ابيات استهوتني

][®][^][®][السلام عليكم احبتي .. هذي ابيات شعريه استهوتني قلت اكتبهالكم ياريت تعجبكم زي ما اعجبتني][®][^][®][


عطني وعد ماأشوف أنامنك هجران
واعطيك كل الحب وأعطيك عمري



اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه
يستغرب ان اللي لمسها طعونه



أحدن فعوله بالمراجل تثابيت
واحدن يشابه بالفعايل خواته



المشكله ماهي حكاية كرامه
حنا خسرنا بسبتك ناس غالين



تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي



جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!



مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت



ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!



أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك



لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك



وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه



ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار



ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي



قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !



انا بليت بحبكم من هبالي .
ولا انت ظلن مالنا فيه منزال .
خيرك لغيري والشقا والعنا لي .
والمشكل انا فاهمن كل الاحوال .



أسمحيلي مابقى فيني مكان تطعنينه
وأقبلي من جوف قلبي كل عطفه وأمتنانه



يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا



أحبج مصنوعة من سكر فتاك
قد سمعت بحياتك سكرٍ يذبح؟
أنا كذا أذوقها ليمن نطقها فاك
لذيذة لذة في هالحشا تجرح
كرر أحبج وعدها لي جعلني فداك
كانك تكرمت ياروحي ولو تسمح
وشلون تلعب بطعم السالفة بشفاك؟
تجذب مسامع حبيبك لين مايسرح



ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك



لعنبو قصـة غرام كل ابوها كلمتين
ابتدينا عند احبك وانتهينا عند باي
تونا ما بعد مشينا فالهوى لو خطـوتين
وانتهى الموضوع كله حتى ماأعرف ويش خطاي
انتهى الموضوع هيك بكل سهوله تحكمين
وين احبك؟ويـن اريدك؟وين ساكن في حشاي؟



ياللي زعلت إزعل ولاني بمرضيك
إشرب ماء من البحر إن كنت أراضيك
لا تحسبني عقب صدك بداريك
أبعزي نفسي عنك مدراك مدراك
ياما من سنين وأنا تحمل تغليك
راضي بتعذيبك لأجل قلبٍ أغلاك
خليتني واليوم والله لأخليك
وأدوس قلبي لين يقول خلاك
قبل توريني الحسايف بوريك
لين قالوا فلان هانك ووراك



رح بذكراي وانساني
تعبت أجامل الفرقا وربي جاب حزتها
انا ماجيت لك ضحكـــــه
ولاني بدنيتك محتــــاج..كثر ماترمش عيونك
كثر مااحتاج غيبتــــها

	المشاركة الأصلية كتبت بواسطة بسمةملاك

	عطني وعد ماأشوف أنا منك هجران = واعطيك كل الحب وأعطيك عمري

	المشاركة الأصلية كتبت بواسطة بسمةملاك

	ليه تطعني وانا ميت بليا ؟ = ماكفاك اللي حصللي قبل ساعه ؟ كن بين همومي وبينك حميا = جيتكم واحد وجيتوني جماعه انت منا والمصايب من هنيا = كلكم ضدي ترى ماهي شجاعه !!

	المشاركة الأصلية كتبت بواسطة بسمةملاك

	وكتبت اسمك وطرزته خفوقين وسهم وحروف = وكتمت السر في صدري غرام طالت سنينه وإذا غرك هوى نفسك تصبّر وانتظر وتشوف = من اللي ياصل العليا ومن اللي تقصر يدينه واذا قصدك تهددني تراك اسديت لي معروف = طريقٍ كنت ماحبه وقلت اليوم يازينه دخيلك حل عن دربي ووفر لعبك المكشوف = ترى روحتك عن دربي وربي ماهي بشينه

	المشاركة الأصلية كتبت بواسطة بسمةملاك

	أسمحيلي مابقى فيني مكان تطعنينه = وأقبلي من جوف قلبي كل عطفه وأمتنانه

ابيات رااائعهـ

تسلم يديك .. بسمة ملاك ..
.
.
.

المشكله ماهي حكاية كرامه
حنا خسرنا بسبتك ناس غالين


يعطيك العافية بسمة ملاك

مقاطع أدبية متنوعة وجميلة في مضمونها ,,

تسلم اناملك ,,,

جميلة هي الابيات وجميلٌ هو ذوقك يا بسمة ..
شكراً جزيلاً لك ..

تحيّتي

الف شكر لك اختي سديم على مرورك

صفحتي نورت يوم كتبتي فيها تعليقك

مشكورين

(ابو خالد ) و (محمد السبيعي )

لكم مني اغلى تحيه

,,


ابيات جميله ,, واستهويتينا بذووقك عزيزتي



كل الشكر لكِ



,,

رآآئعـه يابسمـه

بـ رووعـة إنتقـاءكـ العـذبـــ

سلمت يداكـــ

::

السلام عليكم ورحمة الله وبركاته




جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!

رائعة غاليتي بسمة ملاك
أبيات أجمل من أن يعلق عليها