السجن الادبي .....إسجن من ترى ان قلمه يعجبك ,

أحبائي الأعضاء هذا هو السجن الادبي ..ليس كأي سجن ..,, إعتبروه سجنا ثقافيا ..سجن يجبرك على القراءة والمشاركة .. ولا تخرج منه إلا بعد ... إنهاء ما عليك من عقوبة ...,,وهذا بدوره يخولك بإدخال أي عضو أو أي مشرف او مشرفه في السجن ..,, مع العلم أن باستطاعتك العوده مرة ثانيه وتكرار وضع أي من الأعضاء مره أخرى ..,, إذا حالفك الحظ وقام أحد بسجنك ..,,سوف اقوم انا بالبدايه بكتابة مايجول بخاطري او ماينال على اعجابي من بعض الخواطر او الشعر.. ثم اضع أحد الاعضاء ..,,في السجن ولا يخرج منه حتى يقوم بدفع الكفالة التي عليه وهي ( مشاركه ادبيه ) وإذا لم يقم المسجون بدفع الكفاله ..,,يحق للسجان أن يغير العضوو ..,,, و هذا كله من أجل إخراج ما بداخلنا من ابداعات و افكار كانت محجوزة بالداخل...... وليس هُنالك مشكله ان تكون مشاركاتكم منقوله.. المهم انك تشارك وتدفع كفالتك... ملاحظه : من يخرج من السجن ويختار سجن عضو اخر يقوم بإاارسال رسااالة خاصة للعضو ويخبره انه تم سجنه حتى يأتي ويدفع الكفالة.. اتمنى من جميع الاعضاء التفاعل.. فلنبداء... وأنا المسجونة الأولى وهذه كفالتي ...,,,

ياصاحبي الدنيا حكايات وعلوم.. قصص عجيبه تذهل اللي قراها.. الدنيا لو تضحك معك دايم الدوم.. خلك فطين ولايهمك رضاها.. كم واحد تبنى له أمال وحلوم.. يفني وغيره يتهني في بناها.. ياما أفرحت قوم وأحزنت قوم.. وكم أعشقت عين وخانت غلاها.. ياصاحبي شفت أمس شف حالنا اليوم.. دنيا تقلب يكفي الله بلاها.. اليوم لامنه بغت عيني النوم.. تنكدت روحي وعافت كراها.. ماكل من علا بالأصوات مفهوم.. وماكل روح تلتقي في مناها.. وماكل من يشكي معذب ومحروم.. وماكل من يضحك همومه نساها.. بحر الحياه إن صرت ماتعرف العوم.. يرميك في غبه بعيده مداها.. من راح يستسلم من أحزان وهموم.. يموت حي وحاجته ماقضاها.. واجه هبوب الوقت بإيمان وعزوم.. لابد ما‎ ربك يهدي هواها.. وأصبر إذا شمسك حجب نورها غيوم.. الغيم بتفرق ويشرق سناها,,

اممممممممممممممممم
اسجن بعدي اخوي الغالبان واافي
بسرعه لاتتاخر ولا بزود المدة عليك

.............

...

مع انك سجنتيني راح اقول المسامح كريم واثبت موضوعك لأنه يستحق التثبيت



بس قولي لي الرد لازم يكون على نفس القافيه والا اي شيء وخلاص ؟

وهل لعدد الأبيات حد معين او انه يسرد الرد لو مية بيت ؟


مع الشكر لجهودك وتواصلك الجميل


...

	المشاركة الأصلية كتبت بواسطة wafei

	............. ... مع انك سجنتيني راح اقول المسامح كريم واثبت موضوعك لأنه يستحق التثبيت بس قولي لي الرد لازم يكون على نفس القافيه والا اي شيء وخلاص ؟ وهل لعدد الأبيات حد معين او انه يسرد الرد لو مية بيت ؟ مع الشكر لجهودك وتواصلك الجميل ...

مشكور على تثبت الموضوع يعطيك العافيه
لا مافي شيء محدد اللي بخاطرك قوله سوا من بوح قلمك او منقول لامانع
حتى النص غير محدد لو ميه بيت عادي .. بس لما تدفع الكفاله تختار عضو وتسجنه بعدك
وعادي لو اختارك عضو ثاني وسجنك
اسعدني حضورك وتشريفك صفحات الموضوع ....

\\

تيب

من تخاريفي

................

...


بس لاتنهر دموع بعذرها وان كان هلت = بس رح وارتاح فوق ضفافها بين الزوايا

وش تهمك به حياتي ياحياتي عقب ولت = وش تهمك به بعد ضاقت بها وجيه المرايا

وش تهمك به بعد ماروحها عنها تخلت = وش تهمك بعد قدمت الكفن باسم الهدايا

وش تهمك من بعد مالعنة العشاق حلت = وش تهمك بعد ماحللتها بين البرايا

وش تهمك دامها لامرها الطيف اسفهلت = وش تهمك دام رقصك طاب من فوق الندايا

وش تهمك شمس وافي اكسفت والا تجلت = وش تهمك دامني ما قلت لك تبت يدايا !

لا تهمك ! دمعةِ ضاقت وفي صدري تسلت = بين تطهير الذنوب وبين تكفير الخطايا


وبـــــــــــــــــــــــــــــس


...

اسجن المجرمه رحيل

وش تهمك شمس وافي اكسفت والا تجلـتوش تهمك دامني ما قلت لك تبت يدايـا !

لا تهمك ! دمعةِ ضاقت وفي صدري تسلتبين تطهير الذنوب وبين تكفيـر الخطايـا

كم تميز آلنـآإس وآنت" آلآميز"
كم آبدع آلنـآإس وآنت" آلآبدع "
فلك دوام التميز والابداع عنوان ..
اخوي وافي صح لسانك مدد بلا عدد
وسلمت يمينك لاهنت
كم آرتويت من نبع حروفك الصادقه
وبانتظار رحيل تشرفنا بالسجن

غربة مشاعر
فكره خطيرررررره ومو غريبه عليك بجد تستحق التثبيت
ربي يسعدك ويعطيك العافيه

باذن الله نتفاعل مع الموضوع مثل ماتبين وأكثر

	المشاركة الأصلية كتبت بواسطة wafei

	\\ تيب من تخاريفي ................ ... بس لاتنهر دموع بعذرها وان كان هلت = بس رح وارتاح فوق ضفافها بين الزوايا وش تهمك به حياتي ياحياتي عقب ولت = وش تهمك به بعد ضاقت بها وجيه المرايا وش تهمك به بعد ماروحها عنها تخلت = وش تهمك بعد قدمت الكفن باسم الهدايا وش تهمك من بعد مالعنة العشاق حلت = وش تهمك بعد ماحللتها بين البرايا وش تهمك دامها لامرها الطيف اسفهلت = وش تهمك دام رقصك طاب من فوق الندايا وش تهمك شمس وافي اكسفت والا تجلت = وش تهمك دامني ما قلت لك تبت يدايا ! لا تهمك ! دمعةِ ضاقت وفي صدري تسلت = بين تطهير الذنوب وبين تكفير الخطايا وبـــــــــــــــــــــــــــــس ... اسجن المجرمه رحيل

أخوي وافي
أولا //
صح الله لسانك مليووووووووووووووون يا المبدع

ثانيا //
هذي جزاتي جايبه لك الغدا معاي
قلت الرجال مابيطلع من السجن قبل العصر
بس مو مشكله

يجيبك الصيف يامشمش


لي باك بالكفاله

~ كفالتي ~


أنا إنسان مع نفسي قبل لا أكون معك إنسان
لي مبدأ ولي نظرة وتحكمني قناعاتي

أحاسيسي حقيقة ثابتة بالوصل والهجران
أنا طبعي إذا حبيت .. أحب بكل حالاتي

منادي و الندا نابع من الوجدان للوجدان
إذا ما ينطق إحساسي حديثي يشبه سكاتي

غموضي في الهوا تصريح وسره يفضح الكتمان
ونظرات الوله والوجد هي أجمل عباراتي

ولا أجامل بأحاسيسي ولا أقبل في الهوى إحسان
ولا للمصلحه يا سيدي دور بعلاقاتي

ولو ألغي شعوري ما بقى لي صاحب ولا خلاّن
يرافقني على مر الزمن جرحي و دمعاتي

أحب الصدق واعمل به كسبت أو كنت أنا الخسران
ولو صدقي يخسّرني تشرّفني خساراتي

رفيق العمر لو تجفا نبض الحرف والشريان
إذا ما غصت بأعماقي .. متى تفهم معاناتي

على كثر الخطأ غافر ولا اغفر غلطة الخوّان
جزاه الصدّ و الفرقا ولو عاندت رغباتي

ولولا العفو ما اخطينا ولا نحيا بلا غفران
خطايانا دليل إنّا بشر ومنّا الخطا ذاتي

على صدر الزمن بكتب شعوري موعد وعنوان
تعرف الشوق لو فتّشت عن سر إبتساماتي

إذا كان الهوى نعمة بحطّك نعمة الرحمن
وإذا كان الهوى غلطة بحطك كل غلطاتي


الأمير / سعد آل سعود







أسجن بعد .. سومه الأموره .. ( مياسم )

..
الراائعه غربة مشااعر

وفعلا موضوعك يستحق التثبيت

سلمتي ودمتي ولاهنتي..

يامسكينه ياذا البنيه اللي اسمها مياسم

كم لها ناطلينها بالسجن حراام عليكم ذبحها الجوع وهي ماهيب داريه خخخخ

هاتي يدك<<يحاول يسحبها من الشباك


بس البنت دووب وماهي قادره تطلع