هذه القصيده هي تقدير لرجل يبذل قصارى جهده لمساعدة الاخرين ومد يد العون للمحتاجين اضافةً الى سجية الكرم التي جبلها الله عليها
وهي موجهه للاخ العزيز / عبدالله العبدالمنعم(السلحوب) من اهالي مدينة عرعر ولمن هم على شاكلته
لزاد فيك الهـــم والغــــــم مـــــــره = وحسيت وسط الصدر مثل البراكين
وضاقت بك الدنيـا بحرهـــا وبـــــره = وضاعت عليك دروبها والعنــــاوين
وتـسـاوت الـدنـيـا بـخـيـره وشـــره = وتداخـلـت امـور دنـيـاك والــديــــن
ولابـقـى لـلـصــبــر مـثــقــــــال ذره = وقامت تراقـص بالعـيـون الشياطين
عـليك باللي يم عـــرعـــر مقـــــــره = غربي اهلال وشرق رجم الــبداوين
عــبــــدالله الســـلـــــحـــوب لله دره = كـريم سـبـلا من ســلايل كـريـمـيــن
يرحـم عـجــوزٍ رضـعـتـه الـمـبــره = يجري الكرم والطيب وسط الشرايين
تـشوف بحجاجـه مـواري الـمـسره = لاقبل عـليه الضيـف بين العـشـاوين
عـزالله انه عــون لـلـي يـمـــــــــره = وعون اليتامى والضعوف المساكين
له مجلسٍ يجلي عن الـكـبـد حـــــره = يسلى به اللي صابه الغــم والـبـــين
احمد بن عبدالرحمن العريفي
(نديم المجره)