ثلاث شهور

13 / 02 / 2006, 33 : 08 AM

ثلاث اشهور واوجاعي تسامرني توالي الليل = ثلاث اشهور واحلامي أبد ما تشبه أحلامي
ذبل في ناظري زولك وزارتني طيوف الويل = وجافتني طواريقي بعد ما خانت أقلامي
توسّدني سهر مدري قهر ولا دموع اتسيل = بس اللي أعرفه جسمي شكا من نفظة اعظامي
ألم يحظن ضلوعي حيل ولا به للألم تبديل = وجع يرقص على انغامي والا يا متعس أنغامي
حسبت الوقت بغيابك إلين إن ظاق فيني الحيل = وانا اللي خابر ٍ نفسي على الظيقات عزّامي
صبور ٍ والصبر فيني أبد ما يرتكي للميل = حزامي يشتكي جنبي .. وجنبي ما شكا احزامي
ثقيل ٍ في مواقيفي أحسْب المتر ميّة ميل = واحكامي أصدّرها بعد ماراجع أحكامي
أعرف إني أنا النايف وانا الشامخ ونجم اسهيل = بس اللي ما عرفته حالتي لا صرت لك ضامي
ضميتك وانقلب وضعي والا يا مصعب التحويل = والا يا مصعب الرغبه ليا جا حكمها اعدامي
ذرفتك دمعة ٍ عجزى وعشتك سجّه وتعليل = ندهتك بالقلم يا هيه كتبتك صوت فالهامي
طويت اليوم بعد اليوم أبلل صفحتي تبليل = واضمّنها أحبك حيل يا أجمل واروع آلامي
ثلاث اشهور يالغالي يكبلني الوله تكبيل = ثلاث اشهور يالغالي وطيفك دوم قدّامي

محمد بن حزام

.

.

13 / 02 / 2006, 41 : 09 AM

ثقيل ٍ في مواقيفي أحسْـب المتـر ميّـة ميـل
واحكامي أصدّرهـا بعـد ماراجـع أحكامـي

الله الله الله

رائعه ياسديم

اختيار موفق كالعاده

يعطيك العافيه

تحيااااتي

13 / 02 / 2006, 43 : 09 AM

بسم الله الرحمن الرحيم

ســـــــــــــديم

السلام عليكم ورحمة الله وبركاته

بيض الله وجهك على جميل اختيارك
قصيده رااااااااااااااااقيه وقصيده مميزه

وذوق عالي معهود منك

بارك الله فيك وفي جهودك

حسام الشعر

13 / 02 / 2006, 09 : 08 PM

اختيار جميل يدل على ذائقة أجمل
تسلمين ويسلم قايلها

13 / 02 / 2006, 22 : 11 PM

الأخت الرائعه ( سديم الإبداع )
الله يعطيك الصحة والعافية على هذه القصيدة الجميلة
ولا نستغرب ذلك ممن عهدناها متذوقه راقيه للشعر ومميزة في الإختيار
لاعدمناك وجعلها تسلم يمناك ياسديم
وصح لسان بن حزام
وتقبلي كل الود والتقدير

14 / 02 / 2006, 14 : 12 AM

السلام عليكم ورحمه الله وبركاته

ما شاء الله ابداع وفن في الاختيار

سلمت يمناك يا سديم وعشتي على هالاختيار

وصح لسان الشاعر

14 / 02 / 2006, 31 : 07 AM

سديم

الله الله الله الله الله

رائعه ولا أروع

اختيار موفق بالحيل ياسديم

تسلم يمينك وبيض الله وجهك

تقبلي تحياتي

14 / 02 / 2006, 06 : 08 AM


	المشاركة الأصلية كتبت بواسطة الليدي عمشا


	ثقيل ٍ في مواقيفي أحسْـب المتـر ميّـة ميـل واحكامي أصدّرهـا بعـد ماراجـع أحكامـي الله الله الله رائعه ياسديم اختيار موفق كالعاده يعطيك العافيه تحيااااتي

هلااا و غلااا .. ليدي عمشا ..

صباحك ورد

الاروع حضورك وتواصلك الدائم

شكراااا من الاعماق

.

.

14 / 02 / 2006, 37 : 08 AM


	المشاركة الأصلية كتبت بواسطة الحسـام


	بسم الله الرحمن الرحيم ســـــــــــــديم السلام عليكم ورحمة الله وبركاته بيض الله وجهك على جميل اختيارك قصيده رااااااااااااااااقيه وقصيده مميزه وذوق عالي معهود منك بارك الله فيك وفي جهودك حسام الشعر

وعليكم السلام ورحمة الله وبركاته

الله يعطيك العافيه .. ابو ابراهيم ..

وشكراااا لحضورك .

.

15 / 02 / 2006, 30 : 08 AM


	المشاركة الأصلية كتبت بواسطة السعيد2


	اختيار جميل يدل على ذائقة أجمل تسلمين ويسلم قايلها

الله يسلمك .. السعيد 2 ..

شكرااا لتواصلك
.

.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زهور الملح	غريب	‏ بوحْ الشعِر والنثر ..	12	24 / 08 / 2007 30 : 08 PM
..:: باقة زهور ::..	سديم	‏ بوحْ الشعِر والنثر ..	9	01 / 03 / 2006 19 : 03 AM
شهور السنه ومعانيها ....	الحلوة	‏ \|\| اوْرآق مُلَوَنة ..	3	15 / 06 / 2003 23 : 09 PM
مات إبن 19 سنه , أرملة ذات 17 ربيعاً , يتيم إبن 4 شهور	Mahsoon	‏ \|\| اوْرآق مُلَوَنة ..	5	25 / 01 / 2002 40 : 07 AM

الذين يشاهدون محتوى الموضوع الآن : 1 ( الأعضاء 0 والزوار 1)