العجوز زوجتي وهي أمهن كلهن .....

هذا لغز أبطرحه عليكم

الوالد عطاني اياه وقالي أتحداك تحلينه

ياليت تفكرون معي عشان أكسب التحدي مع الوالد :D

اللغز يقول .....


رجل دخل البيت وطلعت له من الغرفة الاولى أربع بنات وسلم عليهن .؛؛

وراح للغرفة الثانية وطلع له أربع بنات وسلم عليهن .؛؛

وراح للغرفة الثالثة وطلع له أربع بنات وسلم عليهن .؛؛

وراح للغرفة الرابعه وطلع له أربع بنات ومعهن عجوز وسلم عليهن .؛؛

وسألوه وش يقربون لك قال الأربع البنات اللي بالغرفة الاولى خواتي ؛؛

واللي بالثانية بناتي ؛؛ واللي بالثالثة خالاتي ؛؛ واللي بالرابعة عماتي ؛؛

والعجوز زوجتي وهي أمهن كلهن .؟؟؟؟

وشلون تجي هذي

ياهلا ويامرحبا
سعدنا بمشاركتكم
واليكم الحل //

محاولة/
امراتة لها ثلاث بنات وتزوجها جدة من ابية .
والاخرى تزوجها جدة من امة .
والثالثة تزوجها والدة امهن كما تقدم.
تحياتي

هلا الرمح
مشكوووور على هالمشاركة

بس تبي الصراحة مافهمت حلك
ممكن تشرحه لي مرة ثانية بالتفصيل :o

ياجماعة وين ردودكم وتعليقاتكم

الاخت جنان

بصراحه المشكله في ان العجوز امهم كلهم

لانه يحرم الجواز من امراة الجد سوي جده لابوه او لامه

لكن ابحاول في الحل وان شاء الله اتوصل اليه

السلام عليكم ورحمة الله وبركاته :
الحل كما قال الأخ الرمح :
أن المرأة العجوز عندما تزوجها كان لديها ثلاث بنات
إحدى هذه البنات تزوجها أبوه وأنجب منها أربع بنات في هذه الحالة يصبحن أخواته من أبيه
والثانية تزوجها جده أبو أبوه فأنجبت له أربع بنات فأصبحن أخوات أبيه من جده فيصبحن عماته
والثالثة تزوجها جده أبو أمه فأنجبت له أربع بنات فأصبحن أخوات والدته من أبيها فيصبحن خالاته
وزوجته العجوز أنجبت منه أربع بنات فهن بناته

فبذلك تصبح العجوز أم وجدة يعني يصبحن بناتها ...!!

إلا إذا كانت العجوز أمهن جميعهن يعني بناتها فهذه حالة أخرى يمكن إيجاد حل آخر لها وهو ( طبعاً في الزمن القديم وليس الآن ) :

أن العجوز كانت أمة أي رقيقة عند جده أبو أمه فأنجبت له أربع بنات فأصبحن أخوات أمه من أبيها فيصبحن خالاته

ثم باعها لجده أبو أبوه فأنجبت له أربع بنات فيصبحن أخوات أبيه وبذلك يصبحن عماته

وبعد وفاة الجد ورثها أبوه وأنجبت له أربع بنات فأصبحن أخواته

وبعد وفاة الأب ورثها الرجل وأعتقها ثم تزوجها وأنجبت له أربع بنات هن بناته ...وبذلك تكون هي أم الجميع .......!!!

ياهلا والله أخوي الحربي
مشكووووور على المداخلة
وننتظر إجابتك

هلا أخوي dehnal3ood
مشكووووور على هالتوضيح
راح أقول للوالد الحل
وأشوف هو صحيح والا لا
وراح أقولكم
تحياتي لك

اقول هالحين الحل مانتي عارفتة
والله اعلم متي يجي الرد
اذا كان والدك حاطن لك جائزة ثمينة ان عرفتي الحل
لاتنسين نصيب من قال الحل الصحيح من الاعضاء
النص بالنص هذا شرط
يالله بانتظار الرد

:D:D:D:D:D

كنك عارف يالرمح :D

والله قايل إن حليتيه لك الف وخمس :o

بس يجي الصباح راح أقوله

وبالتوفيق

:D:D:D:D:D:D

الرمح

ماشاء الله عليك

إجابتك صحيحة

بس ماجاني شي لما قلتله

يقول انا ماوجهت اللغز لك


ماعليه المهم عرفت حل اللغز