قصيدة خلف بن هذال في الجنادريه 1423

اخواني واخواتي الأعزاء

اخترت لكم هذه القصيده وهي للشاعر الكبير خلف بن هذال العتيبي

والتي قام بإلقائها في مهرجان الجنادريه لهذا العام 1423 للهجره

واتمنى ان تنال اعجابكم


[poet font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,indigo" type=0 line=200% align=center use=ex length=0 char="" num="0,black" filter=" shadow(color=burlywood,direction=135)"]
سـلام الله سـلام الله سـلام الخاطـر الممنـون
على اللي شـرّف الحفـل الكبيـر وتـم تنظيمـه
تفيض أبيات شاعر من مشاعر شعري المـوزون
وأميـز ماثبـت بالشـرع تحليـلـه وتحريـمـه
وأنا وأنا وأعوذ من العنـا لأهـل الثنـا مديـون
سعـوديٍ ظفـر بمعاهـدة مــولاه وزعيـمـه
يعيش المهرجان ان ماحتواه الجوهـر المكنـون
تـراث أمجـاد وأرث أجـداد واضحـةٍ معاليمـه
حفلنا وبرعايـة مـن يقـود المركـب الميمـون
علـى بـر الأمـان مجمـلٍ شكلـه وتصميمـه
فهـد والله فهـد والله فهـد مـادون شعـبـه دون
حبيب الشعب واصل واصـلٍ شعبـه وأراحيمـه
على الوالد على القايد سلام أربع طعـش مليـون
من الشعب الكريم أربع طعـش مليـون تسليمـه
تخص الفهد فرداً فرد من عاشـق ومـن مفتـون
نهيـم بحـب مـن صـان البـلاد وجالهـا قيمـه
غرام رجال فيه رجـل السـلام وللغـرام فنـون
تجسـد بالفخـر والطيـب والنامـوس والشيمـه
عمرنا الأرض يوم الله عطـا والمستحيـل يكـون
بدينـا بالعمـل باعـلان ابـو فيصـل وتعميمـه
بدا النهضة بثروات البلـد واستخـدم المخـزون
وغنا الطيـر طيـر الخيـر واسمعنـا ترانيمـه
زرعنا القمح وأصناف النخـل والتيـن ولزيتـون
وفاح الـورد والريحـان وبالغصـن وبراعيمـه
ولامومن قنط مـن رحمـة الله والحيـا مضمـون
ولايصـدق منجـم لـو صـدق للنـاس تنجيمـه
ليا شفت السما تدقل مثل شقـح البكـار مـزون
تحرى الرجـع وابشـر بالحيـا واتبـع مقاديمـه
تحت قمرا قمر ماهـل ضامـر كنـه العرجـون
بـزغ كامـل وهـذا هـو ولا بالشـوف تعتيمـة
ملكنا الحاكـم العـادل ملكنـا المؤمـن المامـون
ملكنا اللي على بـذل العطـا تصـدر مراسيمـه
ملكنا الداعي الواعي ملكنـا الراعـي المظنـون
ف ظنتنـا لـيـا لذنـابـه الحفـنـا بأكاميـمـه
ملكنـا ظلنـا ويظلنـا صيوانـنـا المصـيـون
الايالله الايالله لا تـهــدم لـنــا خـيـمــه
ملكنا اللي يفك اعن الرقـاب ويطلـق المسجـون
زعيـمٍ فـي قلـوب النـاس تقديـره وتعظيمـه
ليـا قلنـا ملكنـا لامـة الاسـلام عـز وعـون
أبـا النجـدات والفزعـات والدعمـات تدعيمـه
ندى الكف لو يجمـع بكفـه مـا جمـع قـارون
عطـاه المستحـق ولا يحسـب فـي مغاريمـه
ولا أكرم منه ولا أرحم منه بعد الله حجا وركون
ولا اسرع منه في نصر الضعيف اليا شكا ضيمه
ولا ابتع منه في قمع الحريب ولا يقـال ظنـون
حقايق من رفع راسـه علـى شامـان تحجيمـه
ولا امضى منه وامضى من شباة الماضي المسنون
اليا عدّو صواريـم الزمـان أصـرم صواريمـه
ملكنـا يـا ملكنـا للمـروه فيـك طبـع ولـون
تحلـي بالوفـا وشيمـة الأخيـار إلـك شيمـة
جميع المسلمين امن المساجـد يـا فهـد يدعـون
دعاهم يـا جليـل الملـك ترعـى فهـد وتديمـه
نصرك الله واذل عداك وامره بيـن كـاف ونـون
يمثـل مـا يريـد بزمـرة الشـر وشراذيـمـه
حماك اللي حما موسى ضحى عاشور من فرعون
فلق عنه البحر وانجـاه مـن فضلـه وتكريمـه
وأعز الله عضيدك عز عينك مـن وراك عيـون
عيـونٍ ساهـره مـن يمهـا مـابـان تثليـمـه
ولي العهد في خدمتك يرخص غالـي المثمـون
سلم راع العقـال اللـي تـرازم عـن مرازيمـه
مقر الجود عبدالله هـو المزبـن هـو المزبـون
مزابن من شكـا الحرمـان والرمـل ومفاطيمـه
اليا قلت مواردهـم علـى عـد الـروا يـردون
معينـه مرتكـي تتـبـع مناظيـمـه مناظيـمـه
يده بكل لطف وعطف تمسـح دمعـه المحـزون
يفـرج كربتـه ويـقـوم باسـعـاده وتنعيـمـه
ولا ننسى فضل سلطان وأهل الفضل مـا ينسـون
ترك في لوحـة العرفـان للمعـروف تبصيمـه
مـع الشكـر الجزيـل وقاصدينـه بالثنـا يثنـون
جميلـه يبعـد الهـم المخيـم عـن مهاميـمـه
عساكم يا عيال العود يـا اسـود الوغـا تحيـون
حياةٍ طيبـة يـا حـزن مـن طاحـت محازيمـه
الا يا عيـال مـن قـدم حياتـه للوطـن عربـون
أخذ جرعة من الغربة وأخذ مـن نجـد تطعيمـه
يحـن ويجتلـد ويعـن معسـوف ويبـل شنـون
نوى عقد اللواء يا مطيب الـراس وصماصيمـه
على سرج وظهر مهره وكور مقـوسٍ مرسـون
يسوج ابها البطـان مهجـنٍ ريمـان مـن ريمـه
مطا قباً تراقـص بالحوافـر رقصـة المزيـون
ليـا طـب المزيّـن مـن يبـا يجـرا بتكليمـه
سرى مسري السباع اللي تجاوب فالخلا بلحـون
مجاهيـم الذيـاب وقبـل مـا تجهـم مجاهيمـه
ابو تركي لفا يضحـك حجاجـه بالسعـد مقـرون
بنى وحـده وحـدّد واكتمـل رسمـه وترسيمـه
بناها واحتماهـا وارتفـع منهـا قمـم وحصـون
ملاذ الضيف واللاجـي و مـن جتبـه مقاسيمـه
لنا الهيبة على شبه الجزيرة مـن ثـلاث قـرون
سلاطيـنٍ تشـرّف صفحـة التاريـخ ومقيـمـة
أهل صحوة واهل دعوة واهل نخوة عرب وظعون
واهل منسب وسيـف وتنشـر العلـم ومفاهيمـه
ملوكٍ مـا يهدمـون القيـم مـن طبعهـم يبنـون
أياديهـم تشـيّـد منـبـر الاســلام وتقيـمـه
كما ترسي شماريـخ الجبـال ملوكنـا يرسـون
ليـا قـام الخفيـف يرمـي القـش بمهازيـمـه
ليا عادو عدوا جاه العـذاب وصابـه الطاعـون
يزوغ ومـن وحمهـم ترجـد الحمـى محاميمـه
عليهم من فتح عينه يـذر ابهـا الـدوا مسحـون
يعـوّد مـا يشـوف وصفقـة بالوجـه تعليمـه
وعليهم من يفتل شاربـه مـن قاعتـه محسـون
وكم من شاربٍ يفتـل وافـاق وضـاع توهيمـه
شوارب ما نكرمهـا وشـارب بالشحـم مدهـون
ليـا اوعدنـا وفينـا والوعـد نصـدق بتتميـمـه
ندافع عن عقيدتنـا ومـن هـذا المكـان نمـون
ملازيـم الرجـال وكـل رجلٍـفـي ملازيـمـه
شريعتنا هـي الدستـور مـا بـدل بهـا قانـون
لنا منهـج حيـاه وعصمـة المسلـم وتحشيمـه
ندافع عن كرامتنا ومن يرضـى الهـوان يهـون
يموت بذل مـن عقـب المهانـة موتـة بهيمـه
ندافع عـن وطنـا والوطـن بارقابنـا مرهـون
ولو نفنا عـن آخرنـا مـن اوساطـه لاقاليمـه
يدينا مـن وراه وبالحضـون الآمنـه محضـون
امانـه لايضيـع ولا تفـرط بــه شغاميـمـه
سماسر الحروب المفسدين عن الوطـن يخسـون
خسى بس يخسى من ينـوي اضعافـه وتقسيمـه
ولا نسمع ولا ناخـذ كـلام مـن خـادع iلسـون
لسانـه يلحـس اذنـه ويتحاكـى مـع بلاعيمـه
وتـرى التنديـد والتهديـد والتصعيـد تلفزيـون
كـلام اعلامناقـص فـاقـد نـصـه وتقييـمـه
كمـا البالـون ينفـخ بالهـواء ويطيّـر البالـون
يحوم شـوي ويطيـح الهـواء ويخـف تحويمـه
هذا الوقـت بهالجمـع يتفـرق والعميـل يخـون
يكدر مـن دخـل ساحتـه مـن كثـر اساويمـه
طفح كيل الأعادي يـا بـلادي وامتـلا الماعـون
طغى وأزبـد مثـل مـوج البحـر متعـدي تيمـه
خطير الكوكب اللي بات بانواع الفتـن مشحـون
والن صابه خلل يصعب علـى العقـال ترميمـه
نحذر من يفكـر فـي حماقـة مـا تسـر الكـون
ومن يقدم يعض مـن النـدم باطـراف أباهيمـه
يجيلك من الجهالة ما يسبـب لـك عنـا وغبـون
يكدّر جوّك اللي بـان صبحـة وانقشـع غيمـه
ولا تـرهـي ولا تـاثـق مـــن المـجـنـون
يعرضك الصيـاح ويوقـظ الفتنـه وهـي نيمـه
يلوح المسجد الأقصى من الدب الحمـر شـارون
عـدو الله يدنـس حرمـة الـقـدس بمناسيـمـه
يصول ويجتول كنه على ذبـح العـرب مـاذون
يجرب ما تطـور مـن سـلاح ومـن جراثيمـه
يهـوديٍ تكشـف عـن سرايـر حقـده المدفـون
يبـا يفشـل وتصبـح خاتمـة هتلـر خواتيمـه
عطوه الضوء الأخضر وانطلق بامرع بني صهيون
جهـاز آلـي علـى الريمـوت تأخيـر وتقديمـه
اليا دار الرحا ملعـون حـول واستلـم ملعـون
ملاعيـنٍ تخطـط فـي فنـا العالـم وتحطيمـه
ولو دارت رحانا مع رحاهـم دقـق المطحـون
بقدرة مقتـدر يمضـي بهـم حكمـة وتحكيمـه

شاعر الوطن / خلف بن هذال العتيبي

[/poet]

وتقبلوا تحياتي

اخوكم / الجهني

والله كنت ابحث عنها


لكن في الوئام تجد ما يسرك ..........


تحياتي الخاصة لك أخوي

وأي خدمات لك آآآآآآآآآآآآآمرني ولا تستحي


أخوك

السلام عليكم ورحمة الله وبركاته



صح السان خلف العتيبي ولا شلت يمينك يا الجهني على النقل.



لكلمات روعة.


زهرة بنفسج.

هلا الجهني

قصيدة جزلة جميلة

لكن قصايد خلف حلاتها مسموعة

..

ليش كل سنة يجيبون خلف ؟

شكرا

[c]


[/c]
[c]
بسم الله الرحمن الرحيم
السلام عليكم ورحمة الله وبركاته

الجهــــــــــــــــــــــــــــــني

الف الف شكر اخي الفاضل على هذا المجهود الرائع
وعلى أحضار هذه القصيده الرائعه
تقبل فائق احترامي وتقديري


الحســـــــــــــــــام[/c]
[c]


[/c]

الاستااااااااذ
والشاعر العملاق
الجهني
حي هالشوفه
وما تقول ولا تجيب
الا جزل يا ذيباااااااااااااان

وصح لسان شاعر الخليج
ابو هذال
ليت والله العمر ينشرى و لو بالبلا ييين
نشريه لبو هذال ويعوّد ولد
اخوك السيف

هلا وغلا اخوي
الجهني
مشكور يالحبيب على مجهودك
اختيار قمة
تسلم يمينك
تحياتي

الجهني شاعرنا العظيم

اخي الكريم


سباق للجزاله دوما تعودنا على الابداع


اختيار كان او نظمااا


تقبل فائق احترامي

وصح لسان شاعرهاااااوماقصرت يالذيب


اخت الجميع رعبوووبه

اخوي أمير الجنوب

مايأمر عليك عدو ان شاء الله

وأسعدني مرورك الكريم

وتقبل تحياتي وتقديري

اخوك / الجهني

اختي زهرة بنفسج

الف شكر لمرورك الكريم

والله يعطيك الف عافيه

وتقبلي تحياتي

اخوك / الجهني