يكفي..

مادام بعت برخص والله ما أشريك××××× بانت أكاذيبك وبانت نواياك
من أول قلبي يودك ويغليك ××××× وعشت في بحر الهوى حلم دنياك
وأحطك بعيني وأغمض وأداريك ×××××وأهديك كل العمر وأقول يفداك
وأرخصت كل الملا عنك وأغليك ××××× وناس تبي قربي وأنا ماتعداك
واليوم عافك قلبي اللي يناديك ×××××وأرخصتك بعيني وعقلي تناساك
من بعد بانت لي حقيقة محبيك ×××××وشفت العيون اللي تودك وترعاك
ماعاد لي حاجة بمدة يدينك ××××× وماعاد لي حاجة بجرحك وبدواك
بأبحر في بحر الحب قدام عينك ×××××وأصارع الأمواج ولا أوقف بمرساك
بأبعد وأنا رافع الراس ما أرجيك ×××××عز الله إني بري من الكذب ماجاك
بأبعد وانا مرتاح بالي مخليك ×××××عيشي حياتك هنا وهناك وهناك
تفنني في دروب العشق وأهني لك ×××××ومدي لعشاق الهوى كف يمناك
ياجعل عيني بالعمى كان تبكيك ×××××بأشب كل الورق وأنساك وأنساك
أودعك ياعناة القلب وأدعي لك ×××××ربي يحفظك لعين حب ترجاك
يكفي عذابي منك ما أبيك ما أبيك ×××××ما أبيك ترجع ولا أريد رؤياك

هلا ومرحبا مرهم ..

قصيدة جميلة بحق
وان كانت تخللتها
القسوة نوعا ما
فيما بين سطورها

احييك على هذه الرائعة
وتقبل كل الاحترام والتقدير ،،،

الحب
لا يفترق عن الالم
قلمك عانى الكثير
من الشوق
والعذاب
والحرمان
هل انتهى حبك
بصده
وبعده ؟

لا لم ينتهى
احساسك
ومشاعرك
دافئه
الى الان



مرهم ..
عندما
نحب
لابد
من العذاب
والحرمان
لنشعر بعدها
بطعم
السعاده
والهيام

اسلوب متميز ورائع
تقبل اعجابي
وتقديري
لرقي كلاماتك
ومشاعرك

مرحبا ..مرهم

صح لسانك

مادام باع يستحق القسوة

ولكن أسمك مرهم
المفروض ما تعرف القسوة
قصيدة جميلة

بالتوفيق..

تحياتي وتقديري،،