إن كان تنشد عن علومي وأنا صبي !

إن كان تنشد عن علومي وأنا صبي
ابـا اتذكرهـا واعلـمـك عنـهـا

لوهي بصفحات ٍ طواها الزمن طـي
جرة مطـر جاهـا عجـاج ودفنهـا

ألعب طواريق الهوى مع هل الغـي
اثقـل المعنـى واخفـف لحنـهـا

والشعر يبقى في قلوب العرب حـي
ولا كل من سوى القصيـدة وزنهـا

وأنا حداها حدي الاصعـاب بعصـي
واقودهـا قـود الاديـب برسنـهـا

والحب مردوده على صاحبـه سـي
كم ضحكـة ونَـات قلبـي ثمنهـا

أذكر سنة تسعه وتسعيـن هجـري
الف وثـلاث ميـة بدايـة زمنهـا

زلت بي الاقدام للشمـس مـن فـيَ
اقـدار والاقـدار تـومـر وتنـهـا

غافل وجتني من كوت خافقي كـي
كية عطـب لـولا طبيـب مكنهـا

أبعدت مضربها عن الصـدر بيـدي
ولدَت على كبـدي برمـح طعنهـا

وعرفت ما تخفيه في صدرهـا لـي
من واقـع النظـرات منـي ومنهـا

نظرت فيهـا مثـل نظراتهـا فـي
وعجزت اقاومهـا وصديـت عنهـا

كل النساء ظلماء وهي بينهن ضـي
غطت شعاع الشمس أشعـة بدنهـا

من الذهب تلبس خلاخيـل وحلـي
سـود محاجرهـا وحمـر وجنهـا

ما دري تسمى من ومنين ومـن أي
وش هي قبيلتهـا وموقـع سكنهـا

راحت وانا مااعرف عن اخبارها شي
الا رمـوز الموتراللـي حضنـهـا

مدينة من بين ابـو ظبـي ودبـي
لعلهـا كـان انهـا هـي وطنهـا

تمطر عليها السحب هـذي ورى ذي
وديم الليـال اقفـى تراهـا ودنهـا


" عبدالله بن زويبن الحربي "

الله الله يالوافي عليك وعلى جمال أختيارك وطيب ذوووووقــك الراقي



قصيدة جميلة وجزله من قصايد الشاعر المرموق والمتمكن عبد الله بن زويبن


وحيث قصيده يتميز بدقة الوصف وجمال المفردات وروعة المعاني



أستاذي الوافي شكراً لك وكعادتك وافي وجزل ولاتجيب الاَ الجزل والجميل


وأنت دائم معودنا على كل جزل وجميل ورائع سلمت يمينك وسلم ذوووقك


والله يعطيك الصحه والعافيه ولسعادتك فائق تحياتي وتقديري وأخترامي

..

شااعر يستحق ان نستمعله وننقله

جعلك تسلم ايها الوافي الراقي احسسنت

لاعدمنا ذا الذووق المميز دمت ودام تميزك

......................

...

يامرااااحب


فتى الجميزة


خلف الجابري



اشكر لكم التشريف والاطراااء الرقيق




ويامراااحب




...

جداً جميله أبياته
لشاعر علم ولايشق له غبار
صح لساانه
وسلمت يمينك على النقل المميز وافي
يعطيك العافيه

،،/
قصيــدهـ جميله ,, لآمعه ,,

نُسجتْ من حروف الإبدآإع والتميــز ..
وانتقآآء انيق كــ انآقة روحك .,
/
...دُمت مُبدعاً...

............

...


شموع الغربيه & عطر القصيد


اشكر لكن تشريفكن واطرائكن الرقيق


شرفتن كلياتكن







...