يا من خبر قلبٍ بلا هم للبيع ؟؟!!

يامن خبر قلبٍ بلا هم للبيع=وأعطيه قلبٍ بأرخص السعر ينباع
وكيل همٍ معتمد فيه توزيع=تلقابه التوزيع جملة وقطاع
تلفي عليه أفراد وألا مجاميع=هم يتشكلّه على كل الأنواع
والحزن زاد ومزع الصبر تمزيع=خلا ستار الصبر بسيوفه أمزاع
جيت أقنعه وأرسلت يمّه مفازيع=لكن عيّا ماهو بفيد الإقناع
ياحزن مالك من ورايه منافيع=أجرمت في قلبٍ من الحب ملتاع
القى عليه القبض عذب الينابيع =ورمتبه الفرقى وراء سور منّاع
وحكمك صدر تعزير رغم الشوافيع=ونفذت حكمك بين جمهور الأضلاع
جمهور من هوله قلوبه مواجيع=كلٍ يدينه فوق رأسه و مرتاع
كلٍ يقول العفو يا متهمه طيع=لكن عيا قاسي القلب ماطاع
وقطّعت مني ثومة القلب تقطيع=لين انتثر دم السعادة على القاع
حتى القلم حزن وهل المداميع=وأمطر على بيض الورق زرق الأدماع
يمشي مع اللي يوصف الدرب ويتيع=ولا لا ظلام الحزن يمشي ولا تاع
والصدر شيع جثة القلب تشييع=لين دفنه في حفرة اليأس منصاع
وعلى صحيفة وجهي أبدأ المواضيع=باللي حصل للقلب من ظلم وأوجاع
لو الحجر يقرأ الخبر يمكن يميع=وشلون قلبك وأنته إنسان ما ماع
يامن بتفكيري مسوي مشاريع=ما للجفاء ياقاطع الوصل من داع
يولع فتيل الشوق طاريك توليع=يطفيه نسيانك وطاريك ميلاع
طاريك يغرس وسط قلبي مشاليع=لا لا الضلوع المحكمة يقلع إقلاع
وتقف الحروف المقبلة عالي الريع=مافيه مطلاعٍ ولا فيه مرجاع
وإن يسر الله تمتمه مع تقاطيع=تسبح مع الدمعه بمجداف وشراع
وإن جفت تطير الطيور المواقيع=تلقى على قلوب المحبين ميقاع
هذا تلامس فيه الأحساس ويضيع=وهذا تساوى له على الجرح مرقاع
واللي خبر قلبٍ بلا هم للبيع=أعطيه قلبٍ بأرخص السعر ينباع

ماشاء الله تبارك الله
يامساء الشاعريه الفذه والابداع المعهود
قصيده جزله من جزالة صاحبها ،،
من مطلعها لنهايتها قمة الروعه
قوة حبك وسبك،،الفاظ سهله راقيه
حوت مواطن للجمال فيها الكثير والكثير من المحسنات البديعيه والبيانيه.
ولو تتبعناها لضاق المقام لطول جمال المقال
حتى القلـم حـزن وهـل المداميـع****وأمطر على بيض الورق زرق الأدماع
يمشي مع اللي يوصف الدرب ويتيـع****ولا لا ظلام الحزن يمشـي ولا تـاع
والصدر شيـع جثـة القلـب تشييـع****لين دفنه في حفرة اليـأس منصـاع
وعلى صحيفة وجهي أبدأ المواضيـع****باللي حصل للقلب من ظلـم وأوجـاع
لو الحجر يقرأ الخبـر يمكـن يميـع*****وشلون قلبك وأنته إنسان مـا مـاع
رهيب الاسقاط الموجود بالبيت الاول،

جميل ماكتبت هنا بحروف ذهبية،
أضائت صفحات الشعر،واطربت مسامعنا برائعتك
اخي صح لسانك مدد بلا عدد وبيض الله وجهك
الى الامام دائما ،ودمت مبدعا كما عهدناك
بانتظااااار ابداعك دائما

..............

...

ياسلاااام عليك ياعبدالمحسن

قصيدة رااائعة ومعبرة
متميزة سبك وحبك ومضمون

ابداع وربي



يااخي متى بتطرح الديوان
؟؟


...

الاخ عبدالمحسن

صح لسانك وعلا شانك


قصيدة جزلة من جزل


لاحرمنا تميزك وابداعك


تقبل تحياتي

عبد المحسن
اشهد بالله انك مبدع
وشاعر جزل
صح الله لسانك
وبيض الله وجهك على هاالابداع
ويسلم قلبك من الهمووم
تقبل مروري ,,,

شاعرنا القدير والراائع

عبدالمحسن الحربي

صح بوحك وصح لسانك

ولا هنت على الإبداع المتلاطم

والمتناثر مثل الدرر فوق هذا المتصفح

سجل إعجابي وتقديري لشخصك الكريم


دمت بحب ووئام

عبد المحسن الحربي

مبدع


مبدع


مبدع




وشاعر متمكن يجييد الغرايب والعجايب والحكم

ليه لا وها النص امامنا يشهد بذالك

دمت مبدع اخوي وصح الله لسانك

وسجل اعجااابي

وتحياااتي لك

.
.
.

عبدالمحسن الحربي

ونفس طويل وابداع طويل النفس

لايجيده الا الكبار امثالك

ولاجديد والابداع مستمر

الشاعر الكبير الموهوب الفذ عبد الحسن الحربي
شاعريتك اكبر من حروفي ومااكتب صح السانك
وبيض الله وجهك تعجزكلماتي بحق عن وصف ماكتبت
ماشالله تبارك الله الله لايضرك سعادتي يامبدع مباكتبت
وعجابي الشديد ولك مني كل الود

ماعليش اخوي عبد المحسن ودي بقصيده
باسرع وقت ولك الشكر