واعود معكم للاجازة الماضية والتي كانت من اجمل الاجازات وتحمل في طياتها احلى الذكريات
يوم الخميس 23 / 2 / 1432 هـ
الساعة 25 : 11 p.m
كان موعد إقلاع الطائرة من مطار الملك عبدالعزيز الدولي بجدة على متن الخطوط السعودية والمتجهة إلى ماليزيا - كوالالمبور
كانت بداية رحلتنا
وطبعا قبلها بيوم لو تتزكروا كانت نكبة جدة لمن غرقت وصارت المصايب
فخفنا لا اليوم اللي بعدو تنزل مطر وما نقدر نوصل المطار
فقررنا نحن شباب الرحلة ^ ^
إنو نطلع الطايف وناخد طيارة من هناك على جدة أسلم وأأمن
وبالفعل
والحمدلله
طبعا في صور كتير وأماكن كتير رحناها يمكن فوق 500 صورة غير الفيديو
لكن انا حاعرض بعض الاماكن اللي رحناها وبعض الصور
وربنا يعين
دي الصورة لمن أخدنا العفش في مطار كوالالمبور .. طبعا المطار حدث ولا حرج .. نقارن لا مستحيل نقارن ^ ^
طبعا أول يومين كنا آخدين في فندق السني وي .. دا الفندق لو رحت هناك وبس جلست فيه يكفيك .. مرة حمااااااااس
ودي بعص الصور في مدخل الفندق
نحن كنا آخدين غرفتين اللي هيا 910 و 911 .. غرفة 911 كانت مطلة على الثيم بارك ( الألعاب المائية ) ودي الصورة من شباك الغرفة
ودي الصورة من الطريق المؤدي الى سوق الفندق
طبعا مسبح الفندق شي خيااااااااااالي جدا .. آخر روقان وآخر استكنان
وطبعا مرة كبير
ودي الصورة للمسبح من الجسر اللي فوقه
طبعا اليوم التاني لنا رحنا الثيم بارك وكان يوم مو بس حماس ال ال ال حمااااااااااااس .. ومعليش اعذروني في صور كتير بس فيها من الشباب والاخوان في مقدر اعرضها لكم
طبعا في احد الاقسام في قسم للحيوانات الاليفة
ودا القرد كان مرة خطيييير وعجبني .. شوفو
ودي الصورة في أحد ارجاء الثيم بارك
ودي صورة الشلال الفلة اللي في الثيم بارك
وهذا أنا تحت الشلال خخخخ
هذي صورة للجسر المعلق فوق الثيم بارك .. وربي حماااس وبصراحة انا خفت لمن مشيت فوقه خخخ
دي الصورة للفندق من جهة الثيم بارك
ودي صورة ليلية لمدخل الفندق
طبعا زي ما قلت الصور كتير والفيديو بس مدري اش اعرض ومدري اش اخليه .. فهيا مجرد لمحة ..
بعد ما خلصنا من السني وي .. اتجهنا اليى جزيرة لنكاوي