|
بوحْ الشعِر والنثر .. للشعر الفصيح والشعبي والنثر " المنقول " |
|
أدوات الموضوع |
01 / 09 / 2005, 38 : 09 AM | #61 | |||||||
أسطورة الوئام
شكراً: 0
تم شكره 3 مرة في 3 مشاركة
|
بلاني بلاه الذي به بلاني = وانا قبل اعرفه حياتي هنيه بغاني و جيته على ما بغاني = دعاني على ماردٍ للمنيه ولاني بحبه وحسنه ولاني = وهو ماتهيّا وحالي رديه جفاني عقب ماملكني جفاني = الا حسبه الله نواني بنيه غواني وذي عادةٍ للغواني = يخطون من لايعرف الخطيه |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 39 : 09 AM | #62 | |||||||
أسطورة الوئام
شكراً: 0
تم شكره 3 مرة في 3 مشاركة
|
وقف ترا لي و الهوا و انت ميعاد = يامن جمع بشفاه جمره و ماها طق اللثام ولاتبيّن لحسّاد = لا لاتخلي كل عينٍ تراها في شفتك جمرٍ حمر فيه وقّاد = اغليت انا لون الجمر من غلاها اخاف من واهج شفاياك يزداد = يحرق ورود الخد واهج سناها وردٍ على غصن ٍ من البان ميّاد = وردٍ نمى في ظل رمشٍ كساها رمشٍ على جال النواعيس صياد = ذبح القلوب اللي تعرّض حماها عقلي و قلبي منك في حرب و جهاد = و اشوف دقّ القلب ميّل اخطاها |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 40 : 09 AM | #63 | |||||||
أسطورة الوئام
شكراً: 0
تم شكره 3 مرة في 3 مشاركة
|
يا سحايب سراة ابها تعدي شمال = و استعيري دموعي سيّلي كل وادي غطي ارض الحبيب بالندى و الجمال = مثل ماهو مندّي بالمحبه فؤادي ارعدي يا سحابه فوق هاك التلال = صوري له حنيني عقب طول البعادي ولّعي يا سحابه بالسما كل جال = مثل ماشعل فوادٍ فيه قدح الزناد مير اشوف التسلي عن هواه استحال = وقفي يا سحابه حمل الاشواق زادي دوك عيني وقلبي دوك بعض الخيال = دوك كلّي تبعتك مابقالي قعادي |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 43 : 09 AM | #64 | |||||||
أسطورة الوئام
شكراً: 0
تم شكره 3 مرة في 3 مشاركة
|
سايق الخير ساقك يم عاشق جمالك = لو تأخرت ابصبر لو هي الفين عام اسفرت و انورت من يوم شعشع هلالك = فز قلبي لفزك ياظبي العدام انزل القلب و آمر مابه الا حلالك = و اشهد انه حظيظ اللي غدالك مقام مايسد بمكانك غيرك احد بدالك = بانيٍ لك قصور و بانيٍ لك خيام عقب رمضا زماني جيت ادور ظلالك = بل ريقي بقربك عقب طول الصيام كل شي تبسم يوم لامس دلالك = كل نارٍ كوتني منك صارت سلام |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 44 : 09 AM | #65 | |||||||
أسطورة الوئام
شكراً: 0
تم شكره 3 مرة في 3 مشاركة
|
مادام قلبي لك شفوقٍ و ميلاف = وراك ياخلّي قليل المروفه قلّي عسى مابه على الخاطر خلاف = عسى حبيبي ماقصر دون شوفه لا .. لا تعسر القلب في كل محراف = واحذر يجي عقب الموده حسوفه دوك الدموع بحاجر العين وقاف = لا انت بماسحها ولاهي ذروفه علّقتها يا معلق القلب باتلاف = و الخاطرك راحت حياتي كلوفه لي قيل حبي لك جنون و اسراف = قلت اه من يملك لقلبه نكوفه عزالله اني للمخاليق عيّاف = الا انت ياللي هيّمت بي طيوفه الله كريم يبدل الجور بانصاف = يجبر فؤادٍ موجعاته ظروفه |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 47 : 09 AM | #66 | |||||||
أسطورة الوئام
شكراً: 0
تم شكره 3 مرة في 3 مشاركة
|
يا ضايق الصدر بالله وسع الخاطر = دنياك يازين ما تستاهل الضيقه الله على مايفرج كربتك قادر = والله له الحكم في دبرة مخاليقه حلو العيون استهانت دمعها الحادر = كف العباير حزين الدمع ماطيقه حسايف الحزن يغشى وجهك الطاهر = و الورد في وجنتك حرام تغريقه يفداك قلبٍ على ماتشتهي حاضر = يفداك باللي بقالي من معاليقه مافات خله ولاتهتم من باكر = و اغنم من اليوم ماساقت توافيقه |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 50 : 09 AM | #67 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياولد و ان طرالك لاتسافر بعيد = ماهقى انك على فرقا الحبايب صبور لاتغني ترى الفرقا عناها شديد = و الهوى تحت ضلعانك باني له قصور كان قلبك تعنّد و الحبيب عنيد = في مهب الهبايب ضاع ريح العطور كم قلبٍ تندّم و الندم مايفيد = اغنم اليوم واحد و حاذر لا الليالي تدور جدّد العهد و اجعل كل صبح جديد = فيه للحب لفته و ابتسامه و نور و اترك النوح خل الصوت فيه تغريد = و انزع من الثرى مع صادحات الطيور كل شمسٍ تبين خلها شمس عيد = والليالي قمرها لايصير مهجور |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 53 : 09 AM | #68 | |||||||
أسطورة الوئام
شكراً: 0
تم شكره 3 مرة في 3 مشاركة
|
نوى المرواح مصحوب السلامه = بعد ماولع القلب بغرامه تركني و ارتحل يا طول ليلي = متى يرجع لنا ظبي العدامه خذوله ياهل المعروف مني = سلامي له و ردولي سلمه انا لولا الحيا لاصيح باسمه = ولكني اجنبه الملامه اخفي عن جميع الناس خلي = مثل ما اخفيت جرحٍ من سهامه الا يالله قربني من اللي = الي من غاب جرّحني هيامه لقيت النوم من عقبه محرّم = وشوف الناس من عقبه ندامه |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 53 : 09 AM | #69 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياللي حياتي كلها منك تجريح = مامر يومٍ سالمٍ ماجرحته المشكل انك واجد اللوم و تصيح = وانت الذي طفل الموده ذبحته مانت بتعرف تريح النفس و تريح = كم منظرٍ حلوٍ بكفك مسحته لوّحت بي في ليل الاحزان تلويح = هذا عطاك و ربحي اللي ربحته ابيك تبرالي على هبّة الريح = وتناصح القلب الذي بك نصحته اثرك تدور عثرتي وين اباطيح = وش ينفعك لي قيل خلك طرحته |
|||||||
اللهم استرني فوق الارض و تحت الارض و يوم العرض
|
||||||||
01 / 09 / 2005, 58 : 09 AM | #70 | |||||||
أسطورة الوئام
شكراً: 0
تم شكره 3 مرة في 3 مشاركة
|
يا صاح انا قلبي من الحب مجروح = جرحٍ عطيبٍ مالقاله مداوي لو ينشري قربه شريناه بالروح = مير البلى شوفه غدابه هقاوي اهل دمعٍ فوق الاوجان مسفوح = على الذي ماهوب للغدر ناوي انا ادري انه مثلي اليوم مطروح = لاشك مايقوى ولاني بقاوي لولاي ادري سر الاحباب لابوح = و ابيع بيعات الهبيل الفدواي لكني اجحد فيه عن كل مفضوح = خوفٍ عليه من الحكي و الدّعاوي حسبي على اللي حط فالدرب ساموح = العاذل اللي جر كل البلاوي من اول ٍ باب المواصيل مفتوح = يوم ان عذال الموده خلاوي اليوم سد الباب لوحٍ على لوح = و امسيت انا يا صاح قلبي شقاوي |
|||||||
اللهم استرني فوق الارض و تحت الارض و يوم العرض
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خالد الفيصل أميراً لمنطقة مكة المكرمة | Mahsoon | قناة الوئام الإعلآمي | 3 | 19 / 05 / 2007 46 : 10 PM |
شاعر الاسبوع .. الأمير .. عبدالله الفيصل .. | سديم | بوحْ الشعِر والنثر .. | 9 | 12 / 09 / 2005 59 : 07 AM |
شاعر الاسبوع .. الامير .. بدر بن عبدالمحسن .. | سديم | بوحْ الشعِر والنثر .. | 138 | 09 / 09 / 2005 31 : 12 PM |
قصائد الامير خالد الفيصل ( من ديوانه الاول والثاني والثالث والرابع) | بنت العز | بوحْ الشعِر والنثر .. | 6 | 11 / 10 / 2004 53 : 08 PM |
ونــــــ خالد الفيصل وأردينا ــــــة | ظـِلال الأنوثـة | بوحْ الشعِر والنثر .. | 13 | 22 / 05 / 2003 22 : 08 AM |