على كيفي باخربط

اكيد جيل النيدو والاندومي والفشفاش واسماء ماعرف بعضها مايفهمون كلامي بس جيل المشق والركوب على الجذامير ودفدفة الكفرات والدنينات بيفهمونها على الطاير لاني واحد منهم
اقول: ابو راشد يوم حنا صغار كان يبيعنا طواقي زري وهالحين صار يبيع كابات وطواقي اللي كنها بستم ددسن واصله لحد اذنيه على شباب هالوقت لانه عرف ان الطواقي هالايام مالها سوق!
• وام راشد الله يذكرها بالخير كانت تبيع الحنا والسدر والجاوني وهالحين صارت تبيع الطرطعان والشروخ لا وتعرف بعد اخر خيوط الموضه ياسلام عليك ياام راشد
• الله يعين مخابي الرجاجيل هالايام من طلبات الحريم اللي تبغى تسافر للخارج واللي تبغى طقم ذهب لفرح فلانه واللي تبغى فستان لفرن علانه آآآآه منكم يالحريم.
• سواق وشغاله وجوال آخر شروط زوجات آخر زمن ياحليل امهاتنا وعجزنا اللي ماعرفوا هالسوالف.
• سفرية وحدة حولته من موظف في المرتبة الرابعة الى مليادير هكذا السفر والا بلاش ! عاشت المواعين وطقوم الصيني اللي عزت الرجاجيل.
• يامن شرى له من حلاله علّه هذه قصة سواق جابوه جيرانا تسبب في ستة حوادث في شهر وصدم بسيارتهم واخرتها سفروه الظاهر ان مكتب الاستقدام مورطهم في سواق شيول.
• ماندري وش نسوي مع هالمراقين جيل النيدو والفشفاش اللي ازعجونا بالتفحيط في الليل والنهار ومغازل عند هالاسواق وترقيم وخرابيط وين ابوانهم جعلهم النزع.
• يقولون ان مايكل شومخار اسرع سائق في العالم وانا اقول ان عندنا ناس مطيورين اسرع منه شوفهم بالدائري والشوارع يكفينا الله هبالهم .
• بصراحة جاء الصيف وفي خاطري اسافر ماعمري سافرت برا كل سفراتي الى الخرخير والعبيلة وشواله ندور الرخص وندور البراد وودي اسافر برا بس المشكله ماعندي قريشات فيه احدن منكم يسلفني لالالالا تدرون بانثبر لالالا ايه وش رايكم اروح البنك؟؟؟؟

حيا الله اخو ي مايهاب

قريتها كلها يوم وصلت اخر شي..
لسالفة السلف مير اغص ..:D

ولو انها خرابيط على قولتك..

لكن الصدق والواقع تلاقيه فيها
يعيطك العافيه ..وحياك الله انت وسواليفك

:D :D ضحكتني خرابيطك هعععع:D