ياربي رحمتـك لا هلـوا علـي التـراب // واصبحت مالي من الوحشة مفر ومطيـر

//

\\

يا خالق الخلق يا محصى الخطا والصواب = تعالت اسماك مالك في صفاتك خشير
يا محيي الارض بامرك من حمول السحاب = ياعالم بالحياة وما يؤول المصير
يا جامع الناس في يوم الحشر و الحساب = مافيه فرقٍ هذا تاجر وهذا فقير
كل الخلايق سوا الا بحمل الكتاب = لا شخصت ابصارهم يوم النهار العسير
احدٍ كتابه فتح له صوب جنتك باب = واحدٍ هوى به كتابه للسخط والسعير
ياربي رحمتك لا هلوا علي التراب = واصبحت مالي من الوحشة مفر ومطير
ياربي رحمتك لا هلوا علي التراب = واصبحت مالي من الوحشة مفر ومطير
وقفوا ولدموعهم فوق الخدود انسكاب = واسمع قريع احذيتهم في الوداع الاخير
ودخلت في عالم البرزخ و طال الغياب = وفارقت كل الحبايب والاهل والعشير
وجووني ملايكتك اللي للعمل والعذاب = واستسلمت نفسي لمنكر وجاني نكير
في موقف للسؤال يزيد ثقل الجواب = الا برحمتك ياللي بالخفايا خبير
يارب حملت نفسي بالشقا والعتاب = ومديت حبل الخطا لأبليس واصبحت اسير
وطاوعتها في متاهات الوهم والسراب = لين اشبكتها الخطايا شبك والنفس طير
أزل واقول انا توي بسن الشباب = واليا نصحني محب اقول توي صغير
ما كنت حاسب لوقتي والليالي حساب = ولا كنت افكر وش اللي في زماني يصير
الا بعد ما انتصفت العمر والراس شاب = وفقدت من ربعي الاثنين جمعٍ غفير
عرفت بأن الحياة مصارعة واكتئاب = واني مودع ولا لي غير ربي نصير
ومن لا تزهب من التقوى ليومه زهاب = لا مات وش حجته يوم النهار الكبير
ومن لا تزهب من التقوى ليومه زهاب = لا مات وش حجته يوم النهار الكبير
في الموقف اللي مافيه مجادلة وانسحاب = من هولها كالنهر يشيب في راس الغرير

//

تركي الميزاني

.
.
.

سلمت يدااااااك سديم


اختيار اكثر من راااائع


رحمني الله واياك وجميع المسلمين

مؤثره جدااااااااااااا

تقبلي تحياااااااتي

يعطيك العافية سديم

قصيدة فيها مناجاة مع الخالق ,,

اختيار موفق ,,,

الاخت الكريمه سديم منقول رائع صح السانك ولسان الشاعر
تركي الميزاني مناجاة صادقه ليس فيها للتصور اية مجال
تلك حقائق علميه ابدع الشاعر في ربط احداثها وهذا مايدل
على ثقافة الشاعر وسعة اطلاعه
وفي ذلك اليوم تنزل الشمس على رؤس الخلائق بقدر ميل
وهم ينتظرون الحساب ليس هناك الا جنًة اونار ذلك اليوم
كالف سنه ( وان يوما عند ربك كالف سنه مماتعدون )
ومع حرارة اشمس وتصبب العرق هناك سبعه يظلهم الله يوم
لاظل الا ظله وردت صفاتهم بالحديث الشريف جعلنا الله وايكم
منهم وانه ليوم عصيب يا سديم مشاركه مهمه بارك الله فيك
وتقبلي تحياتي اخوك د ساري الريض

ومن لا تزهب من التقوى ليومه زهـاب
لا مات وش حجته يوم النهـار الكبيـر

الله يرحمنا برحمته

بيّض الله وجهك ياسديم
اختيار رائع

يعطيك العافيه

ابو رهف / ابو خالد / د . ساري / طارق

شكرااا لمروركم

الله ريحمنا برحمته

.
.
.

إنتـقـاء راااقـي

لــ شااعر مبـدع متمكن وراائـع

صح لسـان الميزااني

ويسلـم لنــا ذوووق سديـموووووف

::

::

صح لسانك ولسان قايلها ..

ومشكوره على الموضوع ..

::

شااعر كبير ومو غريب عليه هالإبدااع...

قصيدة أول مره أسمعها لكنها جميلة جداً وأعجبتني كثيراً...

يعطيك العاافية سديموفتش...

المتهور / دمع الغزال / برنس

شكرااا للمتابعه

الله يعطيكم العافيه
.
.
.