أنت غير مسجل في منتديات الوئام . للتسجيل الرجاء إضغط هنـا

 
عدد الضغطات  : 18315
رامان للحاسبا والاتصالات 
عدد الضغطات  : 13369


العودة   منتديات الوئام > المنتديات الادبية >  بوحْ الشعِر والنثر ..

 بوحْ الشعِر والنثر .. للشعر الفصيح والشعبي والنثر " المنقول "

إضافة رد
 
أدوات الموضوع
قديم 20 / 04 / 2002, 31 : 11 PM   #1
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

العنود وعبدالله

السلام عليكم
القصة هذي ( للأمانة ) من منتدى الصحفية والكاتبة ناهد باشطح
مسوية مسابقات مختلفة والقصة هذي فازت بالمركز الأول لفئة القصة ,,
**********************************************

عبدالله للعنود .. يا كثر ما سمعت هالكلام وانا صغير ..
كان عبدالله ولد وسيم جذاب وراعي نكته بس عندنا واذا جا عند الكبار
يسكت ويحترمهم وحنا ندقه ونقول اخس يالمحترم وهو يرد ويقول كله الا شيبانا ...
اما العنود اسكت بس صغيره وقصيره وبعدين ملقوفه تصدق انها تتضارب معنا
يالاولاد وياكم يوم فلقت راس واحد وانحاشت عاد يالله امسك العنود ..
كانت سبوقه ومسمينها الطلقه... كانت تخطي علينا كلنا الا عبدالله بالعكس
اذا جات عنده حتى ما تركض تسوي نفسها بنت عاقله .. المهم
كبر عبدالله ودخل الامنيه .. وعينه على العنود اللي بالثانويه .. لحظه بقول لك شي
انسى اللي قلت لك عن العنود ... وين الطلقه عن الحين .. انا ماشفتها بس يقولون
صارت واستوت .. عقل وجمال ودلال .. تصدقون حتى مشيتها تغيرت
صارت بطيئه مره.. عبدالله يقولون انه ماكان مقتنع فيها بس يوم شافها
ترقص في عرس اخوه الكبير قبل ثلاث سنين يعني يوم كانت العنود في ثالث متوسط ..
ضيع الولد صار يهذري ولدرجة انه سمع من خواته ان العنود تبي زوجها ضابط
قدم على الامنيه على طول وهو المسكين من يومنا في اولى ابتدائي مزعجنا
ابي اصير دكتور ابي اصير دكتور ... طبعا كل هذا يصير وحنا يا غافل لك الله
اقنعنا الاخ عبدالله ان الامنيه مستقبل مادرينا ان العنود هي المستقبل والجزيره
بعد وكل قنوات العالم عند عبدالله... تخرج عبدالله من الكليه
وينتظر العنود تخلص الثانويه ... بس وصله خبر انها تعبت من يوم رقصت ..
في عرس صديقتها قبل شهرين ... قالوا حسد ويمكن عين.. معاهم حق اذا
ما حسدوا العنود من يحسدون ..
وفي يوم من الايام قبل الظهر بدقايق جات عاليه اخت عبدالله تركض
وتعثر في مشيتها ... عبدالله الحق مادريت..... وش عسى خير ...
العنود انقلوها للتخصصي .. وش هو وش تقولين ... اقول لك العنو...
وماكملت المسكينه وما رضت الدمعه تخليها تنطق حرف الدال
اللي زينه اسم العنود واللي تفتخر هالحروف السته انها كونت اسم احلى البنات..
طلع عبدالله وبقميص النوم ما لقى نفسه الا عند بابها .. يطلب الله اخبارها ..
فتح ناصر اخوها ... ناصر قلي وش فيها العنود ..ما عليك يالعاشق الولهان
مافيها شي بس خبرك دلع البنات ولا يجيهم الا في ثالث ثانوي ...
طيب ليه راحت التخصصي ليه ماوديتوها مسشتفى ثاني انا اعرف الحالات
الخطره تروح هناك ... لا عادي بس الوالد كان هناك يزور مريض مهم وجاه
الاتصال انها اغمى عليها .. وش هو اغمى عليها .. ياخي لا تخاف عادي ..
قال له المريض جبها هنا وشل التلفون على المدير وقال له جهز لها غرفه ..
طيب يالله مشينا .. طيب وانت بتروح كذا عشان احلف ما تاخذ العنود ..
تصدق يا ناصر توني ادري اني بقميص النوم طيب مرني الحين في البيت
بروح ابدل ملابسي ونروح .. يا عبدالله وين في ذا القايله ..
اقول بتمشي ولا اروح بالحالي لعنبو ابليسك هذي اختك .. طيب طيب جايك الحين ..
وصلوا الاثنين التخصصي .. الا الحاله ماهي زي ماقال ناصر البارد حتى ناصر
بدا يدق قلبه .. امه تبكي في الزاويه .. وابوه على الكرسي ماسك راسه ..
والدكاتره ماغير يا سستر بسرعه الاشعه .. ونادي الدكتور جمال خبير الادمغه..
وش السالفه يا عمي .. والله مدري يا عبدالله بس الظاهر يمكن زيادة
اهتمام عشانها موصى عليها ... خير ان شالله ..
شوي الا الدكتور خالد طالع ويقول لهم انا ما ودي اخبي عليكم بس ودوا
هالعجوز بعيد شوي ناصر اخذ امه وقال لها يمه ارتاحي في انتظار الحريم
مطوله السالفه .. وناصر ترن في اذنه كلمات الدكتور خالد ...
انا ما ودي اخبي عليكم .. عليكم ... عليكم... وايدينه ترقل وقلبه يرجف ..
وبعدين وش سالفة خبير الدماغ والاعصاب ..
شوفوا (الدكتور خالد) العاده الحاله هذي ماتجي لصغار السن ..
وانا لو اني دكتور غربي كان احترت في امرها .. بس بنتكم جميله مره ..
وشكلها جاتها عين .. الابو اي والله من قبل شهرين وحنا نطارد ورا هالمشايخ ..
رقى وعزايم ...
العنود جاتها سكته دماغيه ... وش هو وش وششششش سكته عبدالله ماسمع
بعد سكته شي قال انها ماتت واغمى عليه .. ناصر البارد انطلق على الدكتور
ويبي يضربه .. انت مخرف ولا في راسك شي .. امسكه ابوه اذكر الله يا ناصر..
دكتور قلي وش فيها بالضبط.. ما كملها الا الام المسكينه قد سمعت وصوت بكاها
ومهاوشتها مع السسترات .. تبي تدخل غرفة العنايه المركزه..
العنود قومي يالعنود .. قومي يا بنيتي .. سستر خذي هالعزيمه رشي
على وجهها وهي بتقوم .. الدكتور اشر للسستر ان تسمح لها بالدخول وتكون معها..
دخلت ام العنود وشافت بنيتها العنود على السرير كنها عود .. لاحركه ولا همس ..
ماغير هالمكاين اللي صوتها يذكرها بصوت ساعة الراديو لما تجي الساعه حكم ..
وش وش وش حسبي الله عليكم .. وش هالاسلاك اللي حاطينها وش الابر اللي
في ذراعها غارزينها..
بسم الله الرحمن الرحيم اشفي انت الشافي وترش على وجهها ودموعها تختلط
مع قراية الشيخ تستغيث وتصرخ على العنود علها تقوم او تفوق ....
الحاله خطيره( الدكتور ) وهنا قام عبدالله بس انشالله تتعافى منها ...
نوديها( الاب) برا ...لا مايحتاج واصلا النقل خطر عليها .. مالكم الا الدعا
وطلبت الرحمن ..راحت ايام واسابيع .. واتصل ناصر بعبدالله ..تعال هنا بسرعه ..
وصل عبدالله وكانت العنود تتحسن بس لسا غايبه عن الوعي ...
وش فيه يا ناصر حالتها انتكست ( ناصر في الفتره هذي التزم) واللي يسويه ربك
هو الخير كله... عمي ارجوك واطلبك واحب رجلك تكفى ابغا اشوف العنود ..
يا ولدي يوم كانت قويه .. وقام يبكي الشايب.. قويه ةةةة ماسمحت لك تشوفها
انا استغل ضعفها واكشف سترها لا يا ولدي ماترضاها لي ..
طيب زوجني اياها.. كيف ... انت مجنون ازوجك وحده ماهي للدنيا ولا للحياة..
بس هي موافقه وانت سمعتها قبل شهر تقول كذا صح.. ايه صح بس ...
وبسرعه عبدالله فتح نافذة الطابق الثاني وصعد عليها شف يا عمي والله
اللي رفع سبع وطمن (نزل) سبع لو ماتزوجني اياها الحين اني لا احذف نفسي
ويصير اللي يصير.. عبدالله معروف عند كلمته لو على رقبته .. ابشر يا ولدي ..
جب الشيخ .. اغرب زواج في المستشفى .. الزوج ماهو فرحان ..
والبنت ماحنت ايديها .. ولا رقصوا عندها البنات.. ما اختلفوا على المهر
ولا على قصر الافراح.. ما فكرت العروس وين شهر العسل ..
ولا وين بتسكن لوحدها ولا مع اهله... ما خجلت العروس ..ولا حمرت خدودها ...
زوجتك بنتي العنود على مهر ريال واحد قبلت زواج بنتك العنود على المهر
المسمى بيننا مبروك ...
عبدالله يركض على غرفة العنود.. ويقرب منها يطالعها وحوله اهلها ...
الله يا زينك يالعنود.. تدرين يالعنود تراني صرت زوجك .. وانا ضابط بعد يبتسم
ويلتفت على اهلها يبتسمون والدموع تفرض التناقض على لوحة البسمه..
يرجع لها .. تدرين انا قررت اكسر التقليد اللي يقول شهر عسل انا بحطه سنه ..
بنقضيها برا اي مكان تبين .. عرسك بجيب فيه كل اللي تبين .. ثلاث ليالي..
ايه ثلاث ليالي .. عهد على للي خلق هالعيون الناعسه ..انها ثلاث ليالي
عهد على للي رحمني بك يالعنود انك تصيرين اسعد عروس ..
عهد علي للي خلق حبك في قلبي قبل لا يخلق اني اسو .. اسو...ي
( مشكله هالدموع) كل اللي تبين ولو قالوا عني ان صرت خدامك..
يا رب ياللي تعلم بحالي .. انت رجاي واخر امالي
اذا ماكان لها في الحياه نصيب خذ من عمري وعطها ...تبكيني ولا ابكيها ..
تفقدني ولا افقدها.. الصياح والبكا حتى من الزوار اللي من ورا ستار رقيق
اسمعوا احلى ماقيل من قلب رقيق..
ابشركم كنها ابتسمت .. العنود ابتسمت تشوفون .. بس وش ذا.. يا ولدي يا ناصر
رح ناد الدكتور الجهاز حق اختك خرب .. لا لا لا لا لا لا لا صوت ناصر قطع
سكون المكان .. لا تموتين يالعنود.. ( كان صوت توقف قلبها) وكل اللي في الغرفه
جاو لمها بنت تزور ابوها المريض واخو مرافق مع اخوها اللي في غيبوبه..
كلهم استباحوا شوفت العنود .. كلهم حس انها اخته ... لا لا لا تموتي يالعنود..
العنود لعبدالله ................
وفي المقبره اهل الحي مادروا عن العرس واستغربوا ليه عبدالله ينزل في قبرها .
يا ناس تراني تزوجت العنود وهي اهدتني في ليلة عرسي حنا ماهو للحريم ..
حنا للكفوف الرجاجيل .. حنت العنود ايدين عبدالله بطين من قبرها وطيبها له غبار
من تراب قبرها .. اه ليت قبرا ضمك يالعنود ما اخطاني ...
الله يرحمك يالعنود.. الطلقه .. لا اللي مشيتها بطيئه .. تضرب عيال الحاره كلهم ..
الا عبدالله.....................

 

  رد مع اقتباس
قديم 21 / 04 / 2002, 13 : 12 AM   #2
wafei 
مدير عام المنتديات

 


+ رقم العضوية » 1
+ تاريخ التسجيل » 16 / 04 / 2001

+ الجنسْ »

+ الإقآمـہ »

+ مَجموع المشَارگات » 36,621
+ معَدل التقييمْ » 9599
شكراً: 199
تم شكره 42 مرة في 40 مشاركة

wafei غير متواجد حالياً

افتراضي

........

...

ماقصرت بنت باشطح
سلمت يداها


يعطيك العافية سحابة صيف


اختيار موفق


وكلمات جميلة ومعبرة

وذوق رفيع منك



تسلمي



كلك ذوق ....

  رد مع اقتباس
قديم 21 / 04 / 2002, 45 : 03 AM   #3
المحـــــارب 
عضو شرف

 


+ رقم العضوية » 2366
+ تاريخ التسجيل » 03 / 04 / 2002

+ الجنسْ »

+ الإقآمـہ »

+ مَجموع المشَارگات » 2,095
+ معَدل التقييمْ » 10
شكراً: 0
تم شكره 0 مرة في 0 مشاركة

المحـــــارب غير متواجد حالياً

افتراضي قصة رهيبة وأنتي أرهب

[c]قصة رهيبة ، ومؤثرة يا سحابة صيف [/c] [c]إختيارك رائع [/c] [c]وأنتي أروع [/c] [c]الله يعطيك العافية [/c] [c]سجلي إعجاب المحارب [/c]

[c][FL=http://mypage.ayna.com/alshifaa/Moviealmharb.swf] width = 300 height = 190 [/FL][/c]

 

  رد مع اقتباس
قديم 21 / 04 / 2002, 58 : 05 PM   #4
الســــيف 
من مؤسسي الوئام

 


+ رقم العضوية » 319
+ تاريخ التسجيل » 18 / 05 / 2001

+ الجنسْ »

+ الإقآمـہ »

+ مَجموع المشَارگات » 10,702
+ معَدل التقييمْ » 10
شكراً: 0
تم شكره 0 مرة في 0 مشاركة

الســــيف غير متواجد حالياً

افتراضي

[c]سحابه اختيار رائع

من مديره رائعه

مزيد من الاختيارات والمشاركات


ياسحابتنا العزيزهنقره لعرض الصورة في صفحة مستقلة[/c]

 

  رد مع اقتباس
قديم 22 / 04 / 2002, 21 : 02 PM   #5
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

افتراضي

مشكور اخوي الوافي

على مداخلتك والذوق هو ذوق من قرأ القصه واعجبته

تحياتي لك نقره لعرض الصورة في صفحة مستقلة

 

  رد مع اقتباس
قديم 23 / 04 / 2002, 58 : 11 PM   #6
رعبوبـه 
عضو شرف

 


+ رقم العضوية » 1960
+ تاريخ التسجيل » 21 / 01 / 2002

+ الجنسْ »

+ الإقآمـہ »

+ مَجموع المشَارگات » 2,407
+ معَدل التقييمْ » 10
شكراً: 0
تم شكره 0 مرة في 0 مشاركة

رعبوبـه غير متواجد حالياً

سحابة صيف00اختي الكريمه00

أشكر لك حسن الاختيار00

لا مجال للحديث هنا00لندع الدموع تتحدث00


والوداااع اللي بلا رجعه علي أمر وأدهى**والله انه غرغرة سم وسكاكين سنينه



الرعبوووووووووووووب


وهذي الثلاثين دقت باب لحظاتي
طويت الايام واثر العمر يطويني
جيت الثلاثين وازدادت طموحاتي
وتغيرت نظرتي عن كل مافيني
خليت مع كبر سني بعض عاداتي
الا جموح الصبا عيا يخليني
والطفل في داخلي متمرد عاتي
ماهو براضي معي يوصل ثلاثيني
.
.
.
.
راحت ثلاثين واللي راح ماياتي
يالله على الجاي من عمري تقويني

 

  رد مع اقتباس
قديم 24 / 04 / 2002, 13 : 01 PM   #7
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

افتراضي

تسجيل اعجابك اخوي محارب يشرفني

تحياتي لك نقره لعرض الصورة في صفحة مستقلة

 

  رد مع اقتباس
قديم 24 / 04 / 2002, 39 : 01 PM   #8
احساس انسان 
سفير الوئام

 


+ رقم العضوية » 929
+ تاريخ التسجيل » 01 / 09 / 2001

+ الجنسْ »

+ الإقآمـہ »

+ مَجموع المشَارگات » 897
+ معَدل التقييمْ » 10
شكراً: 0
تم شكره 0 مرة في 0 مشاركة

احساس انسان غير متواجد حالياً

افتراضي

الله الله



الاخت صاحبه ابداعات قصصيه



مو ...مو.....مو.....مو.....(علقت الكلمه )


بس



راح تجي


مو....معقول الابداع

لك تحيه على كلماتك وقصتك الجميله

  رد مع اقتباس
قديم 26 / 04 / 2002, 43 : 12 AM   #9
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

افتراضي

اخي العزيز السيف

من يتذوق هذي الكلمات الجميله هو من يشكر

تحياتي لك نقره لعرض الصورة في صفحة مستقلة

 

  رد مع اقتباس
قديم 26 / 04 / 2002, 45 : 12 AM   #10
سحابه صيف 
عضو شرف

 


+ رقم العضوية » 2005
+ تاريخ التسجيل » 31 / 01 / 2002

+ الجنسْ »

+ الإقآمـہ »

+ مَجموع المشَارگات » 2,236
+ معَدل التقييمْ » 10
شكراً: 0
تم شكره 0 مرة في 0 مشاركة

سحابه صيف غير متواجد حالياً

افتراضي

مرحباااااااا اختي رعبوبه

نعم لندع الدموع تتكلم فلقد انفطر قلبي من البكاء نقره لعرض الصورة في صفحة مستقلة

تحياتي لك نقره لعرض الصورة في صفحة مستقلة

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أول يوم عمل لخلف ورحيل وعبدالله عبدالله 12  ||ترفيه وَمسآبقآت 5 06 / 06 / 2012 53 : 05 PM
العنود الناعمه والرقاقه الكنور الالغاز المحلولة 18 24 / 03 / 2003 34 : 04 PM
العنود aymoon24  بوحْ الشعِر والنثر .. 10 26 / 02 / 2003 21 : 11 PM
نوعية اصابه حسين عبدالغني وعبدالله الشيحان الصقر  ||صدى الملآعب .. 8 26 / 10 / 2001 27 : 02 PM
والشمس العنود اللي غابت بوعدها الفنتور  بوحْ الشعِر والنثر .. 0 14 / 09 / 2001 00 : 12 AM


الساعة الآن 38 : 03 PM بتوقيت السعودية


Powered by vBulletin® Copyright ©2000 - 2019, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]