المعجزة . . لـ عبدالله بن زويبن الحربي !

سمعت لي كلمةً مدري وش أقصاهــــا =حزت بصدري وانا ماني بهارجهــــا
لوكـــــــــــــــل كلمه الى جتنا تبعناهـــا= بعنا الثمينه بســــعرً ما يخارجهـــــا
لــو مــرت السمع ما كنــا ســمعنــاهـــا =ونقفل الـــراس عنها لايبـــرمجهــــــا
ومــن يــم هــــذا لهـــذا ما نــقــلناهـــــا =والنـاس واجـــد وتلقى من يروجهــــا
ومـن جـابها بيـن خــلـق الله ووداهــــــا =لـو بــه مراجــل ترى نفسه يسـمجهـا
ومن عامل الناس في سابق خطاياهـــــا= يقعد بدارً خــــلا مــا داج دايجــهــا
في كنة ً تشوي الجربوع رمضاهـــــــا= تابس غصون الشجر من حر واهجها
والناس بالحق حكم الشيخ ما أرضاهــا= مــاتـرضي النــاس لــوأنــك تحججها
وياللي تبي الطيبه خذها وعطناهــــــــا= خــل الطريفه طـريه لا تــثــلجــهــــا
وأقضب طريق الاوادم وامش ممشاهـا =اتبـع دروب العرب وانهج مناهجهــا
وأرسم لنفسك أحــــدودً لا تعداهــــــا =من حط نفسه بدرب الضيق يحرجها
وأن كان نفسك هواها قام ينحاهـــــــــا =حط الاعنه بروس الخيل وأسرجهــا
وفـــــكـــر بـمـنـكـافـهـا قـدام مغزاهــا =وأضرب احساباتها وتشوف ناتجهـا
وكـلً بـعـضـده يموح الدلو برشاهـــا =وتلقى كبود الضوامي من يبرهجهـا
وان كـان تـوك عـلى صدرك تهجاهـا =حـنـا تـرانـا نـدرس فـي مـنـاهـجهـا
مــن يــم مــصـبـاحهـا نـبعد معشاهـا =الــى قــعــد راعـي الضلّع يـدرجها
لـوهـي صعـيـبه الى انعاجت عدلناهـا =واللي تجي مستقيمــه ما نعـروجهـا
نــهـتـم فـى وزنـهـا وأبـرام معـنـاهـــا =ومـن الكرســتال والـلـؤلـؤ نـتوجها
مـثــل الـجـواهـر الـى منـــا نظمناهــا =واسلوكها من جديد الزري ننـسجها
مـخــايلً تــرتــدم والصدر منشاهــــا =ان دك بـالبـال هـاجوسً يـهـيجـها
واليا امطرت ضاقت الوديان في ماها =تأخذ الى الحول ما يبست مدالجهـا
وأن صـدت النـاس عــنــا ما تبعناهــا =ما تـقــفي الناس عــنــا وانتولجهــا
وأن جــاتـنـا الطيبه بالطيب زدناهــــا =الـطـيـبـه بالعسل والسمن نـمزجهـا
وأن جــاتـنـا الثانيه نصبر ونرفاهـــــا =يمكن الى فاق راعـيـها يعــالجهــــا
وأن عــادهــا عــودة ً ما عاد ينساهـا =من حربة في صميم الصدر نولجها
مـسـمـومـة يـبـلـش الـدكتور بأدواهــا =مـايـقـنـع الخـبل لـين انه أيلامجهــا

" الشاعر / عبدالله بن زويبن الحربي "

وان كان توك على صدرك تهجاهـا = حنا ترانـا نـدرس فـي مناهجهـا
من يـم مصباحتهـا نبعـد معشاهـا = الى قعـد راعـي الضلـع يدرجهـا
لوهي صعيبه الى انعاجت عدلناهـا = واللي تجي مستقيمه مـا نعروجهـا

فعلا قصيدة اسم على مسمى وقد تكون شاملة
تطرّق الشاعر لعدد من المواقف واشار بشيء من الفخر والإعتزاز بالنفس .

بس البيت هذا ..

من يم مصباحتها نبعد معشاها
أعتقد الصحيح . من يم مصباحها

وأيضا .. الى قعد راعي الضلع يدرجها
اعتقد من المستحسن وضع شدة فوق اللام (الضلّع )

والضلّع هي قطيع من الأغنام لاتساعدها قوايمها على المشي

وفي الأخير صح لسان شاعرها

ويسلم ذوق وافينا البخيل ..

.................

...

هلابك حبيب البي ابو خالد

ملاحظاتك في محلها رغم اني قرأتها قراءة صحيحه دون ملاحظة الأخطاء الاملائية

وتم تعديل الخطأ

مع الشكر للتشريف وللملاحظة


شرفت ابو خالد

ولاابخل من التلميذ الا استاذه



...

وأن جاتنا الطيبه بالطيـب زدناهـا
الطيبه بالعسـل والسمـن نمزجهـا
وأن جاتنا الثانيه نصبـر ونرفاهـا
يمكن الى فـاق راعيهـا يعالجهـا
وأن عادها عودة ً ما عـاد ينساهـا
من حربة في صميم الصدر نولجهـا
مسمومة يبلـش الدكتـور بأدواهـا
مايقنع الخبـل ليـن انـه أيلامجهـا


قصيدة رائعة
صح لسان عبد الله


يسعد صباحك وافينا ..

عزيزي الوافي وفيت وكفيت باختيارك لهذه القصيده الجيده والمفيده وهذا يدل على حسن اختيارك وتميزك في المواضيع الجيده مما يدل على ذوقك الرفيع واشكرك شكراً جزيلاً على هذا الاختيار المتميز فسلم تفكيرك وبارك الله فيك
وبالنسبه للشاعر عبدالله بن زويبن المعمري الحربي فانه شاعر متميز ومن بعض قصايده هذه الأبيات

خلك شمالي عند زلة قرايبك _________ وعلى الحقوق ليا نصنك حجازي
وللضيف والجيران ليّن جوانبك ــــــــــــــــــــــ وباالطيب جاز وباالردى لا تجازي
أحلم على زلة رفيقك وصاحبك ـــــــــــــــــــ أدمح خطاهم لا تصير أنتهازي

وعلى كل حال لك تحياتي وتقديري يا أستاذنا الواااااااااااااااااااااااااافي

قصيده كلها حكم ونصائح مفيدة.

صح لسان الشاعر الكبير عبدالله بن زوبين الحربي
وسلمت أستاذي وافي على حسن الاختيار
دمت بخير وعافية.

..

الشاعر الكبير عبدالله زويبن وغني عن التعريف..

شاعر معنى وحكمه صح لسااانه


وسلمت اخي الواافي على حسن الاختيار.

وهذا يدل على ذووقك الرفيع.


سلم اناملك وسلم فكرك.

ودمت مبدع حتى بختيارك


لك تحيه من الاعماق

صح لسانك ابن زوبين وياليت ياوافي تنقل لنا كثير من قصاده ولك مني جزيل الشكر