وحتى طيفك .. صرت ما اطيق بعده

آآآآه ياطيفك حبيبي .. جاني البارح .. لمحته

فز قلبي وقمت أركض.. ومن كثر شوقي حضنته

قام يهمس لي بكم كلمه .. لكن .. ماسمعته

وكيف ابسمع؟ وانا كل إحساس فيني مات .. يوم شفته

شال ايدي وقال .. بعدك تنطريني؟

شلون ما انطرك ياللي .. قلبي من أصله قلعته

طالع بعيني وطووول ؟؟ كنه يقرا شي فيها

قلت .. لاتقرا عيوني .. شوقي واضح ماكتمته

قال وينه ما اشوفه ..؟

الله اكبر .. ماتشوفه؟؟؟ .. وقمت .. وببوسه لثمته

قال إيييييه هذا شوقك توي شفته

ضمني لصدره وضميته .. وحسيت اني خنقته

جيت اببعد .. قال وين؟ توي ماحضنتك

وقتها سلمت نفسي.. ياحبيبي كاهي .. خذني .. وان بغيت لاتردني

بعدها وش صار مدري...........


يالله ياقلبي أشوفك
قلت توك .. إيه توك .. بكحل عيوني بشوفك

راح عني ماخذاني.. بس تركني عايشه بشتات .. ياضييق وقته

:

راح عني .. وانا اللي انتظرته مثل أعمي ينتظر يلمح الضي
راح عني .. وانا اللي عيني تبكيه وتتوق لشوفته في كل حي
راح عني .. راح ماحس بحنيني .. ومابقى غير الغياب .. اللي يكوي قلبي كي


:

:

. . . . وش فيك انهبلتي؟؟ يالله اصحي
تسولفين انتي وروحك ؟

قلت يايمه دخيلك
اتركيني .. هذا طيفه .. هذا طيفه
حتى باحلامي يايمه بتحرموني ما اشوفه

:

آآه ياطيفك حبيبي

جا يدمر قوّتي اللي انبنت في سنين بعده

آه ياطيفك حبيبي

مابقالي إلا طيفك ..وحتى طيفك .. صرت ما اطيق بعده

:

راح عني .. وانا اللي انتظرته مثل أعمي ينتظر يلمح الضي
راح عني .. وانا اللي عيني تبكيه وتتوق لشوفته في كل حي
راح عني .. راح ماحس بحنيني .. ومابقى غير الغياب .. اللي يكوي قلبي كي



الراقيه

راقيه بكلماتك

كلمات تتجه الى القلب مباشره


سلم لسانك وسلمت يمينك

الراقيه:

............

...


الله الله الله
ياحلو عقب الوسم رجع السحاب


صورة ترجمت الى كلمات .. عشنا اطيافها من خلال هذا النص الراقي والمفعم بجمال التصوير ونكهة الابداع .



قلم راقي كرقي الراقية



سلمت يداك .. وبانتظار المزيد


...

	المشاركة الأصلية كتبت بواسطة الراقيــة

	يالله ياقلبي أشوفك قلت توك .. إيه توك .. بكحل عيوني بشوفك راح عني ماخذاني.. بس تركني عايشه بشتات .. ياضييق وقته راح عني .. وانا اللي انتظرته مثل أعمي ينتظر يلمح الضي راح عني .. وانا اللي عيني تبكيه وتتوق لشوفته في كل حي راح عني .. راح ماحس بحنيني .. ومابقى غير الغياب .. اللي يكوي قلبي كي :

نص راقي بمعنى الكلمة يجعلك في حيرة فمنذ بدايته حتى نهايته

لا تجد ما يستوقفك للدلالة على جمال مقطع معيّن ..

فالنص بأكمله وتسلسل معانيه وسهولة الإسلوب

ورصد الفكرة جعله نص أدبي رائع ..

اشكرك اختنا الراقية ..

وتسلم أناملك سيدتي ,,,,

نص رائع جداً
يعطيك العافية الراقية

الرائع مايجيب الا الروائع
.....

رائعه ياالراقيه كرقيك

اعجابي ومودتي

تحياتي

كــ العاادهـ

متـجدده بإبداعــاتكــ يالراااقيـه

لاعدمنــا رووعـة حرفكـــ

::

	المشاركة الأصلية كتبت بواسطة راع المشاعر

	راح عني .. وانا اللي انتظرته مثل أعمي ينتظر يلمح الضي راح عني .. وانا اللي عيني تبكيه وتتوق لشوفته في كل حي راح عني .. راح ماحس بحنيني .. ومابقى غير الغياب .. اللي يكوي قلبي كي الراقيه راقيه بكلماتك كلمات تتجه الى القلب مباشره سلم لسانك وسلمت يمينك

راع المشاعر

الله يسلمك اخوي

وتسلم على مرورك

لاعدمتك

	المشاركة الأصلية كتبت بواسطة عازف الإيقاع

	الراقيه:

عازف الايقاع

منور اخوي

شكرا على تشريفك