لولـعـت دنياك في صـدرك النار.......

لولـعــت دنـيـاك فـــي صـــدرك الـنــار = انـــص الـرفــاع ولـــع الـنــار فـيـهــا

وان زادتك زدها من اغصون الاشجار = الــيـــن تــبـــرد غــلـــةٍ مـحـتــويـهــا

ودن الـــدلال وطـسـهـا بـــن وبــهــار = بـريــةٍ راعــــي الــخــوى يشتـهـيـهـا

لـشـف منـهـا راعــي الـكـيـف مـقــدار = تـطـري عـلــى بـالــه عـلــومٍ نسـيـهـا

لقـيـت انــا الـدنـيـا غرابـيـل واخـطــار = مــا احــدٍ سـلـم مـنـهـا وكـــلٍ يـبـيـهـا

عـنـيــدةٍ تـهـوى الـــذي عـنـهـا ســـار = وتقـفـي عــن الـلـي بالـغـلا مهتويـهـا

لا تـأمـن الـدنـيـا تــرى الـوقـت غــدار = مـثــل الـبـحـر تـشــرب ولا ترتـويـهـا

دنـيـــا دنـيــه مـالـهـا صــاحــبٍ بــــار = تقلـب عـلـى الـلـي بالـوفـاء يحتريـهـا

تقطـعـت مــن دون الاجــواد الاخـبــار = ربــعٍ لـصـكـات الـدهــر نـحـتســيـهــا

احمد بن عبدالرحمن العريفي
(نديم المجره)

نــديـم المجره صـح لسانك وتسلم وبيض الله وجهك على هذه القصيده الجزله والمعبره

وتسلم يمينك ولك تحيـــــاتــــــي

قصيده جزله ،ابيات رائعه
باسلوب سهل ممتنع
صح لسانك ولاهانت يمينك

..~
شاعرنا نديم لاهنت على جمال ماطرحت من ابيات رائعه..~
سلمت الانامل ويعطيك ربي العافيه .. بِ انتظآر جديدك القادم ..
تحيآتي وتقديري ..~