تعـــــــــــال.....

..~ تعال ~..


من عز نومي صحيت وشفت في عيني

دمع تهادى على جفني وأنا غافي

سترت دمعي ب كمي قبل يغريني

وأخذت هذا الجسد من باقي لحافي

وسريت تايه ورا خطوات رجليني

لا الوجه وجهي ولا أوصافي هي أوصافي

أمشي وأقول ل طريقي لا توديني

ل عيون ناس تبي تدري عن الخافي

أمانتك.. خلها ما بينك وبيني

خابرك يالدرب خوة عمر وسنافي

ما ودي الناس تدري وش يبكيني

كرامة النفس ورث أبوي و أسلافي

أمشي وأحس الخناجر في شراييني

والبرد يمشي وراي وينهش اطرافي

وحيد والليل بردونه يغطيني

تقول كن البلد روح بها السافي

إلين ما أوحيت لي صوت يناديني

صوت أعرفه مثل ما أجهل وش خلافي

قمت أتلفت و انادي لا تخليني

ما غيره.. الصوت هذا صوته الدافي

ولمحت زوله من أقصى الدرب لافيني

مدري وش اقول لكن حي ها اللافي

تعال.. شف غيبتك كيف أثرت فيني

تعال.. شفني وأنا أغرق عقب مجدافي

تعال.. خذني ورحبي من عناويني

تعبت أعدي على جمرك وأنا حافي

تعال واقطف بصوتك زهرة سنيني

كل المواعيد عقبك شمعها طافي

تعال وازرع خصل شعرك بكفيني

بضمها لين أحس بليلك الظافي

تعال وشفيك خايف؟ أنت ناسيني؟

قطعت صوتي عليك وطال ميقافي

حتى بديت أشعر أن الحب معميني

وان أنت حلم عثى فيني وأنا غافي

لكن أمانة ترى اللي في كافيني

إن رحت منك كذا ما رحت متعافي

بصدق الحلم وأحذر لا تصحيني

في خاطري كلمتين إن قلتها كافي

أمانة الله عليك إن غبت عن عيني

لا يكون قلبك مثل قلب الزمن جافي

مع كل دمعة تذكر رعشة يديني

ومع كل ضحكة تذكر قلبي الوافي


الشاعر فهد المساعد

.

شكرا لك وذوقك المميز

كما عهدناك تتميزين بنقلك

سلم بناك وفكرك.

وصح لسان المساعد

	المشاركة الأصلية كتبت بواسطة خلف الجابري

	. شكرا لك وذوقك المميز كما عهدناك تتميزين بنقلك سلم بناك وفكرك. وصح لسان المساعد

الله يسلمك اخوي خلف اسعدني مروورك

واشكرك على اطراائك

ودمت بخير وصحه

	المشاركة الأصلية كتبت بواسطة دمعة رجا

	أمانة الله عليك إن غبت عن عيني لا يكون قلبك مثل قلب الزمن جافي مع كل دمعة تذكر رعشة يديني ومع كل ضحكة تذكر قلبي الوافي

اااه
صح لساااااااااااااااااااااااااااااان الشاعر
وصح احساسك وذوقك


تسلم يمينك على هالنقل
تقبلي مروري

	المشاركة الأصلية كتبت بواسطة رحـــــــــيل

	اااه صح لساااااااااااااااااااااااااااااان الشاعر وصح احساسك وذوقك تسلم يمينك على هالنقل تقبلي مروري

الله يسلمك ياارحيل شرفتي يالغاليه

وماننحرم من مرووورك

قصيدة لامست الاحساس وعبرت عن الكثير..
اختيار عن ذووووق عالي ومعهووو
صح لسان شاعرها ولاهانت يد نقلتها..
سلمت يمنااك يالغلا ،عوااافي

	المشاركة الأصلية كتبت بواسطة شموع الغربية

	قصيدة لامست الاحساس وعبرت عن الكثير.. اختيار عن ذووووق عالي ومعهووو صح لسان شاعرها ولاهانت يد نقلتها.. سلمت يمنااك يالغلا ،عوااافي

الله يسلمك شموووع والذوق مروورك ياختي

لاحرمنا الله من طلتك الحلوه

وربي يسعد ايااامك يالغلا

صح لسااااااااااااان قايلها

دمووعه
كلك ذووق .. ودمتي بخير

	المشاركة الأصلية كتبت بواسطة ملكة الاحساس

	صح لسااااااااااااان قايلها دمووعه كلك ذووق .. ودمتي بخير

نورتي ملووكه ربي يسعد ايااامك يالغاليه

أمانة الله عليك إن غبت عن عيني

لا يكون قلبك مثل قلب الزمن جافي

مع كل دمعة تذكر رعشة يديني

ومع كل ضحكة تذكر قلبي الوافي


ابدااااع للمساااعد ...

وابدعتي فالاختيااار سلمتي يالغلا