقريباً وانا اشوف هالوردة وكل يوم امر عليها بالسيارة (لو بعد رابط الحزام):D المهم كنت امر على هذه الوردة وكان شكلها جالسة مابين الشبك الحديد الي محاوط احد المباني في ويط براحة من الرمال مافي بينها لا ورود ولا شيء طيب مثل ماراح تشوفون الصورة بعدين.

المهم مرت على هذه الورده امطار غزيرة وهواء مرة قوي وغبار واشياء كثيرة ومع كل هذا ظلت صامدة ولاتحركت من مكانها.

انتم لمن تشوفون الصورة راح تقولون اكيد انها ممسوكة ومثبته زين اكيد انها ماراح تتحرك.

اي نعم لكن هذا مايهمني خلونا نستعمل خيالنا ونقول ان هذه الوردة مو بين الحديد خلونا نقول انها مزروعة على التراب تخيلوا تظل لوحدها ومابينها اشجار ولا شيء وتهب عليها الرياح وتنزل عليها الامطار لكن ماتحركت.

الشاهد ان حتى الانسان قد يكون غريب في افكارة ومبادئه ولا احد حوله يفهمة او يشابهه في شيء من افكاره وواجة عوائق كثيرة لكن مع كل هذا صابر ومثل مالوردة احتفظت بجمالها ايظا هو احتفظ بجمال افكارة ولم تغييرة كل العوائق.

مثل مرة كنت رايح البحر وشفت على الشاطئ قرطاس بطاطس ثابت مكانه والموج يهاجمة لكن مع كل هذا ثابت انا مايهمني يمكن في وسط القرطاس حديد ماسكه او شيء انا يهمني المعن الجميل الي رأيته من ثبات هذا القرطاس.

اما الان اترككم مع صورة الوردة التي الى الان ثابته (هههههههه والله انك يابلسم ماعندك سالفة مسويه صجة علشان وردة مثبته يمكن بلزقة واحنا شعلينا )

مثل ماقلت علينا بالمعنى العام والانسان المفروض ياخذ دروس في حياته حتى من الجماد :D.
اخوكم بلسم الغربة والاحزان هالايام قمت اربط الحزام :D

وين الصورة يالطيب

>> واحد فاهم غلط :D

مشكوووور اخوي بسلم مشاركة وايد جميلة

وعلى فكرة .. تراني حساوي .. يعني سيم سيم ..

تحياتي

وسيل ..................

اسفين هذه الصورة

نحن اصحاب العقووول والقلوووب ...
كم نتجرع مرارة الواقع ...ونتلذذ اما الاخرين به ...وفي داخلنا امال تحترق ...
ابتسامات تنطفئ ..مشاعر تتخدر ...ودموع تنحدر ...
ليتنااا نفتح لتلك المشاعر الحزينه القاتله الضعيفه نوافذ تتنفس منها ليتنا نترك بلابل الحب الصادق تغرد ونجعل شمس الود تدفئنا من غدر الدنيا وعواصفهااا لتنير دواخلنااا وتزهر جوانب قلوبنااا
فقط كي نعيش ,... بصمود وقوة تلك الورده الصامده

اشكرك اخوي على حرصك
اختك
بلسم الوجود