ردي على صاحب الفخــــامة الاستاذ الوافــي (حفظه الله)

أولا : هذه ملاحظة صغيرة
منتهى الشكوى ياحبيبي الغالي واستاذي الكريم ومعلمي وأخي الكبير الوافي هو ( الله) فقط

ثانياً : يا عزيزي والله أنا ما اصفّ بجمبك يا سيد شعراء الوئام , وأستحيي أنني أرد عليك في قصيدة وما نحن إلا تلاميذ لفخامتك يا عمدة ,,,

ثالثا ً : أرجوك يا استاذي وأخي الكبير تدمح الزلّة والخلل الموجود في أبياتي التي حمّلتها أخطاء ومشاكل لا يعلمها الا الله ,,

رابعاً : انا سعيد حقا ,, أتدري لماذا ؟؟؟
لأن سيد شعراء الوئام وجّه لي قصيدة وهذا فخر لي

خامسا ً : أعتذر يا عزيزي الوافي على التأخير فوالله انني في حالة يرثى لها,,
مواعيد أسنان ,, ومشاكل وقلّة حيا !!

قال استاذي الوافـــــــــــــــــــــــــــــــــــــــــــــ ــــــــــــــــــــــــــي

[poet font="Simplified Arabic,5,black,normal,normal" bkcolor="transparent" bkimage="backgrounds/2.gif" border="groove,4,gray" type=0 line=200% align=center use=ex length=0 char="" num="0,black" filter=""]
الليل غدراء والوعد نجمة سهيل = والدار قفرا والمداهل خليه

والفجر نوره ذاب في عجة الخيل= والشمس ضاعت بين هذي وذيه

دلال خلي ضاق بصدورها الهيل= ودلالي امست مالها قابلية

تفجرت بالصدر نار المواويل= واشعل قصيدي ليلته سامريه

العام صبري هدني واضعف الحيل= واليوم طامع بالعزوم القوية

ياقيس وش حدك على هالبهاذيل = مادام مالك حظ بالعامرية

!!!!!!!!


!!!




يالمنسدح عشرة عشير الرياجيل= ياصاحب ماقيل خلا خويه

اشكي عليك الحال من طفحة الكيل= من الحظوظ القاصرة والردية

يوم الحبيب اعلن بقطع المواصيل= من عقب عقّب بالحشا الفين كيه

تجاهل لصوتي وصوت المراسيل= وتجاهل لدمع العيون الشقية

الكبر شايلته على راسها شيل= بدعم الجمال اللي وقف له حمية

يالمنسدح دمعي عليها كما السيل= والبسمة تعانق شفاه الغضيه

والله لو ان الحب يظهر بتحليل = لتشوف دمي + ... ...

وياما وياما دون ذكر وتفصيل= ولاودي افضح سر للداخليه

يامنتهى الشكوى عشير الرياجيل= هذا هو الموجز لكل القضية

عذراً
لهذه التخاريف

[/poet]

وانااقوووووووووووول

[poet font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
الليل غدرا والسنا فالمخاييل= برق(ن) ينوض بمزنة(ن) عقربيّه

مزن(ن) نشا بالغيث روّح محاميل= لكنّ عاثت به رياح (ن) عتيّه

صالت وجالت فيه تطليع تنزيل= ساعه, واذا مزن الرجا شعثريّه

,,,,

دام البقا باعداد رمل الغراميل= بالشاعر اللي حرّك الشوق فيّه

حرّكت هجس الشوق بالقال والقيل= قول (ن) رفيع(ن) حضّر الجنّ ليّه!

أنا اشهد انك من قروم(ن) مشاكيل= زحول الرجال اللي هممهم عليّه

وافي . هلا بك يا زعيم الحلاحيل= يالريّس اللي كلنا له رعيّه

,,,,,

تشكي عذاب ام العيون المكاحيل= اللي تكبّر والتكبر خطيّه

لو قابلت قايد من الجيش حلحيل= فريق , قام الها ودق التحيّه

من وجهها نور السنا بالقناديل= ومن وجنتيها تجتني مزهريّه

غرو(ن) غضيض(ن) ناب الانهاد والذيل!= ام النسوم الزاكيات العذيّه

تفدنّها يا لابسات البناطيل= ياللي خْطاهن من رداهن دنيّه

,,,,

تشكي على المجروح جرح اسمر الليل= اللي مصيبك عقب هاك البنيّه

لا تشتكي لي صدّها . مااملك الحيل= اللي يرد الك الغضي مكرهيّه

مجروح انا مثلك دمرت المناديل= بالدمع الازرق. من فتاة(ن) عصيّه

نوره . فتاة الجيل , لاعدت من جيل= مدام ما بك مثل نورة حليّه
,,,

لاوالله الا جوّدتك المحابيل= ولا لك مفرّ ولا نجاة(ن) سويّه

ما تدفي الوافي غلاظ الطرابيل= من زمهرير العشق شين الطويّه

,,,,

لو كنت تنخاني لقوم(ن) فحاحيل= لبّيت لك واخذت لي بندقيّه

والله لالبّي لك على الحط والشيل= وانصرك نصر وكل نيّه مطيّه

وافعّل الرشاش فالقوم تفعيل= بدون لا رهبه ولا مرحميّه

لكن .. بلاوي الغيد , ما اقدر لها شيل= مالي على هم الهوى مقدريّه ,,

,,,,,,,,

,,,,

وتقبلو تحيات أخيكم الصغير
المنسدح10

[/poet]

[c]


[/c]
[c]
بسم الله الرحمن الرحيم
السلام عليكم ورحمة الله وبركاته
المنسدح العاشر
لا فض فوك .. لا فض فوك
الله الله على الجمال .. والجمال الله الله عليه
ما شاء الله تبارك الله .. رد وافي واكافي
ابدعت .. كما ابدع قائد الوئام في قصيدته الموجهه إليك
ما شاء الله تبارك الله ..
لو كنت تنخاني لقوم(ن) فحاحيل*** لبّيت لك واخذت لي بندقيّه

والله لالبّي لك على الحط والشيل**** وانصرك نصر وكل نيّه مطيّه

وافعّل الرشاش فالقوم تفعيل *** بدون لا رهبه ولا مرحميّه

كفو والله كفو ...
وصح الله لسانك والسان الوافي
استمتعت بهاتين القصيدتين الرائعتين ..
وعساكم على القوه ..
الحسام
[/c]
[c]


[/c]

ويكمل الجماااااااااااااااال في طلعتك البهية أيها المبدع الحسااااااام

حياك الله

وان كان في هذه المشاركة جمال فهو يجيّر باسم الواااااااااافي
امبرااااطور شعر الوئاااااام

تكرم يالغالي
وأشكرك من اعماق فؤادي على حضورك يا مبدع ,,

والسلام عليك
أخووووك المحب المقدّر
المنسدح العاشر

هلا وغلا اخي الحبيب المنسدح عشره
صح لسانك ايها المبدع
رد رائع وجميل الله لايحرمنا من ابداعك وتميزك
دمت بخير اخي الكريم
كفيت ووفيت يالحبيب
تحياتي

الله الله الله



صح لسانك ابداع في التوجيه والرد


سلمت يالمنسدح
انشهد انك مبدع ماعندي فالهرج



رد شافي وكافي يملا عيون وافي



صح لسانك

أخي العزيز : منسدح 10

تحية طيبة مليئة بالمحبة اليك اخي العزيز

على تواضعك الممتاز ..رغم صلابة قلمك الرائع

تمتعت بالرد الجميل ... والخيال الواسع

وأن كان أخي الوافي قد اهداك قصيدة

فأنت تستاهل الف قصيدة لأنك رائع


تحياتي لك وتقديري

مراحب المنسدح العاشر



صح لسانك انت واخوي الوافي




ابداع منكما ليس بمستغرب



تحياتي وتقديري لك

العاشر اخي الكريم

اتردد كثيرا قبل التعقيب على مشاركاتك


أتعلم لماذا؟؟


لأني اخجل من التعقيب بابجديتي التقليديه

ولان قلمك اكبر من حروفي وردودي مهما بلغت القمم

وهنا لا امتلك من ادوات الكلام ما يشجعني على التعقيب لذلك اسمح لي باضافة توقيعي والمضي


صح لسااااااااااااانك مليووووووووون يالذيب


اخت الجميع رعبووبه

............

....


المنسدح 10

ماتعودت العب مع الكبار امثالك
لكن رمتني الاقدار عليك
وكنت احسبك حنين وبتجاريني وبتاخذني على قدر تخاريفي
لكن اثاريكم كلكم ماينمزح معكم
والله يخلف على من يجي بطريقكم












عاد تبغى الصراحة ؟
الصراحة انك ماقصرت وبرغم الصكة المترااوسة
الا انك رحمتني
والحمد لله انك راعيت الظروف ولا جيت من اقصاك
والله يجزيك خير

اما امهات انيثي وماقالولهن
مثل ماتفضلت تضيع فيهن الحيل والمحاييل
وعذرك مقبووول ياذيبان
والنعم والله فيك


ختاماً
الف الف شكر المنسدح
لتفضلك بقبول تخاريفي وبمجاراتك لها بهذا الرد الذي
بلا شك انه فخر لي ولتخاريفي بان حظينا بمثله


سلمت ودمت المنسدح



كلك ذوق ...

الأخ الغالي الحبيب نمر

مراااحب والله بطلّتك البهية

والابداع منكم يالغالي وإليكم ,,

أكرمك الله على تكرمك بهذا التعليق يا الغالي ,,

دمت بخير يالغالي والسلام عليك ,,,
منسدح عشرة