خيـّـال الكحيـلـه

كنت ناوي انزل مشاركه بتصميم
بس قلت خلني انزل هذى عسى تعجبكم

تحياتي لكم

يالقوافي يالقوافي افزعي لي بالجزيله
.............واسعفيني لا بغيتج قدميها لي هديّه

وان نظمت أحلى قصيده وافيه ماهي هزيله
.............جزلةٍ ترقا النوايف قلتها عن مقدريّه

شاعره والمعطي الله بكتب بيوتٍ جميله
............. ودي اكتب مير بكتب له كذا والا كذيّه

افتخر بفعال جدي الاصيل من الاصيله
............. والعمام من الخوال وكل منهم له حميّه

بنت قرم ٍ لانخيته يقدح زناد الفتيله
.............في زمان الكون ثاير مايهاب من المنيّه

ولي بعد سبعة اخوان ٍعزنا فخر القبيله
............. اي نعم سبعه ولكن بالفعل عن سبعميّه

ويالله انك عالم ٍبالحال والنفس العليله
............. يا كريم يارحيم ٍ بي ويا جزل العطيّـه

يامفرّج كل همي ما لغيرك اشتكي له
............. وان قصر حظي ومالي زادت الاحزان فيّه

كل يوم ٍ اتعلّم وان لمحت البرق أخيله
............. الفراسه والفطانه مذهبي ماني غبيّه

اتفكّر واتبصّر في أمور أهل الفضيله
............. واتطبّع طبعهم وابعد عن دروب الخطيّه

الشرف تاج ٍ على راسي ولانيب الذليله
............. ماتمكن خايب الأفعال من صيد البنيّه

واحتمي بستار ديني الغطا منهو يزيله
............. وان كثر قول الفسوق أهل الفتن وأهل الرديّه

والله اني شاقني الطاروق والموال أشيله
............. جيت في وسط المحافل مير أذل من الزريّه

جيت شاعر بادع ٍ طرقه وماتلقى بديله
.............المواويل الجميله واللحون السامريّه

من قرا ردي تعجّب ماعرفت المستحيله
............. كاسب الجولات ردي في عيون الأغلبيّه

هذي قصة شاعر الطاروق خيّال الكحيله
............. والعرب فيهم طبيعه جاهليّه جاهليّه

بارك الله ياجماعه بالعميل وبالعميله
............. راحت الايام راحت والمحافل عالميّه

والختام الله يعز الدين والطاغي يزيله
............. والف صلّى الله على المختار هو خير البريّه

جروح الماضي

""


"""""""""


""""
الاخ الفاضل سنا برق
يسلم هالذوق

اختيار موفق وقصيده جميله
الله لايهينك

عليه الصلاه والسلام


سنا برق

اخي الفاضل ونجم الوئام اللامع


متصفح ثقيل جدا بمحتواه


واختيار جزل ومميز وقوووووي


لي عوده لمصافحة التميز ان أذنت لي


ابقى بخير

اخت الجميع رعبووبه

هلا بالغالي السيف

ومن قال مايهون.....حياك ربي

واتمنى اعجبتك

يسلم هالوجه...

تحياتي لك

اخوك

هلا وغلا برائعة الوئام رعبووووبه

ثقل متصفحي يتمثل بحضور امثالك اللي اتشرف بطلتهم

وجزله وعطاه في كلماتك التي ارتسمت على صدر مشاركتي البسيطه

وصاحب البيت مايستأذن.....الممر مفروش بالسجاد الاحمر..


....................

تحياتي لك

وبعدين وش قصة حرف الواو معك كله تسحبين فيه اربعة كيلو ...


اخوك سنا برق

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

يسلموووووووووو سنا بررق

ولا شلت يمينك على النقل

زهرة بنفسج.

بسم الله الرحمن الرحيم
سنا برق
السلام عليكم ورحمة الله وبركاته

الله الله الله


ذوق راقي معهود منك ما شاء الله تبارك الله

قصيده جزله .. معاني جميله جداً

وعيني عليك بارده انت والتصاميم اللي تسويها

لكن سواءً كانت بالتصميم أو بدون تصميم

يسعدنا نشوف ونستمتع بذوقك الراقي

تقديري واحترامي

الحسام

ياهلا والله وغلا برفيقة التصميم والابداع زهرة بنفسج

اتشرف بحضورك محلنا المتواضع لو ادري انك راح تجين هنا
كان مسوي المشاركه بتصميم يعجبكم بس مالنا نصيب
يالله المره الجايه

اشكرك جدا اختي على حضورك العطر هنا

تحياتي لك

هلا وغلا فيك اخوي الحسام

ربي محييك يالغالي ويسلمك

اشكر لك تواجدك الرائع دائما

ويسعدني فعلا رؤيتك تتقهوى عندنا كل مشاركه لي

يسلم لي هالذوق

تحياتي لك

اخي الكريم سناء برق
ذوقك رائع جدا
واختيار بديع
تسلم الانامل ويسلم صاحبها
والله يعدلها
تقبل تحياااتي