مقاطع قد لا تكتمل!

ابيات قد تشفع لي غيابي ، اتمنى لها القبول لديكم

(1)

يا صاحبي صاحبك ما عاده ايّاه=الحظ ضدّه ، والخلايق ، والايام!
إن جا يسافر ، سافر الحزن ويّاه=وليا بقى بالدار ، زارته الاوهام!
تقدع على ضلوعه ، وقلبه تقهواه=لين أفرغته من الأماني والأحلام!!

(2)

توّك وليل البرد ينفض يدينه..=على يديني ، تنسكب في يديني!
وأمرّرك على الضلوع / المدينه=حتى أحس بدفوتك تحتويني!!

(3)

حضورك اللي مهتني به من العام=لا زلت حتى الآن أقطف ثماره!
لكنّي اخشى من تصاريف الأيام=تعكس مفاهيمه ، وتخلف مساره!!

(4)

يا صاحبي والبرد واقف على الباب=انا هنا بارد ، وخايف ، ومنهك!
أبي الدفا ، واتذكّر وجيه الاصحاب=ما ألقاه حتى اذكر تفاصيل وجهك!!

(5)

حبيبي ماتت وعود الليالي والشتا كذاب=يواعدنا بدفا بكره ، وبكره ما يدفينا!
يعلمنا متى نبكي ، متى نزعل ، متى نرتاب=ولا فكـّر يجي مره يضحكنا ويرضينا!
يسكر باب جمعتنا ، ويفتح للشتات ابواب=يضيّعنا ، ولا نقدر ليا ضعنا نلاقينا!!

(6)

من أول ايّام حبك لين أواخرها=وأنا أتجمّل بصبري ، وآتعزوى به!
احيان يقوى على عيني ويقدرها=واحيان عيني بدمع الحزن غلاّبه!!

(7)

ياللي تقول البرد جمّد عظامك=إفرح ولا تصبح من الجو مستاء!
لو ذقت ما ذقته تغيّر كلامك=برد المشاعر غير عن برد الأجواء!!

(8)

من غيّر إحساسك ، وقسّى خفوقك=وأتعبك ، وألحق حلو هرجك مراره؟!
لا هذي اطباعك ، ولا الشوق شوقك=بقى بك إسمك ، والبقيّه خسسساره!!

(9)

يا غاليه مالي وسرد المعاذير=ما دام قلبك جازمٍ فإبتعادك!
بسكت وآهاتي ورود ومصادير=تعتب على حظي ، وقسوة فؤادك!
واقنع بمقسومي عسى فآخره خير=واشيل قلبي ، وابتعد عن بلادك!!
واذكّرك قبل التعب والمشاوير=ما كل قلبٍ بيترجّى ودادك!
لا بدّ يجي يومٍ عليك المقادير=تقسى ، وتكسر ما بقى من عنادك!!

(10)

شعري واحاسيسي وقلبي ونبضه=" واحبابي الماضين والمقبليني "
هديّةٍ للي عطى بعض بعضه ..=لأهله ، وخلاّ كل كله فإيديني!
دوّرت له بين المعاليق ومضه=ولا لقيت الا الضياء المبيني!!

(11)

احبك قد حبي لك ، ولا عندي لحبك زيّ=ولا أحدٍ منّي يآخذني سواك ، ولا يرجعني!!
أنا لك مثل ما ودّك ، ولا ودي بغيرك ليّ=يا مغنيني عن الدنيا وما فيها ومقنعني!

صح لسانك اخي محمد السبيعي

مقاطع متـنوّعة كل ٍ منها يحمل طابع الإبداع

فلو لم تكتمل فهي كاملة بجمالها

يعطيك العافية وتسلم يمينك ,,,

الغاااالي محمد


صح لسانك وسلم بنانك


مقاطع تقطع القلب


ولكن صدقني لاتشفع لك بغيااااابك



مايشفع لك عندنا



هو حبنا لك


لك مني اخي الحبيب


كل الحب

الله الله الله

صح لسانك على المقاطع

التى استمعت بقراتها

يعطيك العافيه

تقبل مروري

ياللي تقول البـرد جمّـد عظامـك
إفرح ولا تصبح من الجـو مستـاء!
لو ذقت مـا ذقتـه تغيّـر كلامـك
برد المشاعر غير عن برد الأجواء!!

سلمت يداك اخي محمد السبيعي
مقاطع رائعة حتى لو لم تكتمل ولو اني اعتقد انها مكتملة بعطر وجودك

خالص تحياتي لابداعك
اسطورة الخريف

بسم الله الرحمن الرحيم

محمد السبيعي

السلام عليكم ورحمة الله وبركاته


صح الله لســــــــــــــــــــــــــــانك
ابيات رائعه جـــــــــــــــــــــــــــــــــدا

بار ك الله فيك وفي حروووووووووفك


اخوك
حسام الشعر

يا صاحبي صاحبك ما عاده ايّـاه
الحظ ضدّه ،والخلايق ، والايام!

احيان يقوى على عينـي ويقدرهـا
واحيان عيني بدمع الحزن غلاّبه!!

واذكّرك قبل التعـب والمشاويـر
مـا كـل قلـبٍ بيترجّـى ودادك!
لا بدّ يجي يـومٍ عليـك المقاديـر
تقسى ، وتكسر ما بقى من عنادك!!

ابيات تحمل معها اعذب مشاعر

وقسوة الاقدار والفراق ....


محمد السبيعي ذوق رفيع دوما

تقبل مروري

...............

...

من طول الغيبات جاب المقاطع



حيالله السبع


لاتقول مقاطع
ترى كل مقطع عن قصيدة


عودة حميدة وموفقة
من خلال هذه القصائد الرائعه



ابداع عهدناه من محمد



سلمت يداك


كلك ذوق


...

الله الله ياسمي

أبيات رائعه وهي لم تكتمل

كيف لو اكتملت وصارت قصيده؟

صح لسانك.. وسلم بنانك

..

ياللي تقول البـرد جمّـد عظامـك
إفرح ولا تصبح من الجـو مستـاء!
لو ذقت مـا ذقتـه تغيّـر كلامـك
برد المشاعر غير عن برد الأجواء!!

::

الله الله ابدعت محمد السبيعي ..

حتى وان لم تكتمل فهي رائعه من شاعر رائع مثلك ..

..