المعذره ياوافي تاخرت بالرد عليك

بسم الله الرحمن الرحيم
وافي اخي وحبيب قلبي اعذرني على التاخر
صدقني كانت لظروف خاصه مع العلم ان القصيده جاهزه من كم يوم بس الضروف ماسمحت بنشرها
والله يرد حبيب قلبك عليك

هذي قصيدة وافي[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

الارض ضـاقـت والـسـمــاء واظـلــم الـكــون = وحـن الـرعـد فـي قـلــب ســود الـمـخـايــل
غـيــم وسـحــاب وعــج وريـــاح ومـــزون = وعـمـر احـتـرق بـيــن احـتــراق الرسايل
ونـزفــت مـمـاكــان بـالـقـلــب مـكـنــون = مـن غـيـر نـزف الـلـي عـلـى الـخـد سـايــل
نــزف الـغــروب وغـربــة الــروح وشـجــون = وصــدى يــذوب بـعـمــق صــدر الـغــلايــل
وحـزن الـنـخـيـل آفـاق بـالـصـمـت مـدفــون = وعـطـر الـجـروح اشـعـل جـحـيـم الـفـتـايــل
لـيـلٍ غـدى فـيـه الـقـمــر تـقــل عـرجــون = وبـانـفـاسـه احــرق كــل زهــر الـخـمـايــل
غـفـيـت بـيــن الـدمــع وآهــات مـطـعــون =وســرت بــي افـكــاري مــع ام الـهــوايــل
افـقـت وان الـطــرف بـالـحــرف مـسـجــون =مــازل عـنــه وعــنــه مــاهــو بــزايــل
مـعــذور مــادام الـعـمــر فـيــه مـرهــون =خـلــوه يــروى مـنــه حـــد الـثـمــايــل
لـيـتـه عـلــى اوجــز ولاعـشــت مـحــزون =مــادام مـالــي غـيــر حـزنــي حـصــايــل
شـكـواي لـلــه ثــم مــن يـجــزل الـعــون =لابــو سـعــود الـشـهــم واف الـخـصــايــل
يـاكـثــر مــن حـولــي ولاقـلــت تـكـفــون =ولاهــو قـصــورٍ فــي عـيــال الـحـمـايــل
الـكــل لــه شـيـمــة وقـيـمــة وقــانــون =وخـصـيـت مـن لـه بـالـهــوى بــاع طـايــل
يـابـو سـعـود الـوضــع مـايـقـبــل الـهــون =الـوضــع يـبـغــى مـنــك شــد الـرحـايــل
اخـذ لـعـصـا مـوسـى وانـا آخـذ .. الله يـلـعـنـه =وشـطـارتــك بـالـطــيــب والاالـمـحــايــل
ولايـنـتـوصــى مـثـلــك يـعــرف وشـلــون =ولايـنـتـوصــى مـــن يــعــرف الــدلايــل
وعـجــل تـراهــا الـحــال مــن دون فــي دون = الـحـق عـلـيـهــا يـاخـفـيــف الـشـمـايــل
والـعـذر لـك وايـضـا لـمــن لــي يـلـومــون =فــي بـيــع روحــي دون بــنــت الاصــايــل
والله يـالــو مــاشــاف وافـــي تـشــوفــون =لـتـخـايـلــون الـنـجــم نـصــف الـقـوايــل
ووالله لــو قـلـتــم ومـهــمــا تـقــولــون=اسـمــع وقـلـبــي مـاسـمــع قــول قـايــل
يـانــاس مـابــالارض مـخـلــوق مــزيــون =بـالـحـضــر والـمـتـحـضــرة والـقـبــايــل
الا الـحـبـيـب الـلـي حـجـاجـه كـمـا الـنــون =يــاوي نــون الـلــي فـعــل هـالـفـعــايــل
ان جـيـت انـاظـر غـيـرهــا مـالــي عـيــون=وبـعـض الـعـمـى يـنـعـد ضـمـن الـفـضـايـل
خـفـيــف دم ولـلــدلــع عــنــده فــنــون =ومـعـدوم دمــه فــي جـمـيــع الـفـصـايــل
مـمـنـون يـاخـلـي مـن الـقـلــب مـمـنــون =مـمـنــون يـــاراع الــوفــا والـجـمــايــل
عـطـر الـحـيـاة وطـعـمـهـا وانـتــه الـلــون =ولاظــل لــي يـاغــيــر ظـــل الـجــدايــل
ولاهـمـنـي لــو قـالــوا الـنــاس مـجـنــون =واغـلـى الـجـنـان اهـديـه لاغـلـى الـحـلايــل
وبـاسـمـي وبـاسـمـك سـطـر الـحـرف مـوزون =ولابــد مـانـسـعــى بـبـعــض الـوســائــل
ولابـو سـعــود اسـنــدت وارفـقــت مـلـيــون =شـكــراً وعــذراً عــن قـصــور الـمـثـايــل
الـصـدر ضـاق وضـاق مـن ضـيـقــه الـكــون =والـخـاتــمــة لاعـــدت يـــارااع حــايـــل


[/poet]

وهذا هو الرد

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياحظ ناسٍ لاظلم الليل يمسون= لاظلم عليهم ليلهم جت سهايل
ماشافو اللي مثلنا ماينامون =باسباب همٍ بين الاضلاع جايل
بس اتأمل فالملا وش يسوون = وقامت عيوني للمخايل تخايل
ثم شفت لي مزنٍ له اطراف وركون = وبرقٍ على يثرب غداله شعايل
وهلت هماليل المزن هم وغبون= وسيل الحزن درج شعيب ومسايل
وجا للقلم صرخة هواجيس وضنون= ومات الرجا واليأس جاله بدايل
وجا للمعاني ذوق للي بيقرون = وجات الرسايل بالحمول الثقايل
يامرحبا مليون وبليس ملعون = بالشاعر اللي طل فوق البتايل
اللي له اهل اعرف بالعرف يثنون= وقوله مكمل مايبيله كمايل
نطقه عدل ماهو من اللي يلوون = بيت القصيدوقولهم دوم مايل
يلبس ثياب العرف والناس يدرون= يوم ان غيره يلبسون السمايل
وافي على اسمه والعرب مايغرون= اهل الوفا واهل العلوم السفايل
يشكي علي اهات وجروح وحزون= وهموم قلبه وسط جوفه تشايل
ورمح الهوى للناس بالسم مسنون= شيٍ مجرب فالعصور الاوايل
وقبلك رجالٍ من هوى البيض يشكون= ياما شكو هم الهوى والنكايل
الخس قبلك صاح يشكي لبن عون = يقول خله عاملٍ به عمايل
ومات الدجيما لجلهن وابن لعبون=ومجنون ليلى مات والوضع هايل
لكن حاسب لا تعجل على هون = ترى ضحايا الحب ماهم قلايل
وكان انت في حب العماهيج مفتون = ودموع عينك فوق خدك همايل
خلك مع اهل الحب والرزق مضمون= واصبر على الدنيا وحر الملايل
وانا مالومك يابعد كل دندون= في حب بنتٍ حبها منك نايل
بنت الرجال اللي لها عرض مصيون= كريمةٍ عزيزةٍ من عوايل
ماراسلت بالنت ناسٍ يلحون = ولا كشخت بالجنز طقم الفنايل
ولا طبت المرقص مع اللي يغنون= ولا هزت الوركين لهل الرذايل
ولا داعبة مايكل ولا داعبة جون=ولا تنخدع لهل الحيل والختايل
وماعاكست معشوقها بالتلفون= عفيفةٍ تسلك طريق الفضايل
ولو قلت منهي كان هالحين يمشون =ربعي مروية السيوف الصقايل
واكلف رجالٍ لخلك يجيبون =اما من الظهران والا محايل
لازم يجيبونه قبل لا يردون =بالجاه والا تحت حد السلايل
ربعي عتيبه فالقا مايولون=وافعولهم تعرف نهار الصمايل
لاسمعو اللي ينتخي مايقفون= ولجله يخلون القبايل سحايل
ذباحة الحايل وفالحرب يشفون=لطامةٍ للي من الناس عايل
وفي مامضا يوم المخاليق يردون = نشرب قراح ولا نذوق الحثايل
والقاف تم وعذرنا فيه مقرون =والقول مكسب فيه دق وجلا يل


[/poet]

ووووافي ووووووووافي يابو سعووود
بردك على قصيدة وافي
صح لساااانك يارائع عز الله انك قلت واجزلت
قدها وقدود
قول وفعل ياشاعرنا العملالالالاق

تحياتي
اخوك السيف

كمال وجمال يابو سعود


وش ابا أقول غير صح لسانك ولسانه 0

الله يعطيك العافيه 0

/////////////// ذيب حوما //////////////

صح لسانك .. ابو سعود
كفيت و وفيت

بسم الله الرحمن الرحيم

ابو سعود


صح الله السانك ملايين

رد رائع .. ورد كافي ووافي

وفيت وكفيت ..

وبيض الله وجهك ..

والمعذره على التأخير

في الرد ..

كل التقدير

اخــــوك

الحسام

الشاعر الأديب الذيب

أبو سعود

أنت ملهم

أقولها والرزق على اللي فالسما ....


صح لسانك

ولا فض فوك ... ولا هنت على هالرد العالي القدر يا عملاق الشعر ..


تسلم

وتقبل تحياتي الساخنه .

والسلام عليك

أخوك المنسدح العاشر

.........

...


المعذرة يابو سعود
انا اللي تاخرت بالرد عليك
لكن والله ظروف ياصاحبي

وبيض الله وجهك ووجوه عتيبة كلهم

كفيت ووفيت يالذيب
وتوبه ياشيخ من المزح مع الكبااار

الف شكر يابو سعود



كلك ذوق ...

هلالالالالالالالالالا وغلالالالالالالالالالالالالا
ارحب يالسيف
صح بدنك يامبدع انت
شكرا لك على المجامله
اخوك ابو سعود

ذيب حوما صح بدنك
شكرا لك على مرورك وتعليقك
الله يعطيك العافيه

هلا وغلا / ابــوســــــــعود ...

صح لسانك وكفيت ووفيت ياذيب عتية . قصيدة ولا اجمل والاروع منها

لا ينضمها إلا شاعر سطر في سجلات تاريخ الشعر اسمه ..

رد جميل على قصيدة اجمل ابدع وافينا في طرحها ,اسنادها غلى من هو اقدر بالرد عليها ..

لا املك ألا التصفيق والاعجاب بالشاعرين الرائعين ..

تسلم اخوي ابو سعود امتعتنا بهذه المنضومة الجميلة ..

تقبل تحياتي ..

أخوك / نديم الماضي