|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
29 / 08 / 2003, 45 : 03 PM | #1 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
بنات شباب الله يخلف !!
اهلين بنات اهلين شباب تراي الموضوع كاتبته يوم الاثنين بس هكيت عليه ولا نزلته الا اليوم <<< مخ مو ملوخية الله يسلمكم طلعت للفيصلية اليوم عشان سببين : اولن / وسط الاسبوع ومافيه زحمة وفيه تخفيضات بالسوق ماعدا السواني ماسوا تخفيض<<< تسوي دعاية ثانين /عشان فيه بعض ناس كانوا واعديني يعلموني كيف اركب كاميرتي على الجهاز بس عطوني ركبه عشان كذا قلت اروح للفيصلية اتهاوش مع اللي شريته منه ليش ماعلمني كيف اركبها (احط حرتي فيه) <<<< تعرف تضارب وتهاوش بس ماتدرون * * * المهم وانا رايحه قلت حلو بوسط الاسبوع مافيه زحمة وانا داخله السوق اناظر واناظر الى العالم متراكبين فوق بعضهم تقل برمضان وبكرا عيد مالت عليهم تقل ماشافوا عيشه...هذا وحنّا بنص الاسبوع اجل الاربعاء والخميس وش يسوون ؟؟ تبون احش الحين باللي شفته والا نصبر بعدين... ؟؟؟ 8 8 8 وجع كل ذي مقدمة اجل بخش بالموضوع على طول بصراحة ياناس شفت عالم من هالبنيّات اشكالهم عجب(لاتستانسون يالرجال) بيجيكم الدور اصبروا شوي جدتي تنادين اشوف معه التمفلية <<<ياقدمهم يتابعون مسلسلات لا تروحون شوي واجيكم * * * جيت تأخرت عليكم ؟؟؟ <<<ياملغتس مير المهم نجي للجد..صراحة اشوف هالبنات اشكال والوان عجايب... تصدقون محد يتغطى الا حنّا... والله اشكالهم عجب عجاب ...منهم وحدة كاشفه و جهها وتحاسب وانا وبنت خالي جنبهم نبي نحاسب وتطير عيونها فينا وبعدين تغطت... الظاهر تحسبنا الابلا حقتهم... خيررررررررر كاشفة للرجال ويوم شفتينا تغطيتي وجعين والا اللي يجون متحجبين واذا شافوا اي احد حطوا طرف الطرحة على الخشم تقل شامين ريحة خياس والا اللي متلثمة وحاطة كحل بعيونه خمس طعش طبقة كحل وعدسات الوانهن تقل الوان الجن(بسم الله علي) وخويته كاشفة وحاطة من هالمكاييج اللي تقل مكياج عرس...وكريم الاساس واضح تقل تغرفه بالمغرفة وتليّص هالخشة من شفتهم وانا رجّعت كل ا كلي وع عليهم وحدة ثانية ماحطت شي بوجهة الله يسلمه ..بس حاطه طرحة خفيفة على خشته (شكله خايفه من اخوها) وخويتها ماحطت الطرحة شايلته على كتوفه (والله ان شعر اخوي اطوّل من شعرها)ومشيها مشي عرابجة ليش تسترجلين ؟؟؟ ربي معطيك نعومة ليش تخربينها ؟؟؟ <<<آآآبوتس يالهرج اييييييييية تذكرت شي... تخبرون ذيك الفصوص اللمّاعية اللي حاطتها نانسي وهي تقول ياسلام وحدة حاطة ثلاث فصوص لماعية مثلها بالجبهة تقل هندية والمكياج مايحتاج...مدري ليش ؟؟ كل ذا عشان تجذبين العيال ؟؟ الله يخلف على اهاليكم... و تقولون ليش الشباب يغازلونكم... بعذرهم ... اللي لابسة جزمة ( وانتم بكرامة ) اطول من المملكة والفيصلية وحاطة شنطة تحت اباطه تقل صامولية... والخشة طالعة...ولا تمشين الا رازتن الجوال بأذنتس وقرق مال ابوه داعي (تصدقون اكتشفت شي...كل اللي يكشفون شيون ويجيبون الصمرقع بس مدري ليش الشباب طايرين بهم) <<<< تحمّست شوي صح :p <<<< هدّي يختي * * * نجيكم يالشباب...(ماأخليكم) انتم ماتشوفون زول حرمة الا تسوون مسابقة من يرقمها قبل... على طول وراها اللي يقول رقمه (اذا كان سبيشل)ينحفظ بسرعة واللي يلفه بورقة ويحطه بشنطتها والا وش الاشكال اللي شفتها... يالله لك الحمد... اصطغفرالله<< كذا تنكتب ؟؟؟ البناطيل الضيقه والبلايز اللي تاكة مصارينة بيطلّع عضلاتة والا مدري ليش ؟؟ الظاهر ملابس اخوه الصغير والا ثيابه حقات العام ... والا الشعر ... هذا قاصن فرنسي واللي قاص قصة جواد العلي .. واللي حايف راسه بموس و تاركن شعرتين قدام والا اللي مسوي شعرة كاريه...مطوله... وجالسين عند محل العناية بالجسم...يبون يصيرون زي توم كروز...بعيدة عليهم يصيرون زيه الضب يبتل ضب لو لبس حرير وغيّر جلده والا اللي اشوفه صدز...هالحركة البايخه..حركة السكسوكة مدري الشكشوكة<<<جوعانة لا تشرهون علي السكسوكة تقبلناه وقلنا قفل حول الفم... طيب والخط اللي طاحوا فيه ماادري وشو...هو لحية والا سكسوكة...والا ودة يربي سكسوكة ولا طلع له الا ها الخط.. وحطوه موضة نصيحة للي مايطلع لهم شعر...(حركة الخط ذي رهيبة) تجيبون كحل من امهاتكم وتحطون الخط وتفتكون وتسايرون الموضة * * * خلاص قرقي كثير... وشكلكم ودكم تصبخون راسي بالجدار سوعال يطرح نفسة كيف هالبنات بيتزوجون...أو من بيخطبهم وهم كذا ؟؟؟ وكيف هالشباب بيتزوجون..او من بيوافق عليهم وهم كذا ؟؟ بس ... اللي يبي ترجمة لا يرده الا لسان مع كي بورده وعلى فكرة اقطعوا الخط ترى الموضوع طويل لأنة يخص البنات والشباب وهو فقط تراه غيض من فيض <<<< نذلة ماقالت اقطعوا الخط الا بالأخير |
|||||||
حَسْبـِي .. أنِّي أُنْثـَى ..
|
||||||||
29 / 08 / 2003, 14 : 04 PM | #2 | ||||||||||||||||||||||||||||||||||
روح الوئام
شكراً: 2
تم شكره 0 مرة في 0 مشاركة
|
Re: بنات شباب الله يخلف !!
ماشاء الله عليك ياردينا .. جزمتي تروحين قسم بالله مابعد دخلت الفصيليه ولا المملكه حتى الآن .. بصراحه ودي اشوفها من الداخل بس إلى هالحين مابعد جزمت :D
يا أردينا .. كل ساقط وله لاقط
والطيور على أشباهها تقع يعني لا تشيلين همهم:D:D |
||||||||||||||||||||||||||||||||||
نعيش العمر والزمن دوّار=ماندري وش المكتوب بصفحتها نمشي ولا ندري وش الاقدار=مير الله يجمّل نهايات بدايتها
|
|||||||||||||||||||||||||||||||||||
29 / 08 / 2003, 39 : 07 PM | #3 | ||||||||||||||||
من مؤسسي الوئام
شكراً: 0
تم شكره 2 مرة في 2 مشاركة
|
Re: بنات شباب الله يخلف !!
:D:D:D:D أول ماقريت السطر الأخير .. قلت بدري بدري توها تقول لكن هجدت يوم إعترفتي إنك نذلة D بالنسبة للموضوع ... كل هالقصة الطويلة عشان سؤالين ؟؟ |1| كان كتبتيهم لحالهم أو قلتيلنا نقطع الخط :p <<<<<< حتى الآن منقهرة لأن أردينا ماقالت إقطعوا الخط من أول :D بس تدرين أغلب هالبنات أو الشباب بيتزوجون من أقاربهم .. وأقاربهم مايدرون عنهم وعلى قولتهم مالك الا ولد عمك .. أو مالك الا بنت عمك البنت ضامنة انها بتتزوج .. ويمكن ماتبي خطيبها .. لذلك آخذه راحتها ومو داري عنها .. مجرد رأي لاأقل ولا أكثر موضوعتس يخرش العقل :p تسلمين والله |
||||||||||||||||
|
|||||||||||||||||
29 / 08 / 2003, 25 : 08 PM | #4 | |||||||
وئامى متألق
شكراً: 0
تم شكره 0 مرة في 0 مشاركة
|
الله يغربل بليسك يا اردونا بصراااحة موضوع مهم ورووعة ترى هو
:D وترى عجبتني كلمتك (((نذلة ماقالت اقطعوا الخط الا بالأخير )))هههههههههههههههههه مع تحياتي لك اردونا وللجميع :D |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شباب الأخضر وشباب الإمارات ومن يخلف التوقعات !؟ | The Dark Prince | ||صدى الملآعب .. | 4 | 02 / 12 / 2010 08 : 03 PM |
الله يخلف على شيابنا | الشاماني | || روائعْ الفنْ التشْكِيلي والفوتوغرافِي | 15 | 17 / 02 / 2009 32 : 09 PM |
يومياات دلووع مع امه .... الله يخلف بس | المتهور | ||ترفيه وَمسآبقآت | 14 | 12 / 11 / 2006 44 : 01 AM |
يا شباب ..ويا بنات معزبة الصداقة تقول اللي يبي توقيع يفتح الله | الباحث عن | ملتقى الأصدقاء | 19 | 23 / 05 / 2003 46 : 03 PM |