راجع يقول ابكي ويطلبني رضاي

راجع يقول ابكي ويطلبني رضاي
يبي يراضيني بأية وسيلة
بكاه ماهو شي من جملة بكاي
ياما بكيت بسبته كم ليلة
في كل يوم اتعب لاجل شوفه خطاي
واقطع على شانه دروب طويلة
والناس لاشافو دموعي وشكواي
قالوا ترا مايستحق تعني له
مادام ماله في علاقاتكم راي
ولايسمع لشكواك لو تشتكيله
واقول ماتدرون وش هي خفاياي
هموم قلبي صدق ماهي قليله
الله بلاني بحبه وصار دنياي
وبلاني بناس عليًه تشيله
تطرد وراي وودها تعرف أخطاي
يستخدمون لطيحتي كل حيلة
لكن مايسوون بالقدر ماطاي
جابوا على انفسهم رداة وفشيلة
وصويحبي مرات مرتاح واياي
ومرة يحاكيني بنفس ثقيلة
المشكلة ماهو برايح ولا جاي
ولااقدر انسا الحب ومعاهدي له
رجواي باللي ماتخيب به رجواي
اشوف خلي واهتني بشوفتي له
قد قالها الشاعر وفي مثل بلواي
( ولا لي الا الصبر ) وش جابني له؟


نواف العضياني

مشكورة ياملوكة وفعلا مالنا الا الصبر خلاص ماعاد تعنيلي ولاحاجه
رح جعل ربي يوفقك ويوفقني
عطيتك اكثر من اللي كنت تحتاجه
اسرفت بالحب لين الحب وهقنـــي
لو ادري انك مرافقني على حاجه
لعطيك حاجتك واقول فارقنـــــي

الله يعافيك .. اخوي

صح لسان الشاعر


وسلمت ملووكه ع النقل


تحياتي

بكاه ماهو شي من جملة بكاي
ياما بكيت بسبته كم ليلة

يسلم ذوقك ملوووكة على النقل ..

بس انا اكره كلمة ( بكيت ) يكتبها الشاعر في قصائده .

اشوفها شوي عيب وتقلل من مكانة الرجل ..

هذي وجهة نظري فقط ,,,

صح لسانه على القصيده
وتسلمين ملوكة على النقل
الله يسعدك دووووم ياااارب ولا يحرمنامنك

خلف
ابو خالد
شموع
ربي يسعدكم

يعطيك العافيه ملوكهـَ ع القصيده الجونـآإن ،،
تسلم يمينك،َ ..

يسعدك ربي اختي

كلك ذوق يا ذوق معليش بعلق على كلام أخي أبو خالد البكي شي عظيم ومريح بنفس الوقت ونعمه من أنعم الله علينا يا البشر ماهي مذله أو تقصير في حق لا امرأه ولا رجل بل هي نعمه

أبكي واطي على جرحي وأتوب من من حب متعبني وموذيني ولا أكابر وأكسر قلبي وأقول يا ليت فديتك ملوكه كلماتها مره روعه