استنكار شديد اللهجة

	المشاركة الأصلية كتبت بواسطة ABO_FAISAL

	هلا بقائدنا المغوار أبوخالد وش رايك نعطيهم مهلة لمدة 24 ساعه والا قمنا بشن غاره عنيفه بطائرات أف 16 مستخدمه فيها الصحون والقدور الطائره التى لاتبقي ولاتذر

من .. القائد المغوار ابو خالد

الى .. القائد الفذ ابو فيصل

الشور شورك يا يبه عطهم مهلة 36 ساعة

يجمعون عفشهم ويغادرون مع باب خرج ولم يعد

حوّل .......

	المشاركة الأصلية كتبت بواسطة عازف الإيقاع

	الله يرج بليسك يابو فيصل وانت نسيت الغاز المسيل للدموع بصل ابو خالد

الله يهديك عازف

لا تكشف الخطط الحربية والعتاد الفتاك .

	المشاركة الأصلية كتبت بواسطة يارا

	انتم ما شين على قولة المثل : خذوهم بالصوت لا يغلبوكم يعني انتم ماعندكم ما عند جدتي طيب على الاقل نزلوا طبخة من ايديكم على نصدق ان عندكم مواهب

أي طبخة وأي خرابيط يارا !!!!

مافيه الا ضرب نار والحرب ما بعد وضعت أوزارها .. تو الناس

ماشاء الله ماشاء الله زاد واحد
قال ايش قال مهله والله حنا اللى تركينكم تتكلمون بس
اقول ياابو فيصل حتى موضوع احلم فيه
وربي لو نحط موضوع لكم يستلزم اسعاف

ملكة الاحساس /

العناد ما راح يفيدك

استسلمي افضلك والله خايف عليك وعلى بزرانك

ابو خالد يقول خربانه خربانه يا اما السجن ولا القبر هههههههههههههههه

شوفي غزاله استسلمت وكمان يارا باقي انتي شوفيلك حل

واذا تبغين فزعه نكلملك ابو خالد يخفف الحكم من اعدام الا سجن مؤبد مع الاشغال الشاقه هههههه

الحين وش عليه ينافخن هالبني!

حتى القطو ما يوطوط على مطبخهن من قل الطبخ حتى ريح زفره مافييييه !!

ان كنتن حريم شقرديات يالله ورونا كل يوم طبخه دسمه واعزمونا مو بس حلا وخرابيط ههههههههههه

وقتها بنترك المطبخ لكن ونقول عزالله ان المطبخ فعلا ما ينفع له الا البنات

مو ذابحينا من الجووووع

.
.
ما بقى الا نبيض من كثر أكل الشكشوكه
ههههههههههههههههه

ياعازف

انا ما استسلمت ولا راح استسلم

اصلا وش استسلم عليه

ارجع واقول ماعندكم الا الكلام وبس

واذا مشرف المنتدى ومدير التطوير معكم ولا فتحوا موضوع

تبينا حنا اللي نفتحه معصي

اقول ملكة تفضلي وخليك من كلامهم

تسجيل حضور فقط

مو يارا تقول الأغر مسالم

ايش الازعاج هذا؟؟؟
هو الوحده ماتقدر تاخذ جلسة قيلولية؟؟

اقول ياابوفيصل انت وابو خالد..
اذا هجمتوا وضربتوا وسلختوا فااشوي اشوي علينا بالله..
لاتعورنا من قوة الضرب..

واذا جيتوا تكسرون الصحون اشوي اشوي علشان جيراننا اهل المنتديات الثانية ماتزعجونهم...


الحين انتم وخشومكم تخاصمون وتصارخون وتقولون افتحولنا وحطولنا وافعلولنا؟؟؟؟

ابوووي انت وياه..
لو بافتحلكم ماتقومون وتلزقون لي من طبخات الجيران..
تطبخون انتم وتلزقونها انتم مثل الاخ الوسيم الهادئ اللطيف الاغر هو وشوربته , فمافي مشكل..
بس تشليح وتصميغ!!
لاااايمتكن اتعبث بمساحات المطبخ ..
افرض ابغى افتح ملحق للقدور وانتم ماخذين مساحة بس تصمغون فيها..؟؟

ان كان بتطبخون الحين اقوم اكمل قيلولتي وبعدها اشوف وين احطلكم شراع تطبخون وسطه..