يعني علاقه بس غير العلاقه

قالوا صديقك وين قلت الصداقه=صارت مصالح تربط فلان بفلان
ماعاد باقي كود رجلن نفاقه=اصبح أله عاده وصار أله عنوان
يازين هرجه يوم تسمع سياقه=كنه شجيع وداخل الصدر بركان
مير البلا ضعيف نفسن وساقه=ماتقطعبه الفرجه بكل ميدان
مايحتمي كلمته مافيه طاقه=ديدنه ضعافه ضعيف وجابان
عايش على الشحده قليلن وفاقه=مع الرجال اللي لهم قدر مع شان
يصاحبك ماهوب لاجل الرفاقه=عشان مصلحته ولو كان ماكان
يعني علاقه بس غير العلاقه=اللي تكون بين ذربين الايمان
اهل الفعول اللي تسابق سباقه=على العلوم الغانمه يابوراكان
وكنه شقيقن يدفعه اشتياقه=على مواجه درع جنبه من أزمان
من طيب راسه مايجي منه عاقه=على رفيقه لويبورون الاخوان
كريم يعشق كل جزله عشاقه=من طيب راسه وارث الطيب للان
اشفق على خوة مثيله شفاقه=لانه رصيد ومكسب ألي ياسلطان

شاعرنا القديرابوشجاع
صح لسانك وسلمت يداك علىاطرح الرائع
الله يعطيك العافيه

صح بدنك اخي سهم القصيد واتشرف بوجود اشادتك

	المشاركة الأصلية كتبت بواسطة ابوشجاع

	قالوا صديقك وين قلت الصداقه=صارت مصالح تربط فلان بفلان

اي والله انك صدقت.

شاعرنا ابو شجاع.وقصيده تتكلم عن الوااقع

ابدعت فيها وصح الله لساانك.

وسلم فكرك ودمت مبدعا


لك تحيه

صح بدنك اخي واستاذي وبصراحه قصيدتك هي اللي دفعتني الى كتابة هالقصيده

واشادتك وسام على صدري

أخي ابو شجاع اسعد الله مساك اشكرك على وصفك لاصحاب الصدقات والعلاقات واصحاب المصالح ولقد شجعتني على ان اكتب هذان البيتان
لو الصداقه تنشري بالف ناقه ـــــــــــــــــــــــــــ شريتها ولا أصادق الا كحيلان
اللي ليا شبت وراحت أحراقه ــــــــــــــــــــــــــــ يفزع معي بالمال وذراع وألسان

...............

...

ابو شجاع

حمد الله عالسلامه

فينك ياااراااقل ؟؟



عودة حميدة وموفقة
من خلال هذه الرائعة والمعبرة



سلمت يداك ابو شجاع


...

فتى الجميزة صح بدنك وايضا صح لسانك واتشرف بوجود اشادتك

الله يسلمك يااخي وافي ولو ظروف الوقت ماغبنا عنكم واتشرف بوجود تعليقك واشادتك

قالوا صديقك وين قلت الصداقـه
صارت مصالح تربط فلان بفلان



الله عليك ابو شجاع

جبت الحقيقة من خلال هذه الأبيات

فعلا لم يعُد هناك صداقة بالمعنى الصحيح

الدنيا هي هي والزمان هو هو لم يتغيّر شيء

ولكن الناس هم الذين تغيروا وأشغلتهم مطامع الدنيا .

صح لسانك يا ابا شجاع

فهذا شعِـر بقلم شاعر متمكن ..

تقبل تحيتي ...