متى يصير النت ببلاش .. ذبحتنا فواتير التلفون ..

يا ناس تعبت ابي انسى قولته (آه)

---------- أحس لها بالقلب رجفه .. وباذني دوي


تفجرت راحتي من ونّته .. ويلاه

---------- يا ويل قلبي عروقه من الألم تلتوي


يا بعد عمري يا راحته يا عناه

---------- يا اللي تركتِ اليالي بعدك سروي


يا لمعة النجمه في ظلمة سماه

--------- ترا وان مادريتي والله باحزانك اكتوي



ونـّتك تنهي فيني الرغبه للحياه

--------- وشّي حياةٍ ما عطتك كل مــا تهتوي



ان سمعتها زاد على القلب بلواه

--------- مــت والا عــشت فعيني تـسـتوي


ان قالوا(يبالغ مصيره بكره ينساه)

--------- والله ما عرفو الحب في قلب بدوي


يصبر على الوقت طاعه والا عصاه

--------- لكن يعذبه الفراق لو قالوا قوي


ما بكى حظه .. ضده والا معاه

-------- لكن يبكـّيه منظر الدمعة على خد الخوي


ماحد يدري عن اللي في قلبه خفاه

--------- يقولون ما حب وهو يخفي اثار الكوي


يكتم الحب لو في كتمه شقاه

-------- كل من شافه قال انه عاقل سوي


ما درو عن اللي وصل منتهاه

-------- جنون مشاعر .. والشعور عيّا يحتوي


لكن من يعرف كتاب العين وقراه

-------- بيشوف عينٍ لمعنى المحبه تحتوي




______________


المعذره اكتب كلامي وانا مبنج .. ما ادري قايم والا نايم .. لكن لاحظت اني بديت اخبط .. ابسكت احسن لي ..

العذر والسموحه .. ان كان قصرنا في حقكم .. والا ضايقنا ذوقكم ..


انا الحين بروح احاول انام .. ادعوا لي باحلام سعيده .. او أول ادعو لي انام .. ولاحقين على الاحلام :D




بالاخير ..


نقول


السلام ختام .












[معدل بواسطة LAST*HOPE بتاريخ 31-05-2001 عند 03:50 AM]

صح لسانك اخي الكريم لكن ما حيلة الضعفاء امام ابداعك الشامخ واحساسك الجياش سوى الصمت احتراما00

لكن ارى الكلمات تتدافع لتعبر عن مدى اعجابي بقولك وابياتك الرائعه0

صح لسانك اخوي وتسلم يمينك يوم اتحفتنا بهذه المقطوعه الراقيه00

اتمنى لك كل توفيق لتشدينا بشدو ولحن جميل تعزفه على اوتار القلوب00

صح لسانك مرة اخرى وتقبل فائق تقديري واحترامي00

ملاحظه بسيطه ارجو ما تضايقك00الاحظ ان العنوان مغاير للمضمون00ترى ما السبب؟؟00
استميحك عذرا مقدما اذا لم تقبل هذه الملحوظه الي اتمنى ما تضايقك00


واتمنى لك نوم هانيء وحياة واحلام سعيده00

مع خالص امتناني اختك نغم الوفاء

قصيدة رائعه فعلا ..

تسلم يمينك .. اجدت القول أخوي وابدعت

بس يمكن الموضوع حسب اعتقادي حالة من الطفش عند قراءة مضمون الفاتورة


أثناء كتابة النص ههههههه

ارجوا انك تتقبل مزحي بس معك حق ليت الانترنت ببلاش زي باقي الدول كان احسن بكثر او يبقى على ما هو بس يصير سريع زي باقي الدول أيضا ..

أميـــــر ،،

هلا والله



وصح لسااانك قصيدة حفيفة ومهضوبه هاهاهاها

سلام ..

مافيه أحلى من الراحة والإجازة ..

مافيه أحلى من ثلاثة شهور وناسة ..

واااااااو خلصت امتحانات ..

أنا مررررة مبسوطة .. أكيد كلكم مبسوطين معاي كمان


قوة ياأملنا الأخير ..

سمعت الشاعر وش يقول ؟

يقول :

ابتسم خذ فرحتي وآخذ كدر *** مافي هالدنيا سبب يسوى عناك
لك منامي وأحتمل عنك السهر *** لك دموعي عن دموعك في بكاك
فرحتي تفداك ولي منها الصبر *** ومنيتي إني أحقق لك مناك





وأقول لك كمان وش ملاحظة

ملاحظة إن قصايدك تتفوق على نفسها يوم بعد يوم

عن جد تحسن ملحوظ

كيب تراينج



سلام

.....

..

مادام املنا الاخير يصيح
ماعلينا شرهه اجل



النت يصير ببلاش يااملنا اللي
بيموت ماتحقق


قال بلاش قال !!!


الله يسمع منك يالاست



وسع صدرك
وربك يسويها

وشركة الاتصالات
مارايحين يقصرون



سلام

مراحب اخوي لاست هوب

صح لسانك
يا شاعرنا الاول
والله روعه

لكن ايش دخل فواتير التليفون بقصيدتك ؟؟

شــــــوق

سلااااااام ياقمرنا يعطيك العافية

اقووووووول ابد انت جيب ساتلايت وانا اركب لك النت ببلاش :D:D:D

لاتخاف طريقو مضمونة والحاااااااال الله يعلم به يعني لو الواحد

قاعد على بنك ركب النت على الساتلايت وخلصنا يعطيك العافية

وهالحال ينطبق على اخوك والشكوى لله كل ثلاث شهور مبلغ وقدره

سلام ياقمر

المسافر...

يعطيك الف عافيه يا (Last hope)
بس ان اسم القصيده متناسب جدا مع الابيات بصراحه00 هاها00
تحياتي
*****العـــــ:Dــــــــــاثر****

[معدل بواسطة العاثر بتاريخ 01-06-2001 عند 02:37 PM]

ناوي ارد بشكل عام .. لكن ما قدرت ..فيه ناس وكلمات اخجلتني صراحه .. ابرجع لكم ان شاء الله وبرد عليكم واحد واحد المعذره على التأخير



وان شاءالله راجع.