شرايكم بعباية الفراشه؟؟

بسم الله الرحمن الرحيم
السلام عليكم ورحمه الله وبركاته

بصراحة هذا الموضوع شفته في احدى المنتديات و قررت انقاشه في منتدانا و اتعرف على آرائكم برحابة صدر..


في الاول كانت العبايه على الراس والحجاب مغطي الوجه ...
انتقلت الموضه الى عبايه عالكتف والحجاب كامل ...اوكي مافيها شي
انتقلت الموضه الى عبايه عالكتف وطرحه بس ...
انتقلت الموضه الى العبايه الاماراتيه ... ليش سموها اماراتيه ؟؟؟؟
انتقلت الموضه الى الضيق... ليش ضيق اكيد عشان تبان الرشاقه !!
انتقلت الموضه الى ان نصف العبايه مفتوح ... السالفه ومافيها طالعه موضه الجينز
انتقلت الموضه الى فتحه في كلا الطرفين من الاسفل ... للتهويه يمكن
انتقلت الموضه الى الفراشه ... الحين يفصلون العبايه وفيه زعانف ,,, تقولون كانها سمكه
و هنا اقصد فئه صغيره وليس الكل ..
سؤالي هو مارأيكم في هذه الصرعات وخصوصا عباية الفراشه؟؟؟ ..

ننتظرارائـــــــــــــــــكم.،.،.،.،.،.

بسم الله الرحمن الرحيم
وعليكم السلام ورحمة الله وبركاته


شكرا لك يا شروق على
طرح ها الموضوع لنقاش

فعلااا حنا المفروض كل ما يجي لنا تطور وتلتزم اكثر
لكن احنا نرجع الى الوراء
بها الموديلات وها الاشياء الي يطلعونها لنا الغرب من ما ادري وين

اما عشان العباية الفراشة
انا اصلا عباة الكتف مو داخلة مخي من اساس
بس يعني في نضري عباية الفراشة تهون قدام عبايات
الضيقة والمفتوحة
ع الاقل ما تضهر مفاتن الجسم مثلهااا

وما اقول الله يهدي الجميع

شكرا لك يا شروق مرة ثانية

أنا رأيي أن هذه ليست بعباءات .. وانما فساتين لونها اسود

وتحتاج الى لبس عباءة ساترة عليها عند الخروج من البيت

للأسف اصبع كل لباس طويل لونه اسود يقال عنه انه عباءة
وذلك للمغالطة قصدا .. للإفساد .. وسيتبعهم من يرغب بذلك

والا هذه الملابس واضح جدا انها فساتين سهرة او ما شابه ذلك وليست بعباءات


موضوعك رائع ياغيث السماء
ويستحق الطرح

النوعية هذي من العبايات حلووووه مره إذا صرت بروح لمكان ومالي نفس أتلبس أو مافيه وقت ادور ملابس

ألبس العباة على الكتف وفوقها عباة على الراس وأطلع

ولما اوصل للمكان المطلوب اشيل العباة اللي على الراس واخلي اللي على الكتف

والله مريحة جداً

لكن البسها بروحها كذا مستحـيــــــــــــــل

.

	فعلااا حنا المفروض كل ما يجي لنا تطور وتلتزم اكثر لكن احنا نرجع الى الوراء بها الموديلات وها الاشياء الي يطلعونها لنا الغرب من ما ادري وين اما عشان العباية الفراشة انا اصلا عباة الكتف مو داخلة مخي من اساس بس يعني في نضري عباية الفراشة تهون قدام عبايات الضيقة والمفتوحة ع الاقل ما تضهر مفاتن الجسم مثلهااا

غاليتي غيث..
شكرا لك وشكرا لمشاركتك الرائعه وكلامك الجميل..
الذي لامس واقعنا فعلا كما قلتي تصماميم غربيه..
ومن ناحية ان عباية الفراشه اهون هي اهون لانها فضفاضه..
لكن تظل مشكله كونها موضه..واعتقد انها تعتبير ايضا لباس شهره
فهي وان كانت فضفاضه الا انها انيقه وملفته..

	وما اقول الله يهدي الجميع

آميــــــــــــــــــــن

	أنا رأيي أن هذه ليست بعباءات .. وانما فساتين لونها اسود وتحتاج الى لبس عباءة ساترة عليها عند الخروج من البيت للأسف اصبع كل لباس طويل لونه اسود يقال عنه انه عباءة وذلك للمغالطة قصدا .. للإفساد .. وسيتبعهم من يرغب بذلك والا هذه الملابس واضح جدا انها فساتين سهرة او ما شابه ذلك وليست بعباءات

اخي طارق..
كلام رائع واعتقد ان الكل يوافقك عليه...
هي اقرب للفساتين منها للحجاب بل هي فساتين فعلا..
بعيده عن الستر والحشمه..خصوصا بعد ان زينت مؤخرا بالعديد من الالوان ..
شكرا لــــــــــك..ولتعقيبــــــــــــــــــك..ولغيرتــ ـــــــــــــــــك

	النوعية هذي من العبايات حلووووه مره إذا صرت بروح لمكان ومالي نفس أتلبس أو مافيه وقت ادور ملابس ألبس العباة على الكتف وفوقها عباة على الراس وأطلع ولما اوصل للمكان المطلوب اشيل العباة اللي على الراس واخلي اللي على الكتف والله مريحة جداً

عزيزتي أضـــــــــــــــــواء:

وجهة نظرك والاخ طارق متقاربه جدا..
هي فعلا بالعامي(حقت كشخــــــــــــــــــــــه )..
يعني زي ماقلتي يبي لها عبايه يسترها..

	لكن البسها بروحها كذا مستحـيــــــــــــــل

هذا هو مربط الفرس..
ياليت بنات حواء يعلمووووووووووووون

شكرا لك اضواء
لــــــردك الجميـــــــــــل ولمشاركـــــــــتك ...

عبايات حلوة وخصوصا الفراشة
لانها تطلع البنت بشكل مرتب وستايل حلو
>> هذا كلام البعض

وانا مع الاخ طارق

انا ما اقول الا قلة العقل مصيبه

اما اشكالهم وهم طايرين فيها .. عذار قصدي ماشين فيها اشكال مهبل يدورون عقولهم

الحمدلله الذي عافنا مما ابتلى به الكثير


الله يعطيك العافيه .. شروق ..

وتسلمين على هالطرح

	عبايات حلوة وخصوصا الفراشة لانها تطلع البنت بشكل مرتب وستايل حلو >> هذا كلام البعض

انا معاك ياامواج انه يطلع البنت بشكل انيق..
بس مــــــــــــــاينفع ابد يكون حجـــــــــــــــاب

	وانا مع الاخ طارق

وجهة نظر غاليه كريمه اتفق عليها غالبيتنـــــــــــــــا
شكرا لمروك ومشاركتك..
لك مني كل التحايا