سلامي للوئاميين؟

14 / 06 / 2002, 53 : 08 AM

[poet font="Simplified Arabic,4,blue,bold,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته

هذه خاطره كتبتها ارجو ان تنال اعجابكم

مع تمنياتي للجميع بالتوفيق والسداد

سلام مني لكم تسليم تسليم حار = يا اللي زرعتوا الورود وفاحت اطايبها
اشوفكم فالعالالي فوق فوق المدار = يا زين شكل الوئام إليا اجتمعتوا بها
في صفحة الشعر لي معكم مقال وحوار = ابيات نعجب بها وابيات ناتيبها
حبيتكم من صميم القلب رسم الشعار = لا صار في واسط الصفحة تزين بها
حبي لكم يالوئامي ما يشوبه غبار = اقول واردد الكلمة واغني بها
امشي مع الخط ما سك وسط وسط المسار = ولا ودي امشي مع اللفات واغدي بها
تعبت اجمع شتات الوقت كله دمار = احسن لي اقفل على الموضوع ما احكي بها
يا طول ليل الشتاء ما هو بطول النهار = والصيف اكل ليله الواضح ويمشي بها
اشوف بعض العرب يا ناس يقدح شرار = ما يحسب احساب كلمه جات يرمي بها
يزعل على صاحبه ما يقبل ادنى اعتذار = من قبل ما يسمع الحجة ويدلي بها
هذا كلامي ولي عزه ولي اقتدار = لو جيت ارتب احروفي ضاع ترتيبها
لكن على قد حالي هاض فكري ودار = حبيت اشارك بهالفكره وانا ادري بها
[/poet]

14 / 06 / 2002, 27 : 09 AM

.........

....

مراااحب السيــ11ـــف

ماشاء الله عليك

والله قام يظهر المستخبي
اللهم لاحســـــــــــد نقره لعرض الصورة في صفحة مستقلة

كلمات قمة في الروعة

جميلة ومعبرة

وابداع معهود منك

سلمت يداك

كلك ذوق ...

14 / 06 / 2002, 32 : 09 AM

السيـف11

تسلـم علـى المشـاركـه..

شعـور جميـل..

الله يحفظ الجميـع..

تحيااتي

14 / 06 / 2002, 38 : 09 AM

ما عليك زود اخوي الوافي

اي مستخبي

قول محاولاتك شوي لكن ارجو منك

إبداء ملاحظاتك لأنني فعلا محتاج إلى هذه الملاحظات

ومنكم نستفيد أيها الوافي

وفي الحقيقه أنا محتاج إلى نقدك لمشاركاتي

فلو أنك تنتقدها وتذرها قاعاً صفصفا

فقد أكون شاكرا ومقدرا

وقد استفيد وأحاول التعديل والتجريح والتنقيح والتصحيح

ولك مني الف الف شكر

تحياتي

اخوك السيف11

14 / 06 / 2002, 46 : 09 AM

............

....

الله يسلمك اخوي

اما النقد الله يهديك مالقيت تطلبه الا مني انا !!

انا ادور اللي ينقدني يااخوي
الا انت ليه ماتمر على تخاريفي ثم تحوس مريرها
ترى الغالبية يشجعون ويمدحون ولاينقدون وانا عرف هدفهم منه هذا
وهدفهم ياطويل العمر انهم يئسوا مني وقالوا هذا ننقد والا ماننقد
ماراح يتغير لو بعد 100 سنه
يعني قصدهم مثل ولد هذيك اللي اسالوها عنه هو يحبي والا لسه
قالت يكبر ويهبي
هم يقولون هذا يكبر ويهبي يعني مامنه رجاء
عاد انت خل عندك امل ولاتقصر باخوك

تسلم ...

14 / 06 / 2002, 04 : 10 AM

الوافي ..................

لو كنت ناقد ما طلبت احد ينتقدني

لكن والله لو القى عليك طريق انت والا أي واحد

اني لحوسكم ...

وكثرت المجاملات ربما تفقد المشاركه معانيها

صح وإلا أنا غلطان

المجامله مطلوبه نعم مطلوبه وكثير من الناس يتمناها

وخصوصا المبتدئين مثلي لكن أنا اللي يهمني في هذا الوقت

بالذات أن اعرف أنا على صح وإلا خطا

اخي

ما اخفيك أنني قرأت في بعض المنتديات

كلام يقولوا وعلى ذمتهم إنها شعر

والله قاعد اضحك واضحك

وتعال خذ من المديح الزايد والكلام اللي ما من وراه فوايد

لكن في منتدانا هذا رأيت بعض الملاحظات وفعلا تجد من يقول

ترى البيت الفلاني فيه كذا وكذا

وهذ جيد بحد ذاته

ارجو أن اكون قد وفقت في كلامي وإيصال المعلومه

تحياتي

اخوك السيف11

14 / 06 / 2002, 12 : 10 AM

.........

....

ياشيخ منتديات ايه !!!

تهون المنتديات مع غيرها

المشكلة انه دواوين انطبعت ونزلت الاسواق وهي قسماً بالله
ماتلاقي فيها قصيدة ماهي محيوسة من اولها لاخرها

ربك يعين

سلام ..

14 / 06 / 2002, 24 : 10 AM

الوافي

إيه عرفتك انا من صباح الله خير ودي تبين لي اللي كان على بالي !!

اها

يعني انت ناقد وتنتقد وساكت

قول سمعنا

ذكرتني بالشيخ عايض القرني الله يحفظه

يقول عندما كان في المتوسطه كتب قصيده

وألقاها في محفل كبير وقد امتدحه زملائه الطلاب والمدرسين

ورفعوه إلى السماء بالمدح والإطراء

ويقول استدعيت للرياض وعند تحليل القصيده

جعلوها قاعا صفصفا لا ترى فيها عوجا ولا امتا

والآن اخاف اكون اطلب النقد ومشاركاتي ربما لا تستحق النقد؟

تحياتي

والسلام

14 / 06 / 2002, 38 : 10 AM

..........

....

الله يلعن ابليسك نقره لعرض الصورة في صفحة مستقلة

يااخوي مو شرط اكون ناقد ولاحتى فاهم بالشعر

لانها قصائد واضحه للاعمى واللي مايفقه شيء بالشعر يلاحظ عيوبها

والا انا الله يخلف على اللي بانقده
الظاهر اني اعميها زيادة ان كانت عمياء
وان كانت صاحية خليتها عوراء

ياولد لاتدور سنع عند وافي
والله من جنبها لكن عليك بالربع

سلام ...

14 / 06 / 2002, 55 : 10 AM

يقول عليك بالربع

الربع قلوا يوم قلت انقودي *** احدٍ حيا واحدٍ جعلها قراده

أول على الدكان مثل الوفودي *** نذودهم عنا لك الله ذياده

واليوم جازوا بالجفاء والصدودي *** كلٍ تناوش ما بقى من عتاده

هذه الأبيات من قصيده للشاعر عبد الرحمن الدويش

ترى ما اقصد الربع اللي في المنتدى

واعرفهم وفيين مثل ما انت وافي يالوافي

لكن هذه المره انا عاذرك

لكن اليا شفت من اخوك اعوجاج في المعاني والألفاظ

ترى يحتاج إلى تعديل لا تنساه

وانا طولت عليك الكلام

وخير الكلام ما قل ودل

واعذرني على كثرة قرقرتي معك اخوي

الوافي لكن انت عطيتني المجال

وانا زودت الحكي كثير

لك مني ارق تحيه

سلام00000000000000

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أعتذاري للوئاميين	حكاية ليل	ملتقى الأصدقاء	11	21 / 01 / 2009 44 : 05 AM
مسجات للوئاميين فقط	weva	‏ Mobile - iPhone - Blackberry - Android	4	05 / 11 / 2006 29 : 10 PM
خـاصه للوئاميين..!!	محمد السبيعي	‏ بوحْ الشعِر والنثر ..	9	24 / 09 / 2005 31 : 09 PM
خاصة للوئاميين	أبو العماد	ملتقى الأصدقاء	1	02 / 01 / 2005 16 : 12 PM

الذين يشاهدون محتوى الموضوع الآن : 1 ( الأعضاء 0 والزوار 1)