كل اللي اقدره البكا..!!

حتى السما ماهي السما .. حتى المطر ماهو المطر=كل شي من بعدك ذبل .. حتى فؤادي والعيون
مات الأمل في داخلي .. والفرح من حزني إنتحر=وشلون أبفرح والفرح من وين ماكنتي يكون
ياقاتلتني جرح سكّينك نزف دمٍ حمر=عودي أو أخذي خافقٍ تكاثرت فيه الطعون
من وين ماأسوق القدم طيفك قدم عيني يمر=وأقبل أضمّه خايفٍ يرحل ويترك لي الشجون
شوفي القمر كيف إختفى ماعاد يحلاله سهر=شوفي حمامات الفجر ناحت على خضر الغصون
شوفي النوارس تنتحب .. تبكي على شطّ البحر=شوفي الصحاري المجدبه تنعي غيابك للمزون
شوفي عيوني سافرت .. شوفي خفوقي إنكسر=شوفيني طفلٍ غايته يغفى على صدرٍ حنون
شوفيني من بعدك أونّ .. صبحي شقا وليلي قهر=فقدت عقلي .. صرت أحس إني على حدّ الجنون
ياوين أبلقى من بعد فرقاك للضحكه ثغر=ياوين أبلقى من بعد فرقاك لعيوني جفون
لا لا تقولين الصبر .. ماعاد أبد فيني صبر=كل اللي أقدره البكا .. وأقول ياجرحي تمون
إن قلت هانت ولّعت في خافقي جمرة سقر=وشلون أهوّنها واهي صعبه على قلبي تهون
وإن كان ودك أنتهي من كل هذا وأختصر=تكرّمي بس وإسمعي هالبيت ياشوق العيون
محمّد اللي تعرفي .. من بعد غيبتك إنتحر=واللي نزف هذا الألم .. طيفٍ غدى كلّه طعون

إن قلت هانت ولّعت في خافقي جمرة سقر = وشلون أهوّنها واهي صعبه على قلبي تهون

-------
السلام عليكم ورحمة الله وبركاته
الرااائع والمتألق أخوي ( محمد السبيعي )
حياك الله وياهلا ومرحبا تراااحيب المطر
روعه وإبداع تعودناه وأعتدنا عليه من شاعر متميز وراقي
قصيدة يسيطر الألم على روعة كلماتها ونزف مؤلم لشاعرنا
يسطره في أعذب وأجمل معزوفاته الإبداعيه.
لاهنت وصح لسانك يالسبيعي وربك كريم يابعدي
لاعدمتك ولاعدمت إطلالتك المميزه
تقبل مني خالص تحياتي وتقديري؛؛

الغاااااااالي محمد السبيعي

قصيدة تشرفت بسماعها قبل مصافحتها هنا

راااااائعة وقليل في حقها قولنا راااائعة

مفعمة بالجماااال

ولكن يابو حميد

وش رأيك باللي حتى البكاء ماهو قااادر يبكي

ومرجاااانه واخوها شاحين عليه

الله يجيب المطر


سجل اعجاااابي

وتقبل تحيااااااتي

لك مني

كل الحب

بسم الله الرحمن الرحيم..

مشكوووووووور محمد السبيعي على هذي القصيدة الرائعة..

الاخ محمد السبيعي

السلام عليكم


قصيده لا تحتاج لتعليق

فلقد عودتنا ان تصافحنا في كل مره

برااااائعه من روائع الشعر

لله درك يا اخي

وفي انتظااار ابداع جديد قريبا ان شاء الله


تقبل تحيااااااااااااتي

حضور .. ص .. ا.. م .. ت

صح لسانك .. محمد السبيعي ..

وتسلم يمناك

.............

...

	كل اللي أقدره البكا

الأمر لله يامحمد



كلمات رائعة وبرغم الحزن المعانق حروفها


تمنياتي لك بالسعادة دوماً وابداً




كلك ذوق

...

محمّد اللي تعرفي .. من بعد غيبتك إنتحر
واللي نزف هذا الألم .. طيفٍ غدى كلّه طعون

بيتين عجزت حقا عن وصفهما
فيهما اجتمع سحر التصوير وعمق المعنى
سلاسة الوصف ورقة المغزى
ليشيران لشاعر تقف العبارات للاشادة به
الله يعطيك العافية اخوي محمد

لولوة

حكّم سيوفك في رقاب العــــذلِ
وإذا نزلت بدار ذلٍ فـأرحـــــــلِ

وإذا بليت بظالمٍ كن ظــــــــالماً
وإذا لقيت ذوي الجهالة فأجهلِ

وإختر لنفسك منزلاً تعلو بــــهِ
أو مت كريماً تحت ظل القسطلِ

موت الفتى في عزةٍ خيرٌ لــــه
من أن يموت أسير طرفٍ أكحلِ
.
.
لـ عنتره بن شداد

عازف الناي

حضورك أجمل

وردك أروع

لارحمت تواجدك ياغالي

تحيااتي

محمد السبيعي