للموجووووودين والفاااضين بس.. غيرهم يمتنع

السلام عليكم ورحمة الله وبركاته

انا ورب البيـت لـو يخذلونـك = مهما حصل لايمكن انـي اخليـك
اترك كـلام النـاس لايوهمونـك = واسمع كلام اللي يعـزك ويغليـك
ياصاحبـي بالله فتـح عيـونـك = اصحى قبل شمس الحقيقه تصحيك
راجع حساباتك بلحظـة سكونـك = وخذها نصيحه جعل ربي يعافيـك
تفهمك ناس ونـاس مايفهمونـك = وتتبع لناس وناس تتبع خطاويـك
نـاسٍ تفكـر همهـم يسعدونـك = وناسٍ تفكر كيـف تقـدر تبكيـك
لاتشتري من حاولوا يخسرونـك = ولاتخسر اللي فكر بـيوم يشريك
مافيه اجمل من صديـقٍ يصونـك = ولافيه اقسى من قريـبٍ يعاديـك
اكبر خطا نسيان مـن يذكرونـك = اعظم وفا ذكرى لشخص متناسيك
اكبر عناد تخون شخصٍ يخونـك = اجمل امـل حـبٍ جديـد يناديـك
اصعب سؤال اللي تجيبه ظنونـك = اكبر غباء انـك تغيـر مباديـك
اكبر قهر لاصـار نـاسٍ يبونـك = وانته تبيهم بس حظك لعب فيـك
اتعس حياه تعيش والحزن لونـك = لاصرت عم وصار حزنك بناخيك

وجعلكم سالمين

عااااااااااااااااااااااااااااااازف النااااااااي

جعل ربي يصووووونك

اختياااار ولا اروووع

وقصيدة تكتب بماااء الذهب

كم كنت بحااااجة الى بقيتها وجبتها

وصلني منها كم بيت على شكل مسج

وبحثت عنها فلم اجدها

ولكن وجدتها هنا

عند بيطار القوااافي

وكنز الادب

عااااازف الناااااي

سلمت يداااااك اخي الحبيب

لك مني استااااذي

كل الحب

أخوي وبعد قلبي ( أبو رهف )
أسعدالله أيامك ولياليك بالأنس والسرور
وياهــــلا ومرحبا فيك ترااااحيب المطر
مرورك وكلامك وتشجيعك الأخوي أنورت به جوانب متصفحي المتواضع وعساك ذخر القرم
هذه القصيد أرسلت لي كما قلت مسج وبحثت وبدون جدوى ولم يأخذني اليأس وفي أحدى الجولات داخل عالم النت عثرت عليها
وهي للشاعر ( عبدالرزاق الذيابي العتيبي ) وكان وقت طرحها يكتب تحت أسم مستعار هو ( سابـك ذهـب ) وهو كذلك.
أما عن القصيدة فهي عندي من وقت طويل ولو دريت أنك تبحث عنها كان عجلت بطرحها بالمنتدى.
سلم لي ذوقك ورقي أخلاقك ياشاعر الوئام المميز
لاهنت يابن العم وبيض الله وجهك على الكلام الراقي.

يعين الله يادنيا تسـوق ايّامهـا الأحــزان = يعين الله .. وانتي مثل قفـل ٍ ضـاع مفتاحه
يعين الله ... وجروحي لها في كلّ وقتٍ شـان = كذوب اللي يقول ان الزمن بيـداوي جراحه
سقى الله يوم انا يمـّه غرير ٍ يزعج الجيران = سقى الله يوم انا طفلٍ يصج البيت بصياحه
سقى الله يوم كان اقصى طموحي .. لعبة الدنان = نهاية يومي المغرب ... واخاف الليل واشباحه
سقى الله يوم انا البس بشت ابوي وثوبه القيطان = واقلد كلّ شيٍ فيه .. حكيه .. جدّه .. مزاحه
واشيل المسبحه مثله ليا هوجس وهو سرحان = بيشعر ...واحسب ان اللي عطاه الشعر مسباحه
سقى الله بيتـنا ذاك البسيط مشقق الجدران = شجـاع ٍ يهزم الغدراء … بقنديله ومصباحه
تكحِّلنا القناعه .. لا طمع .. لا هم .. لا حرمـان = واذا جاء الليل تكفينا ... ثلاث اخوان .. طرّاحه
جميع الذكريات اللي غدت في قفرة النسـيان = يحـاكي حلوها عبره ... بموق العين سبّاحه
خذتني غربـةٍ عنوانها ... غربه بلا عنوان = ابي عقب التعب راحه ... لقى فيني التعب راحه
رجعت اليوم مثل اللي رجع عقب القنص خسران = غدا طيره وجاء يسحب سلـوقيه وملواحـه
قصيده مابَعَد مرّت ببال مسـاعد وضيـدان = هواجـيس ابدويٍ هايـم ٍ في عشق فـلاحه
وروح ٍ تايبـه كانت تبي لذنوبـها غفـران = خطـاي انّي كتمت اسرارها بعيـون بواحه
تقولين المطر ماهـوب … يمّـه دايمٍ هتان = اجل معذور قلبٍ في همومه ضاعت افراحه
انا يمـّه غلطت ولاني اول واحـدٍ غلطان = ابونا آدم من الجنه خرج باسباب ... تفاحه
خذلك الوقت فيني .. ماخذلتك ياأعـز انسان = وش الدبره ؟ وحظي صار.. قفل ٍ ضاع مفتاحه

أتمنى أن يحوز أختياري على رضاكم وأستحسانكم ودمتم بخير

بكل الووود

0
0
0
0

يااااصبااحات الرووعه والمشاركات الجميله جداااااا


سديم

عااازف

حسن

لكم شكر لا تسعه أحرفي لتصفه

ولكنه بحجم نقااء قلوبكم تماااما

تقديري العميق


0
0
0

الأخت الغالية ( الجوووري )
السلام عليكم ورحمة الله وبركاته
أسعد الله صباحك وجعله مشرقاً كأشراقة عودتك
آلف الحمد لله على السلامه ومنوره منتديات الوئام بعودة أحدى مبدعاته المتألقات
أختي سعداء بعودتك وعساها آخر الغيبات أنشاء الله........ وعسى أن تكوني بخير وصحه وعافية.
ياهــــلا والله وغــلا ومرحبا تراااحيب المطر فيك
وحياك الله أختنا العزيزه
وتـقـبلي مني أجمل وأرق التحايا

ياحياااااك ربي اخوي عااااازف والف الف شكر لجميل ترحيبك

لاعدمتك يارب

وفعلا انا مقصره كثير بس للضروره احكاام ولكن كل ماسنحت الفرصه سأتواجد

والبركه فيكم مبدعين الوئام بكم يظل نوره

السلام عليكم ورحمة الله وبركاته
أسعد الله أيامكم جميعاً بالأنس والمسرات

مُعجزه يافكر ماكنت اعتقـد تضعـف ركابـك = لين زارك هاجسـاً كـل الصعايـب يحتسيهـا
هاجسٍ تـوّه غـزى للفكـر بخيـول ٍ تدابـك = وإستحلّه0وإتّجـه لعـروق قلـبـي يحتويـهـا
واصَل الغارات لين الفكر مـع قلبـي تشابـك = إشتبك قلبي وفكري واشرف الهاجـس عليهـا
قلت يافكري مـادام إنـك لغـال ِ الدر سابـك = إسبك الابيات جاتـك خيـر فرصـه تحتريهـا
وفز ياقلبي ورحّـب جـاك ضيفـاً دق بابـك = جاك ضيفاً جيّتـه فـي كـل لحظـه ترتجيهـا
في سبيله كنـت ماترتـاح مـن شـدّة عذابـك = مبتليك الشوق0حتـى النـوم عينـك مايجيهـا
كل يوم إيزيد فيك الشـوق ليـن الهـمّ صابـك = وصرت مابين الرجـا واليـاس للـي تهتويهـا
وعقب طول إغياب جاتك نادمه تخشى عتابـك = والتردد والخجل والخـوف كـلّـه يعتريـهـا
وسلّمـت متلعثمه0بدموعهـا تغـرق ثيـابـك = وراسها محني على صدرك تبي مـن يحتميهـا
تعتذر لك آسفه0وإتقـول يحفـظ لـي شبابـك = إقبل اعـذاري وإخـذ منّـي عيونـي لوتبيهـا
قل لها ياقلب0مقبول الأسـف عنـدي هلابـك = مرحبا وانتـي لـك الأعـذار منّـي وإقبليهـا
غاليه والقلب شـعّ انـوار يـوم إنـه درابـك = يوم حـس بجيّتك فـزّت عروقه كـل إبيهـا
إدخلي جوفه وشوفي خافقـي كيـف إهتنابـك = يحتفل ويضخّ حبـك فـي عروقـه وإدخليهـا
وتعرفين إني فتحت القلـب لجلـك وإعتنابـك = وإخضعت لك هيبتـه مستسلمـه تبسـط يديهـا
قف هنا0وإجلس هنا0وإلعب هنا0بعثر زهابـك = وسط قلبي وإمترح داخـل عروقـه عندكيهـا
عااايدي خذ راحتَك في القلب دام الحظّ جابك = إنبسط والروح سوّ اللـي تبـي وإتريـد فيهـا
وقل0تمن0إطلب0وش اللي ترغبـه يامرحبابـك = لعنبـوك إطلـب حياتـي والله إني لعطكيهـا
وانت تعرفني وتذكرنـي ولـو طـوّل غيابـك = تعرف إني بالكرم مذكور مع بيـض الوجيهـا
مرحبابك جيتنـي وأحييـت فكـري وإحتفابـك = ينظم الابيـات مـن بحـر الشعر ما يشتريهـا
لجلك انتي دار فكري وإبتـدى بـك وإنتهابـك = وجاب من شانك هديه0قال لـك سمّـي خُذيهـا
إقبلي منّي قصيدة حُـب فـي حضـرة جنابـك = إقبليها,وإسمعيها,وإكتبيهـا,وإحـفـظـيـهـا
ويش رايك في القصيده؟رايعه؟ قولـي جوابـك = وكان ماهـي رايعـه بإسلـوب رايـع عدّليهـا
والنهايه لجلك انت القلب مـع فكـري تشابـك = تشتبك في بعضها مـن يـوم ماتطـري عليهـا

جعلكم سالمين يأهل الوئام

بكل الووود

0
0
0

صباااااح الذهب شاعرنا القدير عازف

قصيده أرروع من الروعه

عذبة .. بمعانيها وكلماتها وتسلسلها

كل الشكر لإتحافنا بها

وبصدق قرأت كثيرا للشاعر ولكن أراك هنا اخترت قصائد رائعه لم أقرأها له مسبقا


من قصائده هذه الطريفه ..




فيرست ماي سبيك ولكوم يازين
,,,,,,,,,,,,,,,,,, هَلو فروم مَي هارت تو ماي لايف

ماي لوف إفري ديَ! ماي هارت أقين
,,,,,,,,,,,,,,,,,, يونيم.. سايد هارت! لايك أنايف

آي كان كم تويو بجده اون بلين
,,,,,,,,,,,,,,,,,, فروم رياض إن إيفنينق آي رايف

آي وونت قو وذ يو تو حمرا وذلحين
,,,,,,,,,,,,,,,,,, ذَ ريد سيتي ميتنق اووول الولايف

جده سيتي ذ دريز اوووووول المزايين
,,,,,,,,,,,,,,,,,, ذَ بِست تاون ذان أبها وطايف

إن ذَ سَمَر! جده سيتي بيكم قرين
,,,,,,,,,,,,,,,,,, بيكم فَري نايس بها الكيف كايف

..


0
0
0

تحيااااااتي

ياهلا والله وغلا بأختي ( الجوووري )
وجعل صباحك أزهار وورود
وبالفعل شاعر جميل وفكاهي ومميز أعجبت في الكثير من قصائده لقوة معانيها وأسلوبها الرااائع كما كتب في هذه الطريفه
وهذه من القصائد الجيده:-

بيـن الحداثـه والكلاسيكـي حقيقـه! فيـه فـرق = مثل ماتفرق عن نسيم الصبـح اعاصيـر الريـاح
والسيف: لـه طعنـه شديـده غايره,والرمـح زَرق = والموت في طعن السيوف وعنـد زرقـات الرمـاح
والبـل: مجاهيم,ومغاتير,وصفر,شـعـل ٍ, وزرق = ويـوم المزايَـن قَدِّمـت ريمه,وسمحه,مـع سمـاح
والشعر: له موعد ويطرق خافـق العِشّـاق طـرق = وكـلٍّ علـى فالـه ويطلـب بالعوافـي والصـلاح
والشاعر اللي بالقصايد بـارع ٍ فـي كـل طَـرق! = موعود فـي دنيـاه مـع شعّـار جيلـه بالنجـاح
والجادل اللـي سِحرَهـا بعيونها,وإخـدود طُـرق! = إصخـر لهـا القيفـان يافكـري ولبّسهـا وشـاح
وآنا ليا منّي بدعت القـاف صـار الغـرب شـرق = والليل لادلهم وعسعـس! بـرق فكـري فيـه لاح
إليا ضرَبت بسوط فكري! ينتشر في الكـون بـرق = وبنات فكري محتسيها فـي الزمـن مثـل السـلاح
يافـكـر سـنّـد للمعالي,والفخر,والمـجـد,وإرق = مادام ربَّع في هجوسـك وإعتـرض سيـد المـلاح
جاتك على وضح النقا0عزّ وفخـر 0ماجـات دَرق = وقالت: صباح الخير0 شفت إشلون منها العطر فاح!؟
يامرحبـا باجمـل صباحاتـي عـدد مانـاح وِرق = ولعيونك انت اجمل صباح الخير ياخيـر الصبـاح
يامَن خذا قلبي بكيفي عـن رضا0ماهـوب سـرق = وحتى ولو هو سارقه0 مادمت انا راضـي! مُبـاح
ملكتني كلّي بعَـد حاصـرت قلبـي عـرق عـرق = اجمل حصار ٍ صار فعـلاً0 لاصبـاح ولاصيـاح
وفي فلسفة(علم الحروب) إن الحصـار اشـدّ حـرق = مـن لاهـب النيران,والأمراض,والسـمّ الـذحـاح
وكم من حصار ٍ في زمننـا فيـه للمألـوف خَـرق = والواقع الملمـوس! يحكـي مايسبـب مـن جِـراح
لكن حصارك غير وانته غيـر فعـلاً فيـه فـرق = هذاك لو سبّـب ألـم! سبّـب حصـارك إنشـراح
وإختامها حيّـا الله اللـي مرويتنـي عـرق عـرق = اللي مساء الخيـر مـن فمهـا0 يغنّيهـا الصبـاح

لاهنتي وجعلك تسلمين أختي ولاعدم ولاخلا
وتـقـبلي مني أجمل وأرق التحايا

لا يا نسيم الليل قلب الخطا باح = والعين ملت جفنها من سهادى
يا ليتني مثلك خلي ومرتاح = ما أحد نشد عن غايتي .. عن مرادي
ولا طاب لي غصن من الغى مياح = أروي غليل القلب لا صار صادي
لا شك أنا بالحب كتبت لي جراح = شربي حزين الدمع .. والصبر زادي
لا جيت أبا أدله عن زماني الذي راح = قالت ليالي الشوق .. وين أنت غادي