&& مميزات النحافـــــة ( العصقلة ) &&

أهلا بكم ايها العصقولين والعصقولات كثر مامشى الدجاج حافي....

تحية لكم ولقوة عزيمتكم في تحمل بثارة ومصالة الدببه وإستخفافهم بكم وبوزنكم الاجتماعي ( رقعتها بالاجتماعي ولا ماهنا وزن )

..............

قد يجهل البعض مميزات العصقله والنعم اللتي ترفس فيها هذه الفئه من معصقلون وعصقولات .. طبعا غير انهم يمتازون بحدة الذكاء وطول الاصابع ....

والعصقول ايضاً استخدامه سهل وقابل للتطبيق ..

ومن فترة ليست ببسيطة وإخوانا في الله أصحاب الكروش وصاحبات الكرشات وهو يمارسون ضدهم جميع انواع التحرشات والمضايقات لجهلهم بنعمة ان تكون عصقووووووولا ... وهنا بنذكر شوي ( بس شوي ) من محاسن العصقله ..

1 _ عزايميــاً :

طبعا العصقولين والعصقولات يمتازون برهافة الحس وذوق المشاعر وطول الرقبه ...

المهم فيالعزايم أو العروس تلقا آخر مايفكرون فيه العشا ومتى يجي ..

بينما اصحاب الكروش والخدود اللي كنها المخدات اللي تجي فوق الكنب تلقاهم شوي ويجيهم شد عضلي في ايدينهم من كثر مايوايقون على ساعاتهم ...

واذا جا وقت العشا وقلط المعزب ضيوفه تشوفهم زبنوا على الصحون في لحظات ( تجيهم الخفة ماتدري من وين بعض الاحيان ) طبعا العصقول يخلي الين تنتهي هالفوضى ويجي بعدين واثق الخطوة يمشي ....... وما عنده اي مشكلة ....

يوخر صحن الفاكهة والا الببسي اللي في زاوية السفرة ويستريح طال عمره ... شفتوا النعم اللي هم فيها ......

,,, وطبعا المعصقلات شرحك سرى .. يعني سيم سيم ... بس تخيلتوا المتينه اذا انعزمت والمجلس زحمة والجلسة على الارض كيف حوستها وهي ماتدري وشلون تجلس ...


2 _ تصريفيا :

طبعا افلقني ان احد قدر يصرف المعصقل خاصة ان فيه طلعه مع اهله ولا مع اخوياه وقالوا مايمديك الموتر مايوسع بسيطة يجلس بالنص على درج الاشرطه .... بس انتبه اخوي المعصقل من اللي يسوق ويدوس فرمل وتنشب في البريك .. ( من يفكك بعدين ) ....


3 _ صحياً :

العصاقيل مستحيل يصابون بمرض السمنه .... (تكفى يالذهين ) ,,,

المعصقلين والعصقولات أقل الناس نسبة للتعرض للحوادث والاصابات ...يعني تخيلوا عصقوله مطفوقه جايه مدحدره مع الدرج وتعرقلت وجت على وجهها ( بسم الله عليها وعلى كل عصقول ,,

وتخيلوا وحدة من اللي حزام الذهب تلبسه عقد في نحرهاجت على وجها مع الدرج ..( عز الله اللي راحت الخريطة ) ...

وبعد العصقولين والعصقولات ان جاهم طاري ولا شي وراحوا مستشفى بيسوون اشعة ...

مايحتاج اشعه ..

يجيب الدكتور قطعة كربون ويمسط بها على صدر العصقول اللي كنه سكة حديد ويلمخ بيده عليها بقوة ويبان كل شي ... وبكذا هم دايماً متجنبين الاشعاعات وأضرارها .



4 _ نفسياً :

العصقولات واثقات من نفسهم ( امحق ثقه ) على الاقل حالهم مايكسر الخاطر مثل الدبيات وهم كل شوي مخترعين لهم جهاز والا مرهم و(قبل وبعد ) وياقلبي لاتحزن ...

وقابلني ان نحفوا ولا نقصوا ...
أجل واحد يبي مرته تخس شوي وقدم لها في نادي وبعد شهر الا وزنها زايد ويوم جا الا وهي مسنتره في بوفيه النادي كل ماتروح ..



5 _ فزعاتيا ً :

معليش يالمعصقل مالك صلاح لا بالفزعات ولا الفرعات لاتاخذها فوجهك ... وخل حكمتك في الحياه ( اذا حجزك انتظار ... ماعليه يمكن يتأكد ) ...
___________________
( م ن ق و ل ) مع كثييييييييير من التعديل .

ههههههه


ههه


اموله فعلا العصقله ميزه مالها مثيل


الله يجعلنا منهم
رهيبه المعلومات:D

انا قائل من زمان اني مميز




مشكور على توضيح بعض مزايانا :D

لولو /

ودك تصيرين نحيفة ؟؟؟؟

مافيه أحد راضي ماخليت اي وصفة الا وجربتها علشان السمنة :D
مافيه أحد راضي .

لكن العصلان عندهم ميزات كثير وبعد هاللي قريته قررت ابقى على ماانا عليه احسن ليلحد ماتنزل مواصفات حلوة للدبيين .:D

___________________

احساس انسان /
نضمك لفريق العصلان :

1 _ بقايا الأمل .
2 _ احساس انسان .

وش ذي المميزات للعصلان ....


طلعوا مهوب سهلين ذولي العصلان ,,.,


بصراحة ...

محاسن رهييييبة للعصقلة ....


بس ناقص تقدمين نصائح للعصلان ,.,.,مثل :

1- عندما تكون هناك رياح قوية ... امكث في بيتك و لا تخرج ,,, لأنه خطر عليك تشيلك الريح معها و تطير ....

2- تجنب الجلوس جنب واحد دبي خاصة عند الأكل ... لأن الدبي ربما يتحمس حماسا زائدا عند الاكل فيتحرك مع الحماس و هو ما يدري و انت الخسران ....

3- تجنب ممازحة الدبين الا عندما يكونون منسدحين ...

:D اخوي ملجلج انتبه لنفسك مهوب سهلين ابد .


الله يرضى عليك اخوي اما هالإضافات تجنن غطت على الموضوع كله :D نصائح ولا أحلى يبغى لنا ننتبه لها .