واقع البنات هذه الأيام..للعبرة

جائتني بسررررعه ودخلت غرفة الارشاد وهي تبكي
:استاذه ممكن ادخل ؟
قلت:خير ان شاء الله استأذنتي من معلمتكم ؟
قالت:استاذه تكفين خليني ادخل .....ثم انهارت بالبكاء
قلت :تفضلي خير يا..........خير تعبانه ؟فيكي شي؟
قالت بالحرف الواحد:حسبي الله على بعض الشباب!!!
قلت:نعم؟استغفر الله وش السالفه يا..............تراك خوفتيني
قالت:حسبي الله على كل ام وابو واخو غافل عن اخته!!!
انا ضعت يااستاذه ضعت!!
وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!!
الشيطان شاطر وانا يااستاذه عجزت اقاوم ماقدرت ....ماقدرت
زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني!
حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!!
اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها
ومايدرون اني لي علاقه مع.......وانهارت وبكت
وبعدين قالت لي علاقه مع 5 شباب!!!
اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل
والله العظيم ان ثلاثة ارباع المدرسه اللي عندهم لاب توب وبلاك بيري يكلمون
تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!!
تعرفين يااستاذه بنت فلان وفلان اللي ابوهم مطوع تراها تكلم وعندي الدليل!!
شوفوا لنا حل!!
المشكله واحد قاعد يهددني بصوري يااستاذه تكفين وش اسوي!!
وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !!
قالت ترا زميلتي فلانه تطلع مع شباب اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!!
وابحاول اقنعها تنزل عندك لانها متورطه معاه بورطه وخااااايفه مررره
قلت طيب اللحين انتي كيف تكلمين وين اهلك عنك؟
قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت
او اذا رحنا عزايم والا لبنات خالي اطلع شريحتي الثانيه واكلم
ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها
قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك
ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون
قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!!
قلت لها طيب انقلي اذا انتي منتي مرتاحه هنا!!
قالت والله يااستاذه انك ماتدرين عن شي!!
قلت وشو؟
قالت انا لي بنات خالات وخوال وعمات وش كثرهن ماشاء الله والله اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!!
حتى بنت عمي اللي داخله بتحفيظ القران تكلم شباب!!
قلت :بس لاتكملين
قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب
للحديث بقيه!!!!
هي كلمه بقولها
الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!!
الا من رحم ربي!!!
من جد بديت اخاف من هالزمن!!!!
فأنا أقول لكل أب ومسؤول عن عائلة: إتق الله في بناتك وأخواتك راقبهن وناصحهن وحذرهن قبل أن يكثر الفساد في المجتمع فأنت مسؤول عن عائلتك.
وأقول لكل بنت: إتق الله لاتخوني أهلك وقاطعي جميع هؤلاء الذئاب فأهم شي عند البنت الشرف والعرض فحافظي على عفتك وأتركي الحديث مع الشباب الذين لايحلون لك فأنا والله لك ناصح .
قصة واقعية نقلتها لكم للعضة والعبرة وخوفا على بنات المسلمين .

شـكــ وبارك الله فيك ـــرا لك ... لك مني أجمل تحية .

لا حول ولا قوة الا بالله ،،الله يرحمنا برحمته
ويسترنا بستره فوق الارض وتحت الارض ويوم العرض
والله دايم نسمع قصص مثل هذا النوع وكثرت بهذاالزمن ولها عدة اسباب ممكن الثقة العمياء من الاهل وانشغالهم عن الابنااء بالماديات وغيره ،،،توفير الدش وخاصة عند الابن /الابنة /المراهق وغالبا بمعزل عن الاهل وتقلب براحتها بين القنوات لا حسيب ولا رقيب ومع غياب الايمان والضمير ينجر خلف مايشاهدة ،،،غير ذلك اصحااب السوووء (عن المرء لا تسئل وسل عن قرينه‘‘‘فكل قرين بالمقارن يقتدي) والصاحب ساحب لذلك مهمة اختيار الصاحب الصادق ويكون معين خير ،،،والله اخي موضوعك يطوول جدا الحديث فيه،،اخي وسائل الاتصال بصفة عامة فيها الخير وفيها الشر هذه تكون بحسب مستخدمها فبيده التحكم
اخي مشكوور على موضوعك المفيد والقيم،،،جزاااااك ربي كل

لااااااااااااحول ولاقوة الابالله فعلا واااااااااقع يندى له الجبيييييين

لاحول ولا قوة إلا بالله ؛؛؛؛؛واقع فعلا هذا الواقع الله يسرنا جميعا؛؛؛؛؛
دعوه لكل أم وأب كلكم راع وكلكم مسؤول عن رعيته.؛؛؛؛؛؛
عيالكم أمانه في أعناقكم إال يوووووم الدين؛؛؛؛؛؛؛؛

نورتوا موضوعي
كل الشكر والتقدير لكم