@@ أمر ملكي من خادم الحرمين الشريفين @@ أرجو الدخول ..!؟؟

بسم الله الرحمن الرحيم ..

السلام عليكم ورحمة الله وبركاته ..


السبت3 ذو الحجة 1427 هـ الموافق 23 ديسمبر 2006 م

أعلن معالي وزير البترول والثروة المعدنية المهندس علي بن ابراهيم النعيمي في تصريح لوكالة الانباء السعودية أن

خادم الحرمين الشريفين الملك عبدالله بن عبدالعزيز ال سعود / حفظه الله / قد أمر بأن يبقى سعر البنزين اوكتين 95

على ماهو عليه الان اي /60/ هلله للتر الواحد للمستهلك وان يكون سعر البنزين اوكتين 91 للمستهلك /45 / هلله للتر

الواحد إبتداءً من 11 / 12 / 1427 هـ .
وذكر معاليه أن هذا الأمر الكريم يضاف الى المبادرات العديده لخادم الحرمين الشريفين / حفظه الله / التي تهدف الى

رفاه الشعب السعودي الكريم .


أسأل الله ان يحفظ مليكنا من كل مكروه وان يرزقه البطانه الصالحه..

أدعو للملك .. الله يحفظه ..

المصدر (( واس - وكالة الأنباء السعودية ))

..

والله صراحه خبر مو حلو ابد ..

عشان يزود مع تخفيض البنزين دوران شبابنا الهايت ..!!!

على العموم هي مكرمه من صاحب الكرم والجود .. الملك عبدالله .. الله يخليه لنا ..

ويشكر عليه

بس ليت يأدبون شبابنا اول همن يكرمونهم

..

المشاعر الله يعطيك العافيه ..

..

	والله صراحه خبر مو حلو ابد ..

بصراحة ماتوقعت هالكلام ..

أنا ما أتوقع أي مكرمة تصير مو زينه ..

هذا أولا ..

ثانيا ..

لو بغيتي تروحين للسوق مثلا ..

والسوق بعيد مرة عنك ..

المكرمة الحين نفعتك وبزيادة ..

لأنه الآن أعبي السيارة فل مرتين .. كأني عبيتها فل مرة وحدة بس .. قبل المكرمة الأولى .. مو ذي ..

ألف شكر لك يالغلا .. على مرورك ..

وأرجو أنك ماتزعلين من كلامي ..

وإذا زعلتي ستعد أسحب كلامي ..

مشكورة مرة ثانية ..

ياالاخو << قاعده بحراج الاخت

يالمشاعر يااخوي .. انت شفت باقي كلامي الله يصلحك

شوف انا مستعده اني مااروح السوق << تضحيه

ومستعده مااعيد << كمان تضحيه

ومستعده << اقول تلايطي

شفت يوم كان البنزين غالي كان الشباب مجتمعين بأستراحه وفاكين خلق الله من شرهم

الحين وين يقعدون والبنزين رخيص ..!!

الا والله بينهبلون دوران وتفحيط وغيره وغيراته

الله يصلحك بس ماني زعله ..

خل كلامك بمكانه هذي وجهة نظرك وانا احترمها ..حتى لو كانت تكسر وجهة نظر سموي الكريم

..

خبر رااااااااائع

الله يجزاهـ خير ماقصر أبو متعب

هنيالكم يالشباب

..

خخخخخخخخخخخخخخخخخخ ..

ماتلاحظين إننا حولنا الموضوع لدردشة ..

وهو بالأصل موضوع لـ (( أبو متعب )) ..

خخخخخخخخخخخخخخخخخ ..

كمان مشكورة عالمرور .. << أمش يالسوري ..

ايه والله ماقصر ..

الله يهنيك ويسعدك ..

يسلمو عالمرور ..

.
.




عطــــاء من رجل السخـــــــــــاء



وليــس غريب على صاحب الجود والكرم مثل هذا





نسأل الله الكريم أن يوفقه لكل خير وأن يبـــارك له في عمــره ..


وأن يجعل هذه البلاد بلاد خير وسخـــاء ..





أخي المشــاعر


بارك الله فيك وما قصرت على هذه الخبرية




تحياتي




.
.

أطال الله عمرهـ وحفظه من كل مكروهـ والبسه رداء الصحه والعافيه


الف شكر المشاعر

اللهم آمين ..

أخوي مخاوي ..

ألف شكر لك على مرورك ياغالي ..

وبإنتظار طلاتك ..