الشيخ عايض القرني
رداً على قصيدة
حمير الدوسري
والقصيده غير مكتمله فالعذر مقدماً
[poet font="Simplified Arabic,5,blue,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
يبرق البارق اذا جيت والراعد رعد =وارضنا تبهج بمقدمك والشاخص يميل
الله من قلب على نغمتك قام وقعد =كن قولك منهل بارد من سلسبيل
او كما العاب خود على المبسم برد =ضاع فيه المسك والطعم طعم الزنجبيل
جعل عين تنظلك نونها فيه الرمد =وجعل قلب ما يحبك يقطع بالصقيل
يانشيد السحر لعلع ويسلم من نشد =عزوته باولاد زايد مزبنة الدخيل
يطرب القمري ويمسي يغنيها السرد =والحمام اذا سمعها يرتلها هديل
من رجال الازد نعمين والعالم شهد =مانبي من خايب الجد والمفلس دليل
ربعنا الانصار في الحارب واردهم ورد =وحنظله منا شهيد وفي الجنه غسيل
يشربون الدم شرب الموله للفند =وينشق البارود كنه رياحين النيل
مانهاب الموت لو كان في شدق الاسد =باعت الارواح في السوق يسلم من يشيل
لو رصاص الحرب يهمي كما وبل البرد =فوقنا يابو علي 00الجماجم ما تميل
وش بعد تبغى نحدثك عنا وش بعد = اقصر الهقوات تكفى ترى المسرى طويل
شيخنا لو جاك شوره تقل يازن بلد =وطفلنا من جود ة الراي جا شيخ جليل
والنميمه والخنا سوقها فينا كسد =ما تسمعنا لهرجة حقير قال قيل
ماتغزلنا بسلمى ولا نوف ورغد =وما توجدنا على الوجد في الطرف الكحيل
ارتضينا منهج الله وبايعنا الفهد =ونتسبنا للحنيفيه الدين الاصيل
الله من علم وشعر بصدري له زبد =هايج مايج ينيف على دجله ونيل
كلما قمت احبسه ياقصيدي هد00 هد =قام يغلبني بغزره ونا جسمي نحيل
كم تدفق مثل سيل العرمرم وحتشد =حطم الجدران من سطوته شال النخيل
[/poet]