صديقنا واخونا وعضو معنا بالمنتدى الاخ شرار
رفض ان يتحفنا بقصائده الرااائعة
مادري ليه كل هالتغلي ؟
اعتقد انه خاايف من العين
وانا اول واحد اقول
ماشاء الله
تبارك الله
اللهم لاحسد
واليكم احدى رواائعه
والتي اغتصبناه منه:D
يقول الشاعرشرار:
بس خمسة اياما بالاسبوع اشوفه @@@@ ويغيب عن عيني بالاسبوع يومين
عجزت اقدر في غيابه ضروفه @@@@ ما عاد ينفعني عذر داعـــج العين
الخمس يمضن مثل ساعة بروفه @@@@ والسبت والجمعه عن حساب شهرين
من كثر ماني مقتنع بالكلوفه @@@@ ياليت ابدل خمــــس الايام بثنين
بكل اختصار اجيب كامل وصوفه @@@@ بوصفه بلا توضيح انتم فهيمين
واللي مكذبني يروح ويشوفه @@@@ يمشي معي ويشوف ماقلت بالعين
وصفه تبين قبل ما اكتب حروفه @@@@ الزين له نصفه اذا الزين نصفين
نصفاً على (يوسف) ونصفاً لنوفه @@@@ وباقي بقايا ما خلق ناس عادين
وسلامتم
وصح لسان الشاعر شرار
وبعد هالقصيدة
مش حنتنازل عنه ابداً مهما يكون
احرجتني والله ماعرف اجــــــــاوبك @@@ من قو تمجــــــــــيدك ترى صابني غرور
وترى الغرور احيان يفقدك صاحبك @@@ وياليت ما وضعى انا وانت محضــــــــور
وافي وفيا صدق لاهانك شـــــــاربك @@@ ترى الشعر يا صاحبي بحر وبحـــــــــور
ولي طلبةً عندك والا خاب طــــالبك @@@ خفف من التمجيد لاعانق طيــــــــــــــور
الله يرضى عليك والله ما استحق كل هذا التمجيد وترى ما بقا لي عن الغرور الا
حذفة عصي على ما قيل ........ وعلى كلٍ لك من كل شكرٍ واحترام .
هذا اللي اقدر اقوله
اشكر كم من صميم القلب - الاخ طائر الوشم - والاخت شمس الضحي - ولاننسىمن كان سببا في نشرها فشكري له على راس السريه . انه وافياً . واكرر وافر شكري لكم جميعا على ردودكم اليطيبه ومشاعركم الرقيقه ولا غرابة على معدنكم الاصيل ....... اخوكم شرار