معاتبة وقت

امسيت اسامر والشعر كان منهال=اخذت احادث ليل في زهوة نجوم
قمت اتذكر اوصف الحال باحوال=واذكر رفيق(ن) بالرفق كان موهوم
تدري صديقك بالرخا عز رجال=لانْك سمعته تسمع علوم وعلوم
ياخذ ويعطي ميزة الهرج منوال=له في مسار الزيف اسهام محكوم
وقت اللزم تلقاه يذورق بالاقوال=يبدي كلامه يوصف الحال بهموم
الضيم يشكي به من المر اهوال=سبّاق عذر من الوفا خالي(ن) دوم
راعي رفاقه مابها صدق افعال=طيب المواقف مالها عنده سلوم
ضايع طريقه بالوفا ماله وصال=نهجه علو الذات بالذات مغروم
مايدري ان الطيب للنفس مقيال=تهنابه النظره وترقابه عزوم
الصدق حاكم والمعاني له سجال=يدري بها الي بالوفا كان ملزوم
الي نهج درباً بها الربح مكيال=ربح االنقا ورده من الطيب مقسوم
تدري لدرب الزيف ماني بميال=ماعيش في جو(ن) به الصدق معدوم
جو(ن) تردا و الردا فيه خيال=يامر وينهي والخطا فيه محشوم
مدري الزمن صار الخطا فيه مقبال=كلاً يبيحه بالسهلْ صار محكوم
لاعاد به وزعه ولاحق ينقال=ينصف هقاوي نبضهااحساس مهزوم
العدل حاير والرجا فيه مانال=الآضعيف الصوت من ورد محروم
الي يعيش الصدق للخير أمّال=يوصل جسورالودبالعز مرسوم
ماقلل الطيّْب ولا ألغي ارجال=تمشي طريق الحق في صيتها قروم
اهل الوفا نالو من الصيت امثال=للحق عز رجال مايعانق اللوم
ماهم سواة الي من اشدادها مال=ماينجبر ميله ولايرتفع يوم
اخصبه قافي ولا اعم به حال=فيه اتضح امر(ن)به الحق معدوم

طلال سويعد

.
.
.

تصف واقع !!

رائعه ومعبره

وذائقه أروع

سلمتي ملكه

..............

...

اختيار موفق لكلمات رائعة ومعبرة


ابدع الشاعر
واحسنتِ الاختيار


شكراً لذوقك الرفيع


كلك ذوق


...

سلمت ملووكه وسلمت انااااملك على هذا النقل المميز

مشكووره وربي يعطيك العااافيه

قصيده تحكي الواقع

اعجبتني كلها صح لسان شاعرها.


واشكرك ملكة الاحساس على حسن اختيارها وهذا ماتعودنا عليه من ملكتنا,

وهذا يدل على ذووقك الراقي .

عشتي وعاش تميزك

ودمتي بخير

اختيار جميل ينم عن ذوق يا ملوووووكه

كلمات تترجم بعض المواقف الحقيقية

تسلم اناملك ملوكه ...